Balita Hiligaynon

Nagpa-andam ang Negros Electric and Power Corporation sa publiko nga likawan ang pag share sang mga post sang isa ka peke nga account nga nagagamit sang ngalan sang Negros Power bangud sala ang ginahatag sini nga impormasyon.Base sa isa ka official post sang Negros Power, isa lamang ka Facebook page ang ila gina-usar kag may ara ini sang masobra sa 230,000 ka mga followers, magluwas sini, wala na sang iban pa nga account nga ginagamit ang NEPC.Ini kasunod sang paglapta sang post sang isa ka Facebook account nga may ngalan man nga “Negros Power” nga posible may ara sang energy lockdown nga matabo sa pungsod bangud sa padayon nga pagtimbook sang presyo sang gatong kag kakulang sa suplay sini.Panawagan sang NEPC sa publiko nga i-monitor lamang ang ila official Facebook page para sa mga ...

35 tubtob 45 pesos ang kada litro nga presyo sang biodiesel ukon ang sahi sang diesel halin sa usado nga mantika, mantika sang manok kag mga dunot nga utan.Ini ang ginabaligya sang isa ka kumpanya sa mga mangingisda kag mga mangunguma.May report si Romeo Subaldo.*

Naka Blue Alert ang Provincial Disaster Risk Reduction and Management Council para sa Semana Santa. Paghalong sa mainit nga panahon lakip sa mga ginapahahumdom.Sumugod Abril 1 ukon Miyerkules Santo tubtob Abril 6, ipaidalom sa blue alert status ang PDRRMC. Nagakasayuran nga naka standby ang mga disaster teams enkaso nga kinahanglan ang deployment.Suno kay PDRRMO head, Irene Bel Ploteña ang mga areas of convergence ukon ang ginasayuhan kaangay sang mga simbahan kag ruta sa mga prosisyon ang tutukan sa Semana Santa.Tutukan man ang mga beaches kag resorts labi na pag abot sang Sabado kag Domingo.Mataas ang heat index sa Semana Santa gani gina abisuhan ang mga maga pakig bahin sa religious activities nga magpabilin hydrated, kun naga paidalom sa medication indi pagkalipatan ang mga bul...

Sa Lunes ginapaabot nga magsaka man ang bili sang liquified petroleum gas ukon LPG.Ini ang ginkumpirma sang petroleum company nga Regasco. 400-500% ang ginsaka sa shipping cost sang LPG ukon P30 kada kilo.Sa contract price sang LPG as of March 25, $95 kada metric ton ang saka ukon P6.00 sa kada kilo.Kun 11kg nga LPG ang ginabakal sang isa ka konsumedor, naga kahulugan ini sa P385-P440 nga saka sa kada 11 kilogram nga tangke.Kun masobra sa isa ka libo ang bili karon sang LPG, maga lab-ot na ini sa halos P1500.Ini man ang pinakadako nga price adjustment sa bili sang LPG sa kasaysayan sang Pilipinas suno sa kay Arnel Ty, ang president sang Regasco.Pero sa paglantaw niya ini ang pinakadako nga igiho sa presyo kag kun magsaka pa gid indi na amo sini kataas.

Cash assistance kag fuel subsidy para sa mga mangunguma ang gina handa man sang Department of Agriculture sa tunga sang pag panghangkat karon nga gina atubang dala sang pag timbook sang presyo sang gatong.Paathag ni DA Negros Island Director, Engr Jose Albert Barrogo, kada tuig may yara financial assistance nga gina hatag sa mga mangunguman nga may yara sang duha ka ektariya panubo nga gina uma. Ini ang ila gina tinguhaan nga ma-release na.May fuel subsidy man nga iga-release sa mga mangunguma nga ginhatagan sang machineries lakip na mga kooperatiba nga may yara man sang ila kaugalingon nga equipment kag bisan pa yadtong mangunguma nga may yara sang ila nga equipment.Hatagan man ang mga fisherfolks.Pero, wala pa ini mapat-od kun pila ang kantidad.Unahon anay release ang fue...

