Ginkumpirmar ni Bacolod City Administrator Atty. Mark Steven Mayo nga may napulo na ka baboy ang na report nga nagkalamatay sa Bacolod City.
Sandig sa rcord sang African Swine Fever Task Force sang siudad, may duha ka napatay nga baboy sa Barangay Alijis, pito sa Barangay Taculing kag may isa sa Barangay 35.
Wala pa matumod kun ano ang kabangdanan sa pagkalamatay sang baboy bangud natalana pa lang ang blood testing.
Suno kay Mayo, hugot man nga ipatuman sang siudad ang pag bantay sa 13 ka mga entry points za siudad agud matapna ang pag gwa-sulod sang mga pork products gikan sa mga red-zone areas.
Lakip sa mga lugar nga butangan sang border control amo ang Barangay Felisa, Sum-ag, Granada, Alangilan, Bata, kag Mansilingan.
Mabutang man sang checkpoints ang siudad sa Bredco kag Banago ports.
Nagpahanumdom naman ang siudad sa mga backyard hog raisers nga likawan ang pag-ihaw sang mga baboy nga nagamasakit kag sa publiko nga magbakal lamang nga produkto nga naihaw mismo sa slaughterhouse.
Natalana nga magpagwa sang isa ka Executive Order si Bacolod City Mayor Greg Gasataya may angut sa pag-ban sang imported nga baboy kag pork products nga makasulod sa siudad.
[sibwp_form id=1]