Balita Hiligaynon

Masobra sa 4.1 million pesos ang kabug-usan nga cash incentives nga ginpanagtag sang siudad sang Bacolod sa mga nagdaog nga mga atleta sa tinalikdan nga Negros Island Regional Athletic Association Meet.Ang gingamit nga pondo ang gikan sa Special Education Fund Program sang Department of Education. Masobra sa 400 ka mga atleta ang nakakuha sang cash incentives.Sandig sa pagsulundan sang siudad, ang isa ka atleta sarang makabaton sang 5,000 pesos sa kada gold medal nga nakuha sini. 4,000 pesos naman kun silver kag 3,000 pesos sa bronze.Samtang ang coaches sang mga nagdaog nga atleta, ginhatagan sang 7,000 pesos kada gold medal. 5,000 pesos naman sa silver kag 3,000 pesos sa bronze. May ara man ang mga assistant coaches kag trainers sang incentives.38,000 pesos nga cash incent...

Bukas na karon ang Camp Nolan Trail kag ang river dipping area sa Mambukal Resort and Wildlife Sanctuary.Wala labot sini may bag-o pa gid nga Garden Cafe nga ginbuksan man.Kahapon, Hwebes, gin pamunuan ni Negros Occidental Governor Eugenio Jose Lacson, 3rd District Board Member Andrew Montelibano kag Provincial Administrator Rayfrando Diaz ang inagurasyon sang mga bag-o nga facilities.Naga balor sang masobra sa 30 million pesos ang pag patukod kag improvement sa amo nga mga facilities.Suno kay Diaz, P5.8 million ang balor sang Garden Cafe. Ang improvement sang Camp Nolan Trail naman nagabalor sang P10.5 million.Samtang ang bag-o nga power house ukon ang electrical rehabilitation ang naga balor naman sang P15 million.Suno kay Negros Occidental Governor Eugenio Jose L...

Dakop sa CCTV video sang Red K Gasoline Station sa Barangay Mansilingan sa Bacolod ang black and white nga expander nga may plate number nga FAT 8356 nga naga pa gas.P500 ang ginpa gas sang driver kag sang mahuman na ang pagtughong kag matapos nga masira na sang gasoline boy ang gas tank, nagdali-dali ini palagyo nga wala makabayad.Istorya ni Leomarskie Paver sang amo nga gas station, Pebrero 27 pa sini nga tuig ini natabo pero luyag niya nga mag serbe ini nga warning sa mga gas stations nga mangin alerto sa parehos sini nga drayber nga gina palagyuhan ang balayran ilabi na karon na siyado ka mahal sang bili sang produkto petrolyo.Napa blotter na nila ang insidente kag nangayo man sila sang bulig sa LTO para makilala ang tag-iya sang salakyan.

Gin turn-over na kaina sang aga sang SM Foundation sa Bacolod City LGU ang duha ka mga upgraded nga mga health centers nga nahamtang sa dalan Mabini sa Barangay 28 kag sa Education Training and Center School sa Barangay 16.Ini ang magaserbe sa 27,000 ka mga residente sa 15 ka mga barangay nga malapit sa nahamtangan sini. Ang amo nga mga pasilidad ang ginpatukod sang siudad, apang ini ang gin-renovate kag ginpanami pagid sang SM Foundation.Ginakabig nga child-friendly ang amo nga pasilidad bangud ginhungod sang SM Foundation nga butangan ini sang holding kag play area kon sa diin pwede makahampang ang mga bata nga pasyente. Fully air-conditioned man ang pasilidad kag may ara ini sang kaugalingon nga pharmacy.Ginsiling ni Connie Angeles, Executive Director for Health and Medical ...

Ginpang demolish sang City Legal Office Enforcement Team sang kahapon, Marso 25, ang apat ka illegal structures sa Narra Street sa Barangay Villamonte sa Bacolod City.Lakip sa mga gin-demolish ang mga extension sang tatlo balay kag isa ka tiangge nga nagabalabag sa higad sang dalan.Ang mga tag-iya sang amo nga mga istruktura ang nagpabilin gihapon sa amo nga lugar bisan pa nga ginpasaylo na sila sa relocation site sa Arao Relocation Site sang siudad sang nagligad nga tuig. Nahibaluan man sang CLO nga ang mga duta nga ginhatag sa ila sa relocation site ang ginhatag man nila sa ila mga pamilya.Suno kay Levy Pangue, pamuno sang City Legal Office Enforcement Team, may pila gihapon ka mga residente ang wala maghalin sa lugar.Ginausisa naman sang CLO ang isa ka residente nga nagasiling m...

