Shadow

Bacolod vaccination bukas na sa tanan nga Bacolodnon

Ginbuksan na sang bacolod ang vaccination program para sa general public, buot silingon mangin top priority na ang kada isa para madapatan sang bakuna kontra sa Covid -19.

Bangud man sang mataas nga Covid-19 related death sa bulan sang setyembre nga naglab-ot sa 168, nagdesisyon ang katapo sang Emergency Operations Center nga buksan ang Covid-19 vaccination program para sa dise otso anyos pasaka.

Nag-gwa nga 140 sa mga napatay ang unvaccinated gani top priority sang EOC ang tanan nga qualified nga magbaton sang Covid-19 vaccines suno kay Em Ang, executive director sang Bacolod EOC.

Gani magluwas man sa gin-extend nga vaccination program sa mga mall, pagasugdan man sang EOC ang pagpangbakuna sa mga kabarangayan.

Padayon man nga ginahaylo sang siudad ang mga residente nga magpabakuna agud maamligan sila sa virus kag malab-ot ang ginalauman nga herd immunity antes matapos ang tuig.

Ang mobile vaccination kag drive thru vaccination pati na ang 24-hour vaccination kabahin sa mga ginpabaskog nga tikang sang siudad agud mas mapadasig ang pagpalab-ot sang bakuna.

Leave a Reply

Your email address will not be published. Required fields are marked *

Secured By miniOrangeSecured By miniOrange