Pagtukod sang adhoc committee ginduso sa konseho para mausisa ang pag-operate sang fingerport sa Bredco.
Nagligad lang nga Enero sang gin-aprobahan sang konseho ang application for resolution of no objection ukon RONO sang Bacolod Real Estate Development Corporation ukon BREDCO para sa re-engineering kag re-planning para sa kapin 25 hectares nga reclamation project sa atubang sang RORO port sa reclamation area.
Nakit-an ni Councilor Al Victor Espino, pamuno sang Committee on Laws and Ordinances nga magluwas sa Miscellaneous Sales Application Agreement kag Miscellaneous Lease Agreement, wala nakasaad sa nakasugtan nga Comprehensive Revised Reclamation Agreement sa tunga sang Bacolod LGU, BREDCO kag Philippine Reclamation Authority.
Gani ginduso niya ang pagtukod sang Ad Hoc Committee nga amo ang maga-review ang provisions sang CRRA agud mapasiguro nga napatuman ini sang insakto.
Kabahin sa tuyo nga mausisa sang itukod nga komitiba ang pag-operate sang finger port sa reclamation area.