Dala sang kainiton sang panahon, indi malikawan ang pag masakit sang mga kasapatan. Preventive measures ang gina patuman lakip na vitamin supplementation.
Ginsiling ni Alliance of Hog Raisers Association president Ric Lauron, nga sa ila nga mga grupo may yara gid man sila nabaton nga report sang pagkalamatay sang mga gina sagod nga baboy.
May mga nagkalamatay suno sa iya bangud sang heat stroke. May mga nag malasakit man. Suno sa iya minimal man ang mga kaso, ila nga pahanumdom ang mga manugsagod ukon ang mga backyard raisers nga dapat pabaskugon ang vitamin supplementation.
Paayuhon ang nutrition sa mga gina sagod nga baboy para mapabakod ang resistensya batuk sa ano man nga masakit dala sang paniempo.
Ginsiling ni Dr Placeda Lemana ang Provincial Veterinarian nga sa ila nga pag sapol upod sa mga veterinarian sang mga LGU kag mga technician may mga common cases nga namutikan sa mga kasapatan kaangay sang sip-on kag ubo.
Pero ini ang sarang nga madapatan sang bulong.
Sa pihak nga bahin, ginsiling ni Lauron nga nanaog ang presyo sang live weight sang baboy. P155 per kilo sa ila nga monitoring sang nagligad nga semana subong nanaog ini sa P150 per kilo.
Damo ang supply subong sang baboy labi na nga ang mga naga bakal sadto gikan sa Iloilo subong sa Panay naman nagakuha sang ila nga supply.
Indi man masyado ang demand pa gid gikan sa local market suno kay Lauron.
“May pila-pila kita nga na-record nga nagkalamatay tungod ang iban tungod sang init naga heat stroke ang iban gamasakit. Pero minimal man lang sa amon assessment. Nagligad semana daw ga guom, tapos gaulan, taas kaayo ang humidity, na problema pirme sang aton livestock mag amo na ang tiempo bala.
Ang aton gina hatag nga instruction sa aton backyard raiser nga mahatag gid kita measures, like for example vitamin supplementation, i-enhance naton ang ila facilities ang aton, kurungan, much more ang nutrition gid”, suno kay Lauron.