Kahalitan sa pananum bangud sang pag mala sang duta dala sang El Nino Phenomenon ang nagdangat sa 16.8 million pesos.
Ini base sa report nga gin-submit sang Office of the Provincial Agriculturist as of February 19.
Sa report sang OPA, 16,873,675 pesos ang balor sang kahalitan sa humayan. Suno kay Dina Genzola ang OIC-Provincial Agriculturist padayon sa gihapon ang validation sa kahalitan sa pananon lakip na sa mga mangunguma nga na apektuhan.
Suno kay Genzola gina hulat pa nila ang report sa iban nga commodities kasubong sang utan ukon mais kun bala may kahalitan man. Sa Himamaylan City, ginbitia ni Mayor Raymund Tongson ang apat ka mga barangay nga apektado sang El Nino agudto mapat-od man kun ano nga bulig ang mapalambot sa mga apektado.
Sa ocular visit sa Brgy Tooy, Carabalan, Cabadiangan, Mahalang upod sang alkalde ang staff sang City Social Welfare and Development kasbong man City Disaster Risk Reduction and Management Office.