Balita Hiligaynon

Gindala sa ospital ang tatlo ka miyembro sang isa ka pamilya sa Purok Roma, Barangay Sincang-Airport sa Bacolod City matapos nga naglain ang ila pamatyag bangud sa ila ginkaon nga ginapatihan contaminated seashells.Suno kay Punong Barangay Rosinie Distrito, sadtong Huwebes, Marso 19, nagpanginhas ang iloy sang pamilya sa baybay.Biyernes sang aga, Marso 20, ginluto sang mga kabataan niya ang amo nga mga seashells. Apang pagkahapon, naglain na ang pamatyag nila.Gindala sa ospital ang tatlo ka miyembro sang pamilya. Duha sa ila ang nakagwa na, apang ang isa ka menor de edad, na confine pa sa gihapon sa ospital.Suno kay Distrito, gina usisa na sa karun sang City Health Office kon bala na-poison ang pamilya bangud sa sheashells ukon sa tubig nga ila ginainom.Subong nga adlaw, Marso 25...

Bangud sang pagtimbook sang presyo sang produkto petrolyo isa sa mga ginakakulbaan nga masunod nga magsaka amo ang presyo sang abono.Isa negosyante sa Bacolod nagatanyag nga himuon nga compost ang mga basura halin sa merkado kag ipanagtag sa mga mangunguma.May report si Romeo Subaldo.https://youtu.be/GmtKGHpgh_o?si=-oNKuqkTAaEyaaFW

Governor Eugenio Jose Lacson kag Bacolod Representative Albee Benitez ang naga abi-abi kag naga suporta sang deklarasyon sang state of National Energy Emergency.Martes sang nag declare si Presidente Ferdinand Marcos Jr sang State of National Energy Emergency lakip na ang pag authorize sang United Package para sa Livelihood, Industry, Food kag Transport.Suno sa presidente ang naga padayon nga gamo sa Middle East ang naga butang sa delikado nga sitwasyon sang availability kag stability sang energy supply sang pungsod.Suno kay Benitez nga deputy House Speaker sa karon bilang suporta sa Executive, siya ang maga-file sang Bayanihan for Economic Resilience and National Stability Act of 2026.Suno kay Benitez ang hagna ang maga tugot sa Executive nga mas maayo maka responde sa krisis nga g...

Duha ka mga duktor sang City Health Office sang Bacolod ang nalakip sa 12 ka mga empleyado nga ginpanaugan sang Bacolod City Government sang show cause order.Ginsiling ni Atty. Karol Joseph Chiu, ang City Legal Officer, ang isa sa duha ka duktor ang ginreklamo sang iya mismo nga mga staff sa CHO bangud iya ini ginapangbuyayaw.Samtang ang isa naman ang ginreklamo bangud sa insensitive nga mga pahayag sa isa ka pasyente. Ini ang ginreklamo mismo sang nanay sang isa ka rape victim.May isa man ka nurse sa CHO ang ginhatagan sang sanction bangud sa habitual tardiness kag absences.May tatlo naman ka empleyado sang General Services Office ang tigayon ginkakas na sang siudad bangud sa malawig nga absence without leave ukon AWOL.Pormal naman nga ginpasakaan sang kaso ang apat ka...

Dugang nga amenities sa Mambukal Resort ang Wildlife Sanctuary ang gina paabot maga bukas sini nga semana.Ginsiling ni Provincial Administrator Rayfrando Diaz, sini nga Hwebes patigayunon ang blessing sa maga bukas nga coffee shop sa Mambukal.Mismo si Governor Eugenio Jose Lacson ang maga panguna sini. Ang Camp Nolan Trail ang natalana man nga paga buksan.Ginaabot nga sa mas madali nga panahon masaylo na ang mga endangered species bangud na delay ang construction sang enclosures tuga sang malain nga panahon nga nangin mabudlay sa pagpasulod sang kinahanglanon nga mga materials.Ang water falls naman nga trail ang natalana nga i-inspect sang DILG.Suno kay Diaz may yara sang bahin sang slope nga nagkaproblema bangud sang slope failure. Ini ang na stabilize na, pero ini ang gina ting...

