Menor de edad nga nagalantaw sang drag race patay sang mabungguan sang motorsiklo sa banwa sang Candoni. Tatlo pa ang nasamaran nalakip diri ang rider.
Na-untat ang drag racing event matapos nga maglapaw sa race track ang isa sa mga rider sa competisyon sa banwa sang Candoni.
Resulta nga tatlo sa mga tumalan-aw nga yara sa kilid sang dalan ang nasamaran.
Suno sa katapo sang Candoni-Drrmo, Nalakip sa mga nabungguan ang menor de edad nga lalaki, isa ka 28 anyos nga babaye kag barangay tanod.
Gindala sa ospital ang mga pilason pati na ang rider. Pero wala matabangan ang menor de edad kag napatay.
Ang drag racing event ang ginpatigayon sa pagsaulog sang kapistahan.