Sa June 1 to 5 naka schedule ang enrollment kadungan sa Brigada Eskwela sa mga pampubliko nga eskwelahan humalin kindergarten padulong Senior High School.
Sang school year 2025 to 2026, may 1,070,517 ka mga estudyante sa pampubliko nga mga eskwelahan humalin kindergarten tubtob senior high school.
Sa mga pribado naman nga eskwelahan may 114,420 ka mga na enroll nga estudyante.
Suno kay Almyr Caezar Dequiña ang spokesperson sang DepEd NIR, bag-o pa lang natukod ang DepED NIR kag padayon pa ang ila nga pag pat-od sang datus labi na ang pag project sa mangin kadamuon sang estudyante para sa gina paabot nga school year.
Suno kay Dequiña sa mga registration damlag pa nga gin patigayon sa mga pampubliko nga eskwelahan may yara sang ball park figures sa kadamuon sang mga estudyante para sa school year. Ini ang gina gamit para mahandaan naman ang mga logistics sa gina paabot nga school year.
Pero indi pa man final ang mga figures diri bangud sa mismo enrollment period may mga estudyante nga amo pa lang mag pa lista man.
Nagapahanumdom ang DepEd nga mas maayo nga ipa enrol man sang temprano ang kabataan.
“May ara kita sang early enrollment window nga early gin-provide. Actually that also serves as initial head count kuntani pero we understand man nga there are others who would also like to enroll man within the enrollment period”, suno kay Dequiña.
[sibwp_form id=1]