Masobra sa 4.1 million pesos ang kabug-usan nga cash incentives nga ginpanagtag sang siudad sang Bacolod sa mga nagdaog nga mga atleta sa tinalikdan nga Negros Island Regional Athletic Association Meet.
Ang gingamit nga pondo ang gikan sa Special Education Fund Program sang Department of Education. Masobra sa 400 ka mga atleta ang nakakuha sang cash incentives.
Sandig sa pagsulundan sang siudad, ang isa ka atleta sarang makabaton sang 5,000 pesos sa kada gold medal nga nakuha sini. 4,000 pesos naman kun silver kag 3,000 pesos sa bronze.
Samtang ang coaches sang mga nagdaog nga atleta, ginhatagan sang 7,000 pesos kada gold medal. 5,000 pesos naman sa silver kag 3,000 pesos sa bronze. May ara man ang mga assistant coaches kag trainers sang incentives.
38,000 pesos nga cash incentive ang nabaton ni Isabella Unna Ejercito sang Bacolod Trinity Christian School. Siya ang nakadaog sang anum ka gold medals kag duha ka silver medals sa archery kag magatiglawas sang NIR sa palaabuton nga Palarong Pambansa.
Bacolod City ang nangin over-all champion sa pinakauna nga NIRAAM nga ginpatigayon sang Marso 1 tubtob 6.
Sa 475 ka mga atleta nga nakakuha sang medalya, 188 sa ila ang mangin tiglawas sang rehiyon sa Palarong Pambansa nga pagahiwaton sa Agusan Del Sur sa Mayo sini nga tuig.
[sibwp_form id=1]