Shadow

City Vet nagpaathag nga libre ang bakuna kag kapon sa ido kag kuring sa Bacolod

City Veterinary Office nagpahanumdom sa mga pet owners nga libre ang ginapatigayon nga kapon kag vaccination sang siudad.

Handa ang pamunuan sang Bacolod City Veterinary Office nga magpatuman sang imbestigasyon sa alegasyon sang isa ka pet owner sa Barangay Mansilingan nga nag-alegar ginsukot sang isa sa mga staff makaligad nga nag pabakuna sang iya nga ido.

Ginpahayag ni Assistant City Veterinarian Dr. Jec Cabuguason, wala nila gina-tolerar ang pagsukot ukon pag pangayo sang bayad kabaylo sang gina patuman nga massive anti-rabies campaign sa mga barangay sa Bacolod.

Nag pahandumdom ang City Veterinary Office nga libre ang kapon kag ang pag pabakuna sang anti-rabies sa mga hinuptanan nga ido kag kuring sa siudad.

Dungan sa kampanya sang City Vet ang pag pangsikop sang mga layaw nga ido sa mga dalanon.

Target man nila nga mabakunahan kag makapon ang indi magnubo sa 10,000 ka mga layaw nga hinuptanan.

Humalin sang Enero 1, may 67 na ka mga layaw nga ido nga nasikop kag karon nagapabilin sa City Pound sa Barangay 35.

Secured By miniOrangeSecured By miniOrange