Nagwa sa medical findings sang ospital nga positibo sa amoebiasis ang pila ka myembro sang pamilya sa Purok Roma, Barangay Singcang-Airport sa Bacolod City. Ini matapos nga gina-alegar na-poison sa pakinhason nga ila ginakaon.Ginsiling ni Dr. Grace Tan, pamuno sang Environment and Sanitation Division sang City Health Office, indi pa mapat-ud kun kontaminado gid man ang pakinhason ukon ang tubig nga gina-inom sang pamilya.Wala pa sang resulta ang laboratory test sa samples nga ginkuha sang CHO sa tubig nga gina-inom sang pamilya. Naghinyo naman ang CHO sa Bureau of Fisheries and Aquatic Resources nga ipaidalom man sa testing ang pakinhason sa baybay. Sa karon, ginadumilian anay sang barangay ang pumuluyo nga magpanginhas sa baybay samtang wala pa ang resulta sang testing.Nagkuha naman...

Nakuhaan sang video ang driver sang modernized jeepney nga naga gamit sang cellphone samtang naga maneho sang salakyan sadtong March 16 kag ginpadala sa LTO.Gani, ginserbehan sang Land Transportation Office – Negros Island Region sang Show Cause Order ang operator sang amo nga modernized jeepeney bangud ginabutang sang drayber sa delikado nga sitwasyon ang iya mga pasahero kag kaugalingon kag isa ini ka traffic violation.Naga saylo-saylo pa sang lane ang driver nga delikado para sa iban nga motorista.Wala ang driver pero ang HR sang kumpanya ang nagbaton sang show cause para sa iya.Suno sa LTO maga serbe ini kuntani nga paandam sa mga operators kag drivers nga sundon ang traffic laws para ma proteksyonan ang kabuhi sang tawo sa dalanon.*

Isa pa gid ka transport strike ang ginpatigayon sang mga drayber sang depasahe nga salakyan subong nga adlaw.Luyag na sang mga drayber nga ipatuman ang 13 pesos nga plete nga madugay na na aprubahan sang LTFRB pero wala lang napatuman kay naluoy sila sa commuters.May report si Richard Caballero.https://youtu.be/SzLoQeYKV4k?si=-AVArnWg2ZAs1BHL

Lansihanay sa “item” ukon iligal nga droga ang inisyal nga ginalantaw nga motibo sang kapulisan sa kaso nga pagpaniro sa Purok Kabuhi, Barangay 10 sa Bacolod City, Miyerkules sang gab-i.Ginsiling ni Police Major Eugene Tolentino, hepe sang Station 2 nga sakay ang duha ka mga biktima sa tricycle nga ang sidecar wala sang atop. Wala pa nakilala ang mga biktima bangud sila ang pangayaw sa lugar.Nag-gwa sa imbestigasyon nga una gintiro ang sakay sang tricycle, kag nagtinguha pa nga makapalagyo ang driver apang siya ang ginlagas kag ginpulihan kastigo sang mga suspek.May nakuha na nga CCTV footages ang Station 2 kag apat ka mga persons of interest ang ila ginatutukan.Sa karon, ginpaidalum pa ang mga biktima sa surgery, gani ginahulat pa sang kapulisan nga sila ang maka-recover a...

Naga-inom inom ang mag-utod kaupod sang ila mga tupad balay sa Purok Ipil-Ipil, Barangay Bulanon sa Sagay City, Miyerkules sang gab-i.Nag-gwa sa imbestigasyon sang pulis nga naglalisay ang mag-utod nga sanday alyas “Jovan”, 33-anyos, kag alyas “Dodong”, 42-anyos bangud sa porsyon sang duta sa area sang Toboso.Naglala ang ila pagsabtanay sang ginsumbag ni “Jovan” ang iya magulang. Nagkuha sang sundang si “Dodong” sa iya balay kag ginbuno ang iya manghod.Nagtinguha nga malagyo ang manghod apang padayon siya nga ginlagas sang iya magulang kag makapila ka beses nga ginbuno.Gindakop sang mga tanod ang suspek, samtang gindala sa ospital ang biktima, ugaling siya ang napatay.