Nagalaum ang presidente sang mga backyard hog raisers nga gikan sa sentinelling tayuyon na kag tigayon nga maka restock sang baboy sa probinsya.
Suno kay Ric Lauron, ang presidente sang AHRANO ukon ang Alliance of Hog Raisers Association of Negros Occidental, sa sentinelling nga gina patigayon karon, wala sang may na record mortality ukon pagkapatay sang baboy.
Suno kay Dr Placeda Lemana ang Provincial Veterinarian, Setyembre sang nagligad nga tuig ang pinaka ulihi nga mortality nga na record kag ini ang tuga sang African Swine Fever kasubong man hog cholera. Under control na suno kay Lemana ang ASF cases. Positibo si Lauron nga maga tayuyon ini kag maka sulod sa madason nga stage – ang restocking.
Damlag pa ginsiling sang Provincial Veterinarian, nga tubtob maulian ang supply sang baboy, magapabilin nga mahal ang presyo sini sa merkado. Sa monitoring sang PVO, 360 pesos ang pinaka mahal nga kilo sang baboy nga na record kag 275 peos naman ang pinaka barato nga kilo sang baboy nga na record.
“I am confident that in the second quarter, pwede na kita ka dugang sang aton mga stocks so that ma amat-amat naton pataas ang volume sang aton production”, suno kay Lauron.