Shadow

Gov: Dapat sa gihapon mangin mabinantayon kontra ASF

Richard Malihan photo

Ginpamunuan ni Negros Occidental Governor Eugenio Jose Lacson ang paglasa sang lechon kaina sang aga sa isa ka programa sa pagpakita nga nagapabilin nga ASF free ang Negros Occidental.

Sa ika duha nga anibersaryo sang ASF Task Force, ginkilala sang Negros Occidental ang mga organisasyon kag mga indibidual, lakip na ang mga local government units kag mga government agencies, nga nagsuporta sa kampanya sang probinsya para mapabilin ini nga hilway gikan sa African swine fever.

Estable sa karon ang presyo sang baboy sa merkado kag tayuyon ang pagpadala sang probinsya sang baboy sa Luzon kag pila ka bahin sang Visayas. Ini ang naka hatag sang benepisyo sa mga local hog raisers suno sa gobernador. May iban gani sa mga local hog raisers nga nangin commercial hog raisers na.

Pero naga panawagan nga gobernador nga dapat sa gihapon mangin mabinanatayon agudto indi masudlan ang Negros Occidental sang ASF. May 46 ka probinsya kag 493 ka banwa kag siudad ang apektado sang ASF sa pungsod.

Padayon man ang commitment sang task force sa pagpasiguro nga wala sang pork ukon pork meat products nga imported ukon gikan sa mga lugar nga may kaso sang asf ang makasulod sa negros occidental.

“We have to be vigilant, because we cannot be complacent because just one mistake, and the entry of asf is really hard to control. That’s why the task force is committed to keep our grounds safe, by making sure that no meat products or pork products would enter the province from areas considered as red zone,” suno kay Lacson.

Leave a Reply

Your email address will not be published. Required fields are marked *

Secured By miniOrangeSecured By miniOrange