Nagatabok sa dalan ang senior citizen sang siya ang nabunggoan sang motor sa national highway nga sakop sang Purok Tuburan, Barangay Oringao sa Kabankalan City, sang Martes, Nobyembre 3.
Bag-o lang nagbakal sang bubod ka manok halin sa isa ka baligyaan ang pedestrian nga ginkilala kay alyas “Violeta”, 70-anyos kag siya ang nagalakat pauli sang nabunggoan sang motor.
Ginamaneho ang motor ni alyas “Carlito”, 32-anyos, nga papauli na sa ila puluy-an sang nagluntad ang insidente.
Ginsiling ni Police Lt. Gilbert Alunan, deputy chief sang Kabankalan PNP nga nagtinguha nga maglikaw ang motor apang didto man nagkadto ang tigulang sa direksyon kun diin ini naglikaw.
Natumba ang senior citizen kag naigo ang ulo sa semento. Siya ang gindeklarar nga dead on arrival sa ospital.
Sa karon, may pag-areglohanay na nga natabo sa pamilya sang biktima kag sa driver sang motor.
“May settlement na nga natabo, nag-areglohanay na sila ang both parties. Na-release na ang driver sang motor kay nag-lapse naman ang iya reglementary period. Nag-try man siya nga maglikaw galing kay ti anhon mo na kay nalab-ot niya. Tungod sa impact, amo to nalampos ang ulo sang tigulang sa pavement,” suno kay Alunan.
[sibwp_form id=1]