May mga bisita ka nga manug abot ukon pamilya nga manug abot sa Negros? Wala ka kabalo kun diin sila dal-on? Basi trip mo nga i upod sila sa Heritage Tour sang Provincial Tourism Office.
May ginatawag nga “heritage tour” nga naga libot sa mga siudad sang Bacolod, Talisay kag Silay.
Isa lamang ini sa anum ka mga klase sang culture hub tour nga gina tanyag sa mga turista kag mga bisita. Sa sini nga tour makita kag ma experience ang heritage, history, tradition kag destinations pinaagi sa guided tour para sa solo man ukon group travelers.
Isa sa mga ginahapitan amo ang Provincial Capitol sa Bacolod City kun sa diin iconic na ang ini nga structure nga gintukod sadto pang 1927 kag manug 100 years old na next year.
Isa ini sa mga pinaka kilala nga heritage landmarks sa probinsya.
Halin sa Kapitolyo malibot sa Public Plaza sang Bacolod kag sa San Sebastian Cathedral para mapaambit sa mga bisita sang mga importante nga hitabo sa sini man nga heritage nga landmarks.
Naga labay ang tour sa Talisay City kun sa diin halapitan man ang Balay ni Tana Dicang, isa ka ancestral house nga ginpatukod sang 1872.
Gindeklarar na ini bilang important cultural property sang National Museum of the Philippines.
Ma rekta ang tour sa Silay City kag may stopover for lunch sa mga popular nga kalan-an.
Sa ginakabig nga “Paris of Negros,” pwede mabisita ang mga na preserve man nga ancestral houses kag ang historic San Diego Pro-Cathedral. Ini ang naga isahanon nga simbahan sa Negros Occidental nga may dome, ukon cupola.
Kay ang tour naga takop sa Negros Occidental Technology and Livelihood Development Center, kun sa diin sarang maka bakal sang nanari-sari nga mga produkto kag pasalubong halin sa nagkalain lain nga mga magagmay nga mga producers.
Pwede mag book sang tour sa culturehubtours.negros-occ.gov.ph ukon sa Negros Culture Hub Tours social media pages ukon sa Negros Residences.
[sibwp_form id=1]