Balita Hiligaynon

Pila man ka adlaw nga wala sang trabaho sa pag dumdom sang Semana Santa. Governor Eugenio Jose Lacson ang naga pahanumdom sa mga Negrense nga indi pag kalipatan ang kahulugan sini.Work from home na ang mga empleyado sang gobyerno sa aga sang Miyerkules Santo kag wala na sang trabaho sa hapon.Sa gobyerno probinsyal, Martes na Abril 7 maga balik bukas ang mga talatapan, bangud wala man sang trabaho kun Lunes tuga sang 4 day work week.Kinaandan na sa kada Semana Santa ang pag biyahe sang kadam-an ayhan sa pag pauli sa tagsa nila ka mga lugar ukon sa pag bakasyon.Pahanumdom sang gobernador sa mga naga biyahe nga mag halong sa tanan nga tion.Damlag pa nag pahanumdom na ang Provincial Disaster Risk Reduction Management Office nga siguraduhon sa pag biyahe nga well conditioned ang mga s...

Nakilala na sang Land Transportation Office - Negros Island Region ang tag-iya sang sini nga black and white nga Xpander nga nakuhaan sang CCTV video nga naga palagyo gikan sa Red-K Gasoline Station sa Barangay Mansilingan sa Bacolod City.Pebrero 27 natabo ang insidente nga nagpatughong ang drayber sang unleaded nga gasoline worth P500 pero pagkasira sang gasoline boy sang gas tank, naghinagagaw dalagan ang salakyan.Sang nagligad nga semana sang gin-post ang CCTV footage sa tuyo nga mapahibalo ang iban nga gas stations nga may amo sini nga natabo ilabi na karon nga siyado ka mahal sang bili sang gatong.Ginkadtuan sang LTO ang balay sang tag-iya sang Xpander sa Murcia kag gin serbe ang show cause order pero wala didto ang tag-iya. Ginbaton sang miyembro sang ila pamilya ang show cause...

Sa bulig sang mga pribado nga kompaniya pinaaagi sa “Adopt A Red Zone” nga programa ginhatagan sang safety equipment ang 10 ka red zone barangay sa Bacolod.Ini ang kabahin man sang pagtakop sang Fire Prevention Month nga ginpatigayon sang BFP sa Bacolod City Government Center, Martes sang aga, Marso 31.Ang tagsa ka barangay nakabaton sang tig-duha ka fire extinguisher, handheld radio nga direkta na nga naka konek sa headquarter sang BFP, fire hose, kag fire alarms. Magluwas sini, may mga pribado man nga kompaniya ang nag-hatag sang dugang nga mga equipment sa mga napilian sini nga mga barangay.Suno kay BFP Bacolod City Deputy Fire Marshall Fire Inspector Jemarie Tapiru, may 314 ka mga red zone areas sa siudad kag tuyo sang BFP nga mahatagan ini tanan sang mga fire safety equipment....

May mga palaabuton nga investor nga maga sulod sa Bago City.Wala pa man ginpatpat ni Bago Mayor Marina Javellana-Yao, pero pila diri ang sa patag sang enerhiya kaangay sang wind kay hydro power.May pila man ka mga commercial establishments pa gid nga gina paabot maga sulod sa siudad.Samtang isa man sa mga proyekto nga luyag niya ipatuman ang pag patukod sang Dormitory labi na sa mga estudyante nga gikan pa sa mga malagyo nga barangay sang Bago.10 to 15 million pesos ang pondo para sa gina plano nga dormitory nga gina lantaw maka accommodate sang 150 ka estudyante.*

Nakaangkon sang mga igo sang bala sa iya lawas ang driver sang motorsiklo samtang nakaluwas ang iya angkas sang sila ang ginlambatan kag gintiro sa Purok Mirasol, Barangay Caliban sa banwa sang Murcia, pasado las 7 Domingo sang gab-i, Marso 29.Papauli sakay sang motor ang magpakaduha nga sanday alyas “Aljon”, kag alyas “Nico”, matapos sila ang nagpamiyesta sang may nagtiro sa ila.Nag-gwa sa imbestigasyon nga si “Aljon” nga amo ang driver sang motor, ang naigu-an kag nakaangkon sang madamo nga gunshot wounds. Natumba ang motor, nakadalagan si “Nico” kag nakapangayo sang bulig.Padayon pa ang imbestigasyon sa motibo sa pagluthang sa magpakaisa nga nagresulta sa kamatayon sang isa sa mga biktima.*

