Sa video nga kuha ni Mark Albito makita pa ang natumba nga Ceres bus sa higad sang karsada sa sa Sitio Bandihan, Barangay Salong, siudad sang Kabankalan.
May mga pasahero nga naga pinungko sa higad sang dalan kag ang iban sa ila gina tatap sang katapo sang BFP Kabankalan.
Sa inisyal nga record sang Kabankalan PNP, 35 tanan ka ka mga pasahero nga sakay sang Ceres bus.
Suno sa media relations officer sang Vallacar Transit Incorporated nga si Jade Marquez, may bahin sang dalan nga talaklaron kag didto ginpapanaog sang bus ang isa ka pasahero apang nadulaan ini sang kontrol kag hinali na lang nag dalusdos panaog kag natumba.
Padulong ini kuntani sa Barangay Bantayan.
Paathag ni Marquez, 39 ang seating capacity sang bus kag indi matuod ang alegasyon nga overloaded ang bus.
Sa karon, ang lima ka mga pasahero nga yara sa Kabankalan District Hospital para magpabulong, sila tanan ang yara naman sa estable nga kondisyon.