Dugang nga regular flights gikan Manila pa Bacolod ang gina paabot sumugod Nobyembre 15 tubtob 30.
Gina paabot ang executive order ni Negros Occidental Governor Eugenio Jose Lacson bahin diri. Suno kay provincial administrator Rayfrando Diaz ang tikang ang sabat sa ginapaabot man nga pag damo sang mga pasahero nga maga pinauli sa probinsya.
Sa karon ang kada airline may yara lamang sang duha ka flights sa kada semana.
Sa ipa gwa nga EO, ang kada airline ang may isa ka flight na sa kada adlaw. Magapabilin naman ang SPass, kag sa mga fully vaccinated, kinahanglan ang verifiable ID, kag sa wala nabakunahan, negative RT PCR test result.
Suno kay Diaz sila ang maga pakig angut sa mga alkalde bahin sa approval sang SPass nga ini anay ang ipaidalom sa probinsya agudto nga mas mangin madasig. Mangin palareho naman ang screening process sa tanan nga maga abot ayhan sa mga maga padulong sa Bacolod ukon sa mga banwa kag siudad sa Negros Occidental.
Maga padayon sa gihapon ang special flight sang PAL para sa mga vaccinated individuals. Bukas naman ang Cebu Pacific Air nga ang duha ka cargo flight sini para sa mga pasahero nga vaccinated.
Kun maga damo na ang regular flights gina paabot ang pagbarato man sang plete.