Balita Hiligaynon

Nakita na kaina sang aga sa coastal area sang Barangay Cartagena sa siudad sang Sipalay ang bangkay ni Romie Morales matapos ini malumos sang kahapon sa baybay sa sa siudad sang Sipalay.Suno kay Major James Latayon, nalumos kag gin anod sang makusog nga balod kahapon si Morales matapos niya gin rescue ang nagakalunod man nga upod sa trabaho.Tigayon nga na rescue ang iya sini nga upod pero si Morales nga nag salbar, amo naman ang nadula kag nasapwan na lang ini nga patay kaina.

Pontevedra PNP photoMabukas na kun tani sang ila nga baligyaan sa Barangay 2 Poblacion sa Pontevedra sang Sabado sang kaagahon si Meaurie Pagunsan, sang hinali na lang siya ginpalapitan kag gintiro sang makapila ka beses sang riding in tandem.Patay sa pagpangluthang ang biktima nga natukiban sang pnp sadto anay nadakpan bangud sang kaso nga estafa.Suno kay Captain Hancel Lumandaz, posible gun for hire ang mga suspek kag ang biktima ang ginpatay sang isa sa iya nga mga gin utangan.Padayon ang imbestigasyon sang PNP.

Isabela PNP photo.Patay ang motorcycle rider nga si Jerard Cabrillos matapos malampos ang iya ulo sa semento sang mahulog sa kanal ang iya motor sa bahin sang Brgy Mansablay sa Isabela sang Sabado.Suno sa pulis, naglapaw sa kilid sang dalan ang motor ni Cabrillos sang mag labay ini sa kurbada nga bahin sang dalan gani nag rekta kag nahulog ini sa kanal.Posible naka inom ang biktima suno sa pulis kag madasig ang pagpadalagan sang iya motor amo kun ngaa nag lapaw ini sa kanal.

7 tubtob 8 ang ratings nga ginhatag sang pila ka mga lokal nga opisyales sang probinsya sa performance ni Presidente Rodrigo Duterte.Sa one to ten nga rating, 8 ang ginhatag ni Governor Eugenio Jose Lacson sa kay PRRD. Suno sa gobernador sa sitwasyon nga gin-atbubang sang presidente dala sang pandemic nangin mabudlay gid man ang tanan, ilabi na sa bahin sang ekonomiya. Sang 2019 nangin maayo ang dalagan sang ekonomiya suno kay Lacson.Para naman kay Mayor Salvador Escalante, Jr sang Cadiz City 7 and half to 8 ang iya rating sa kay PRRD. Indi man sarang makumparar ang presidente sa iban nga presidente bangud pinasahi ang sitwasyon subong – may pandemic. Pero, nagtupa ang mga proyekto sang national government suno kay Escalante.Napabutyag naman sang presidente suno kay Escalante a...

Richard Malihan photoGinpamunuan ni Negros Occidental Governor Eugenio Jose Lacson ang paglasa sang lechon kaina sang aga sa isa ka programa sa pagpakita nga nagapabilin nga ASF free ang Negros Occidental.Sa ika duha nga anibersaryo sang ASF Task Force, ginkilala sang Negros Occidental ang mga organisasyon kag mga indibidual, lakip na ang mga local government units kag mga government agencies, nga nagsuporta sa kampanya sang probinsya para mapabilin ini nga hilway gikan sa African swine fever.Estable sa karon ang presyo sang baboy sa merkado kag tayuyon ang pagpadala sang probinsya sang baboy sa Luzon kag pila ka bahin sang Visayas. Ini ang naka hatag sang benepisyo sa mga local hog raisers suno sa gobernador. May iban gani sa mga local hog raisers nga nangin commercial hog rai...

Luyag sang Negros Occidental nga ma maximize ang power nga na-generate sang probinsya agudto mapapanaog man ang presyo sang kuryente kag maka ganyat man sang technology industry investors.Sa isa ka pre-power summit, suno kay anay congressman kag karon economic consultant sang probinsya, Albee Bentez, pagatalakayon ini kag para man matun-an ang nagakaigo nga sistema para sa bentaha sang probinsya kag mga konsumedor.Ang Iloilo suno sa iya nagbarato na gani ang cost of electricity, bagay nga kun mapatuman man diri sa probinsya mas maayo sa mga konsumedor.Ang Negros Occidental ang naga generate sang halos 600 megawatts sang renewable energy nga nagalakip sang gikan sa solar, biomass sang geothermal suno kay Benitez. Ang actual nga consumption sa peak load sini 350 megawatts.Mal...

CAAP PIO photo43,000 ka dose sang Sinovac vaccine ang nag abot kaina sang aga para sa Bacolod City kag Negros Occidental.20,000 diri ang para sa Bacolod City kag 23,000 naman ang para sa probinsya.Suno kay Provincial Administrator Rayfrando Diaz naka schedule kag plastado na ang pag rollout sang bakuna sa probinsya.Padayon ang rollout karon sang AstraZeneca vaccines gikan sa Department of Health kag sa Lunes naman maga sugod ang pagbakuna para sa mga yara sa A4 category sa Negros Residences gamit ang bakuna nga ginbakal sang probinsya.Sa Lunes mag pagasugdan ang rollout sa 70,000 nga Janssen vaccine sang Johnson and Johnson.Samtang, nagnubo naman ang kadamuon san g active cases sang Negros Occidental sa karon pati na ang positivity rate.

Kabankalan PNP photoPatay ang amay nga si Roberto Sabio kag ang iya sini 17 anyos nga anak matapos mabungguan sang wing van ang kapehan kun sa diin sila naga pangape sa kilid sang highway sa Kabankalan City.Suno sa Kabankalan PNP, naga dalagan pakadto sa banwa sang Ilog ang wing van nga gina maneho ni Arnel Brillantes sang madulaan ini sang kontrol matapos mag likaw sa tricycle nga yara sa kilid sang dalan.Nag rekta sa pihak nga lane kag nag bunggo sa kapehan sa kilid sang dalan ang wing van kun sa diin naga pangape ang mag amay.Mag luwas sa mag amay nga na napatay, pilason man ang talto ka persona lakip na ang duha ka tag iya sang kapehan.Detained na nkaron sa Kabankalan PNP pang driver sang wing van.