Luyag sang Negros Occidental nga ma maximize ang power nga na-generate sang probinsya agudto mapapanaog man ang presyo sang kuryente kag maka ganyat man sang technology industry investors.
Sa isa ka pre-power summit, suno kay anay congressman kag karon economic consultant sang probinsya, Albee Bentez, pagatalakayon ini kag para man matun-an ang nagakaigo nga sistema para sa bentaha sang probinsya kag mga konsumedor.
Ang Iloilo suno sa iya nagbarato na gani ang cost of electricity, bagay nga kun mapatuman man diri sa probinsya mas maayo sa mga konsumedor.
Ang Negros Occidental ang naga generate sang halos 600 megawatts sang renewable energy nga nagalakip sang gikan sa solar, biomass sang geothermal suno kay Benitez. Ang actual nga consumption sa peak load sini 350 megawatts.
Malapit sa katunga diri ang excess ukon sobra. Isa sa mga vision sang Negros Occidental suno kay Benitez amo nga maka engganyo sang pagpasulod sang technology industry investors nga maka hatag man sang dugang nga obra. Kun may estable nga supply sang kuryente kag competitive ang power rates isa ini sa makaganyat para sa technology industry.
Isa man sa ginaduso karon amo ang pag gamit sang renewable energy.
“Amo na nagpatawag ta sang power summit para at least matun-an naton. Pangitaan ta sang maayo nga sistema, to achieve two purpose. Number 1 to reduce power cost so to benefit ang aton mga consumer. Number 2, allow a stable and competitive rate power supply to entice ang technology industry nga magkadto di kag mag invest sa aton,” suno kay Benitez.