Antes magbook sang kaladtuan nga resort karon nga opisyal na nga nagsugod ang tig-ilinit siguraduhon anay nga legit ang social media page nga gina contact mo kay may mga kaso nga gina hack ukon gina kopya ang social media pages sang mga resort sa southern Negros.May report si Romeo Subaldo.https://youtu.be/ZCiZ1FBttE8?si=zrycTw0XgXEehdIA

Tagaan sila sang dugang pa gid nga oras.Ini ang pahayag ni Bacolod City Administrator Atty. Mark Steven Mayo may angut sa pagpahalin sa mga permanente nga baligyaan sa palibot sang Bacolod City Government Center.Magapabilin ang mga vendors sa ila nga ginatindugan sa karon samtang nagapadayon pa ang negosasyon sang siudad sa pamilya Gonzaga, nga amo ang donor sang duta nga ginatindugan sang BCGC.Suno kay Mayo, indi pa sila mapahalin bangud wala pa sang final nga desisyon ang pamilya Gonzaga, kon diin sila isaylo.Gina-istoryahan pa sang siudad kon pila ang inadlaw nga balayran sang mga vendors kun magsugot sila nga magsaylo sa isa ka pribado nga duta nga malapit man sa BCGC.Una na nga ginpabutyag sang mga vendors nga 75 tubtob 100 pesos lamang kada-adlaw ang ila nga masarangan para...

Nagbinungguanay ang tatlo ka mga motor kag isa ka salakyan sa national highway sang Purok Lubi, Barangay Gil Montilla sa Sipalay City, Lunes sang hapon, Marso 23.Nag-resulta ang pagbungguanay sa pagkasamad sang 16-anyos nga driver sang isa ka motor. May mga guba man ang imbulbado nga mga motor kag ang Mitsubishi Xpander nga ginamaneho sang 47-anyos nga empleyado sang Sipalay LGU.Nag-gwa sa imbestigasyon nga padulong sa Brgy. Gil Monilla ang tatlo ka mga motor sang hana nga mag-overtake ang 16-anyos nga driver sang motor sa isa ka salakyan.Nakabunggo sang motor ang kilid sang Xpander nga nagadalagan sa pihak nga lane, kag siya ang natumba sa dalan. Ang nagasunod sa iya nga duha ka mga motor nga ginadala sang isa ka menor de edad kag 20-anyos nga lalaki ang nagkalatumba man.*

Ginbawian sang kabuhi sa San Carlos Doctors Hospital ang 3 anyos nga bata matapos siya ang gin-alegar aksidente nga matiruhan sang iya 2 anyos nga hinablos sa Barangay Bunga, banwa sang Don Salvador Benedicto.Base sa inisyal nga imbestigasyon sang kapulisan, nakit-an sang duha ka mga bata ang pusil sa gwa sang balay kag abi anay nila isa ini ka halampangan. Ila gindala ang pusil sa sulod sang kwarto kag ginhampangan, ugaling gin-alegar napitik sang 2 anyos nga bata ang gatilyo kag naiguan sang bala sa dughan ang iya 3 anyos nga tiyo.Ginsiling ni Police Major Ellendie Rebusquillo, hepe sang DSB PNP, may kabudlayan sila sa pag pat-od kun sin-o ang tag-iya sang homemade nga pusil bangud wala sang luyag mag-testify kag wala man sang CCTV sa lugar.Suno sa hepe, ang pamilya, ang indi na lu...

Ginkuhaan sang kwarta kag ginlampusan sang kahoy sa ulo ang Turkish national, rason sang iya kamatayon sa Sitio Mampuso, Barangay Canlamay sa banwa sang Ilog.Isa sa duha ka mga suspek, amo ang 35-anyos nga babaye nga naka-upod inom sang foreigner antes magluntad ang insidente. Ang babaye, anay karelasyon man sang 57-anyos nga biktima.Ang isa pa ka suspek, amo ang 34-anyos nga lalaki, nga karon amo ang live-in partner sang babaye nga suspek.Ginsiling ni Police Major Randy Babor, hepe sang Ilog PNP, gin-ediyahan sang mag-partner nga kawatan ang foreign national.Matapos mag-inom-inom ang foreigner kag ang babaye nga suspek, samtang nagalakat sa kampo, ila ginhimo ang krimen.Suno kay Babor, na-file na sa Prosecutor’s Office ang reklamo nga robbery with homicide batok sa mag-live in p...