
Concrete barriers ginpahamtang sa idalom sang flyover sa Magsaysay kag Araneta Streets sa Bacolod agud indi himuon nga talambayan.
Sadto anay ginhimo nga parking area sang mga salakyan, tricycle kag naga-byahe nga e-trike ang idalom sang flyover sa Magsaysay Street kag Araneta Street sa Barangay Singcang-Airport.
Pero kaina, napalibutan na sang concrete barrier ang idalom sang flyover. Ginpahayag ni DPWH District Engineer Leah Jamero, magaserbe nga warning device ang mga barriers.
Sa sini man nga pamaagi mapaiway pati ang pagtambay sang mga nagatulog kag nagabaligya sa idalom sang flyover.
Damlag pa, gintuad ni Jamero nga nangin madulom ang idalom sang flyover kun gab-i bangud may pila ka mga floodlights ang ginapatihan ginpangkawat.
Ginatinguhaan na sang DPWH nga makakita sang replacement agud mapasanag ang alagyan sa idalom sang flyover.