Nagdasok sa pang-unahan nga bahin sang Ceres bus ang motorsiklo nga ginasakyan sang tatlo ka mga menor de edad sa Taytay Martesan, Barangay Burgos, Cadiz City, sadtong Biyernes sang gab-i, Marso 27.Dead on arrival sa ospital ang 17-anyos nga driver kag angkas sini ang isa ka 13-anyos nga lalaki kag isa pa gid ka 17-anyos nga lalaki, tanan residente sang Brgy. Burgos.Nag-gwa sa imbestigasyon nga hana kuntani nga mag-overtake sa isa ka salakyan ang motor apang nagsaylo ini sa pihak nga lane kag nakabunggo sa nagasugata nga bus.Bangud sang impact, naglabog ang mga biktima sa sementado nga dalan.Suno sa pulis, may inisyal na nga pag-aregluhanay sa pamilya sang mga menor de edad kag sa bus company.*

May tatlo ka bulan na karon nga nag-operate balik ang Universal Robina Corporation Bais Distillery.Ini matapos nga nag issue ang Pollution Adjudication Board (PAB) sa ila sang temporary lifting order nga mag operate sa 60 to 70 percent lamang para mabalin nga zero waste.Ang URC Bais Distillery sa Negros Oriental ang naga produce sang ethanol gikan sa molasses.Suno kay Department of Environment and Natural Resources Director, Charlie Fabre sang December 28, 2025 pa nag issue ang PAB sang amo nga temporary lifting order kag January 2026 na ini ginpatuman.Manugtapos na sini nga Marso ang tatlo ka bulan nga ginhatag sa ila kag maga request naman ang URC sang extension para sa amo nga temporary lifting order.Suno kay Fabre, sa tatlo ka bulan nga pagpatuman sang 60 to 70 percent nga op...

Nagpangabay si Bacolod City Mayor Greg Gasataya kay Bacolod City Police Office Director Colonel Eugene Rebadomia nga hatagan sang dako nga pagtamud ang pagtapna sang mga petty crimes sa siudad, lakip na ang asod-asod nga kaso sang kawatay kag hold-up.Suno kay Gasataya, kalabanan sang mga kaso nga napadangat sa kapulisan may angut sa mga hold-up kag modus ang tigayon man nga gina-aksyonan sang BCPO kag kalabanan diri, resolved cases na.Dugang pa niya, nakahanda naman ang pwersa sang kapulisan para sa seguridad sang publiko sa Semana Santa.Tubtob sa Miyerkules na lang ang opisina sa Bacolod City Government Center, apang ang iban nga mga opisina nga nagahatag sang essential services kaangay sang Bacolod Environment and Natural Resources Office, Disaster Risk Reduction and Management Off...

Sa announcement sang Uni Oil subong nga hapon, P12.50 ang isaka sa kada litro sang diesel sa bwas, Martes samtang P2.50 ang saka sa gasoline.Sa announcement naman sang Sea Oil, P12.50 man kada litro ang saka sa diesel kag wala sang saka sa gasoline.Sa pangkabilugan nga average, naga lapak sa 11 tubtob 13 pesos ang isaka sa diesel, salapi tubtob P2.50 sa gasoline kag 3 tubtob 5 ka pesos naman sa kerosene.Mangin malapit na sa 140 pesos ang litro ka diesel kag malapit ukon masobra naman sa 100 pesos ang gasoline.Ini ang ikatlo na nga tuman kadako nga saka sa bili sang produkto petrolyo.*

Nagdangat sa 9,610 ka mga tricycle drivers sa siudad sang Bacolod ang nag-apply para sa ayuda sang Department of Social Welfare and Development sa idalum sang Assistance to Individuals in Crisis Situation nga programa sang gobyerno.Ginsiling ni Richelle Verdeprado-Mangga, pamuno sang Bacolod City Department of Social Services and Development nga tanan nga aplikante ang may ara man sang driver’s license, nga amo ang ginapangayo sang DSWD agud mapamatud-an nga drivers gid man ang mga ini.Wala man sang may na disqualify sa pag-pasa sang application suno kay Mangga, apang ang final nga listahan sang mga beneficiaries ang ginapaabot pa sang siudad sini nga Lunes sang gab-i ukon buwas sa aga, Marso 31.Sa karon, yara pa sa validation process ang amo nga mga application agud masiguro nga wal...