May strawberry, ube, buko pandan, mango, chocolate kag may original nga flavor sang fresh cows fresh milk nga gina baligya sa karon sa may Ayala Malls Capitol Central sa likod sang Kapitolyo.
Produkto ini sang Negros Dairy sang Provincial Veterinary Office. Gikan ini sa La Granja sa La Carlota City. Suno sa kay Provincial Veterinarian Dr. Renante Decena, may kinse tubtob beinte ka mga baka sang probinsya ang sa karon naga produce sang 70-100 ka litro sang gatas sa kada adlaw.
Sadto anay gina gamit ini sa feeding program sang probinsya pero kaina pormal na nga gin buksan ang outlet sang Negros Dairy kun sa diin pwede maka bakal ang publiko.
Gintagaan sang Ayala man sang libre nga pwesto ang probinsya para ma promote ang produkto sang Negros Occidental. May yogurt ice cream man nga himo sa cows milk. May yara man sang mixed fruit with yogurt nga gina baligya.
Dugang pa ni Decena, isa man ini ka pamaagi nga ma promote ang pag inum sang fresh milk sa publiko kag ang pag suporta sa lokal nga mga produkto.
May yara man sang yugurt nga sarang mabakal.
Panugod pa lang ini sunod sa kay Decena. Naga plano sila nga maghimo sang mga recyclable bottles para sa fresh milk para refillable na lang kag mapa hagan hagan na ang pag gamit sang plastic.