Matapos nga ginhingadlan sang Department of the Interior and Local Government Bacolod City ang pila ka mga barangay kag barangay officials sang siudad bangud sa ila outstanding performance sa 2026, gintanyag ni Bacolod City Lone Distric Representative Alfredo Abelardo Benitez ang 1 million pesos nga incentives para sa ila.
Onse ka mga barangay ang maka-ambit sa 1 million pesos nga incentives nga naghalin mismo sa personal nga pondo sang kongresista.
Lakip sa mga makabaton amo ang mga barangay nga ginhatagan sang Seal of Local Governance, Best Performing Barangays, kag mga barangay officials nga ginpasidunggan sang DILG.
Barangay Taculing ang may pinakadako nga share nga yara sa 141,000 pesos matapos nga nakuha sini ang Seal of Good Local Governance, Best Performing Barangay, Legend Awards, kag Excellence in Financial Administration and Sustainability nga award .
5,000 pesos naman ang sang mga ginkabig nga Most Outstanding Barangay Treasurer, kag Most Outstanding Barangay Secretary.
Naplastar na sang Liga ng mga Barangay ang payroll sang amo nga incentives kag iga-release na lamang ini sa mg barangay nga nagdaog.
[sibwp_form id=1]