Balik naman sa scratch ukon balik naman sa sugod ang hog industry karon nga liwat nag igo ang African Swine Fever sa probinsya sang Negros Occidental.
Gina sulit ni Governor Eugenio Jose Lacson ang pahanumdom sa mga hog raisers nga sundon ang na plastar nga protocol kag mga biosecurity measures.
Sadto na igo na ang probinsya sang ASF kag tigayon nga naka tibawas kag nag balik na gani sa pag produce sang baboy kasubong sang gina produce man sadto.
Gani, subong nga nag igo liwat, suno kay Lacson hinay-hinay lang, mag sunod sa protocol kag liwat naman nga mag repopulate.
Sa June 25 nga report sang Office of the Provincial Agriculturist, may 1,902 ka mga nagkalamatay nga baboy bangud sang masakit. Indi man masiling nga tanan ang may kaangtanan sa ASF. Pero, may mga kaso na sang ASF ang probinsya.
Ang kada LGU hugot na nga nag patuman sang ila nga mga border control kag biosecurity measure.
12 ka LGU sa Negros Occidental ang nag report sang hog deaths kag ang San Enrique damlag pa nag announce nga nangin ASF positive sila.
[sibwp_form id=1]