Shadow

Helper patay, driver sang truck nag angkon sang mga paso sa lawas matapos masunog ang ila nga truck sa Cadiz

Cadiz Fire Station photo

Helper nga nasunog upod sa iya ginasakyan nga trak nga may karga nga gasolina ang nakilal-an na.

Halos indi na makilal-an ang bangkay sang helper nga nasunog sang ginlamon man sang kalayo ang truck nga ila ginkargahan sang ginalon nga gasolina sa Barangay Luna sa siudad sang Cadiz, Martes sang kaagahon.

Suno kay Fire Officer 1 Gerald Bugtong,arson investigator sang Cadiz City Fire Station, nakilal-an ang biktima nga si Romnick Borasca, 21 anyos sang Barangay Rafaela Barrera sang siudad sang Sagay.

Nag-gwa sa ila inisyal nga imbestigasyon nga posible nagsugod ang kalayo sa mga galon sang gasolina nga ila ginkarga halin sa Bacolod padulong kuntani Sagay.

Nakaluwas naman ang drayber sang trak nga si John Vincent Recto, 25 anyos.

Nag-angkon siya sang 2nd degree burn sa mga tiil kabangdanan nga siya ang nagapabilin nga nagapabulong sa regional hospital sa Bacolod.

Wala pa man makapakig-angut sa mga otoridad ang tag-iya sang trak nga nasunog.

Leave a Reply

Your email address will not be published. Required fields are marked *

Secured By miniOrangeSecured By miniOrange