Sa good vibes, pawikan spotted nga naga pangitlog sa higad sang baybay sa Sipalay.
Sa higad sang baybay sang Purok Mahigugmaon sa Barangay Maricalum sa Sipalay City nakit-an sang mga residente nga sanday Sam David kag Jacky Jabagat, ang isa ka Olive Ridley sea turtle nga nagapangitlog sa baybayon.
Nakuhaan sang video kun paano nag kutkot sang balas ang pawikan para mangitlog.
Gilayon nga gin-report ang insidente sa lokal nga panguluhan kag ginkadtuan sang Bantay Dagat Task Force Coordinator nga si Edsel Toledo kag iya mga staff.
Ginkudalan sang Bantay Dagat ang area para ma protektahan ang pugad sang pawikan.
Suno sa kay Toledo, ang pagpangitlog sang pawikan sa sini nga lugar nagapakita sang ecological significance sang lugar.
Nagapasalamat ang lokal nga panguluhan sang Sipalay sa mga pumuluyo kag naga panawagan sa padayon nga pag report sang sini nga mga insidente sa otoridad.
[sibwp_form id=1]