Gindagdagan na sang notice sang Bacolod City Legal Office si Barangay 16 Punong Barangay Jason Ligaya may angut sa mga nagbinalik nga mga illegal structures sa kilid sang dalan sa Palanca Road nga iya nasakupan.Ginsiling ni Atty. Joseph Karol Chiu, City Legal Officer, nga gin-clear na nila ang lugar sang July 9 sang tinalikdan nga tuig, apang sang ginbalikan ini sang CLO agud i-inspect, natukiban nga may mga bag-o naman nga mga illegal structures ang nakatukod.May mga negosyo sang car wash kag may mga bulkitan na sa higad sang dalan. May ara man trucks sang junkshop kag mga panimalay.Ini ang ginadumilian sang siudad bangud sa mando sang Department of Interior and Local Government nga ipabilin nga hilway para sa publiko ang mga sidewalks.Sang Lunes, ginkadtuan na sang CLO si...

Alkalde sang Bacolod ang nagapangabay sa health workers nga palabaan ang pasensya.Ini kasunod sa pag-issue sang siudad sang show cause order sa duha ka mga duktor sa City Health Office bangud sa gina-alegar pagpamuyayaw sa mga staff kag insensitive nga mga pahayag sa isa ka rape victim nga pasyente.Suno kay Mayor Greg Gasataya, iya naintsindihan ang kakapoy sang mga health workers, apang ginapangabay niya nga atubangon nila ang mga pasyente sang eksakto bangud may mga ginabatyag man ang mga ini.Dugang sini, ginatinguhaan sang siudad nga mapaayo pa gid ang health services para sa mga pumuluyo, rason nga iya ginapangabay ang mga health workers.Bilang bulig naman sang siudad sa mga health workers, natalana nga i-release sang siudad ang 75 tubtob 80 million pesos nga allowance ...

May persons of interest na ang kapulisan sa kun sin-o ang nagsulod, nagpangawat kag nag-vandalize sa daycare center sa Himamaylan City sadtong Marso 24.Ang mga suspek, nagtig-ang, nagluto sang sud-an kag nagkaon pa sa sulod sang hulot.Ginsiling ni Police Lt. Peter Genovia, deputy chief sang Himamaylan PNP nga ila na na-locate ang area sang mga persons of interest apang nagapangita pa sila sang dugang nga saksi kag CCTV footages nga maka-link sa mga suspek kag agud mapabakod pa gid ang mga ebidensya.Gin-report sang daycare worker sa kapulisan nga wala labot nga gin-vandalize ang dingding sang eskwelahan, ginkuha pa sang mga suspek ang 40 ka mga canned goods, lima ka tray sang itlog, electrical wires, kag iban pa.Nagalinapta ang mga gamit sa sulod, may mga ihi ang foam kag na...

Yara karon sa Intensive Care Unit sang ospital ang rider nga gin-alegar biktima sang hit-and-run sa atubang sang isa ka subdivision sa Brgy. Mandalagan, Bacolod City, mga la 1:30 Biyernes sang kaagahon Marso 27.Sa inisyal nga imbestigasyon, nagbungguanay ang Honda Click sang biktima nga ginkilala kay alyas “Diomedes”, taga Brgy. Dulao sa Bago City, kag ang isa ka Volkswagen nga salakyan.Natumba sa semento nga dalan ang rider kag naka agum sang mga pilas.Gin-alegar sang mga saksi nga hubog ang driver sang Volkswagen, nga wala nagpapugong sa guard sang subdivision kag nagpalagyo padulong sur nga direksyon.Ginsiling ni Police Major Elmer Bonilla, chief sang Traffic Enforcement Unit nga paagi sa verification sa system sang Land Transportation Office kag tungod nakuhaan man sang...

Ikaw bala ang naga plano magpatukod sang imo balay, ukon maga patindog sang istruktura?Ginahaylo sang grupo sang mga architects sa probinsya nga mas maayo nga magkuha sang professional help.Naga padayon karon ang 13th Negros Building and Construction Exposition. Tubtob ini sa Marso 30 sa Ayala Malls Capitol Central.Lakip naman diri ang selebrasyon sang 51st Founding Anniversary sang United Architects of the Philippines ukon UAP.Suno kay Architect Julius Rasmo ang UAP Negrense Chapter president ginahaylo nila ang publiko nga mag avail sang serbisyo sang isa ka professional.Una suno sa iya kay maga invest ka na man lang gid sa ipatukod nga balay ukon ano man nga infrastructure mas maayo nga na planuhan.Ang iban naga likaw sang pag kuha sang professional help suno kay iya kay ...