May mga 10,000 ka mga mangingisda kag mga 5,000 ka crab pickers sa Visayas kag kaiping nga mga lugar nga gina lantaw ma apektuhan ang palangabuhian kasunod sang pag ban sang Estados Unidos sang blue crabs gikan sa Pilipinas.
Ini suno kay anay EB Magalona Mayor Alfonso Gamboa nga engaged man sa negosyo nga pag export sang blue crabs. Mga 6 to 7 billion pesos ang gina lantaw nga madula sa kada tuig suno sa iya sa bilog nga pungsod.
Ginsiling ni Negros Occidental Governor Eugenio Jose Lacson nga may pagsapol na upod sa Bureau of Fisheries and Aquatic Resources kag may palaabuton pa gid nga pagsinapol upod sa mga stakeholders para matalakay ang mga tikang para matigayon man balik ang US market.
Ang Pilipinas suno sa US National Oceanic and Atmospheric Administration ang may yara sang negative comparability finding sa idalom sang Marine Mammal Protection Act, rason nga gina dumilian ang blue crabs sini sa US market effective June 11.
Suno sa ahensya napaslawan ang Pilipinas sa pag hatag sang nagakaigo nga ebendensya nga ang local fisheries naga patuman sang marine mammal protection measures kaangay sa gina require sa idalom sang US regulations.
Suno kay Gamboa, 90 percent sang Philippine production sa blue crab industry ang market, Estados Unidos.
May alternative market kaangay sang China kag EU, pero indi ini maka kuha sang demand kasubong sang iya sang Estados Unidos.
Kag sa bilog nga production sang blue crab sa pungsod katunga sini ang gikan sa Negros kag Panay.
Na appeal na sadto pa sang pungsod ang amo nga desisyon sang Estados Unidos, pero wala sa gihapon ka pasar ang Pilipinas.
Ang iban nga Asian countries suno kay Gamboa kaangay sang India, Sri Lanka, Indonesia kag Vietnam ang nangin compliant na.
“(How big a market that’s going to be lost?) It’s 90 percent of the Philippine production. Siguro mga 6 to 7 billion pesos a year. Predominantly, Negros, Panay in the Visayan Sea, Bicol, Panay, Negros, Cebu, part of Eastern Visayas, part of Northern Mindanao. We were already denied as early as September 2025. We appealed in January 2026 and we still failed. In other words BFAR did not do their job”, suno kay Gamboa.*
[sibwp_form id=1]