Balita Hiligaynon

Nagsugod na kahapon, Nobyembre 16, ang Primewater Infrastructure Corporation sa pagdumala sa operations sang Bacolod City Water District base sa ginsudlan sini nga joint venture agreement.Suno sa assistant general manager sang BACIWA nga si Engineer Jenelyn Gemora, 197 ka mga casual kag job order employees nila ang gin absorb sang Primewater kag 190 naman ang nag avail sang retirement package nga gin offer sang Primewater.Pero may yara karon sang 68 ka mga empleyado sang BACIWA nga wala nagpa absorb sa Primewater kag nagpamalibad man sa pagbaton sang retirement package.Tinutuyo sang 25 ka tuig nga joint venture agreement nga mapaayo ang serbisyo sa mga konsumedor pinaagi sa pagdugang sang infrastructure nga nagabalor sang minilyon ka pesos.Damlag pa, gindismiss sang korte a...

BCPO photoNagtaliwan ang COVID-19 patient nga karga sang ambulansya nga na aksidente sa dalan Lacson-San Sebastian sang nagligad nga semana.Ini ang ginkumpirma ni Mayor Pedro Zayco sang Kabankalan.Suno kay Zayco ang 78 anyos nga pasyente kag isa ka retired nga pulis ang nagtaliwan tungod sang masakit nga ginabatyag kag indi bangud sang aksidente.Ang natabo nga aksidente, kun sa diin may duha pa gid ka iban pa nga salakyan ang nadalahig ang nagresulta man sa kamatayon sang ambulance driver.Samtang, padayon nga naka lockdown ang City Engineer’s Office sang Kabankalan matapos magpositibo sa COVID-19 ang assistant engineer nga nagtaliwan sang Domingo.Padayon nga ginahulat ang resulta sang swab test sang mga nagatrabaho diri.Suno kay Zayco, Lunes sang gin-swab ang mg...

Ginpahayag ni Bacolod City Vice Mayor El Cid Familiaran nga indi matuod ang ginapalapta nga impormasyon sa social media nga pwede na makahampang sang basketball sa mga barangay.Nagalapta karon sa social media ang isa ka info graphics nga may yara sang logo sang Sangguniang Kabataan nga nagasiling nga mahimo na maka basketball sa mga barangay.Pero ginpahayag ni Bacolod SK Federation President Ayesha Villaflor nga indi sa ila naghalin ang amo nga info graphics.Suno kay Familiaran, professional basketball pa lamang ang ginapahanugutan sa karon sang National Inter-Agency Task Force kag indi pa pwede ang local basketball games.Gindugang pa sang bise alkalde nga nagaplano ang lokal nga pangulohan nga temporaryo nga pagkuhaon ang mga basketball ring sa mga barangay agud nga m...

Wala sang may na-record nga bag-o nga COVID-19 cases ang siudad sang Sipalay sandig sa post sang lokal nga panguluhan sang Lunes."Ini aton nadangtan tungod sa inyo pagsunod sa aton mga lokal nga pagsulundan. Gani, padayunon naton ang ini nga estado paagi sa pagsunod sa gihapon sang aton mga health and checkpoint protocols", sandig sa pahayag sang lokal nga panguluhan.As of November 16, 2020, may 126 ang yara quarantine facility kag 1,749 naman ang na discharge.

Patay na sang maabtan sang kapulisan ang 41 anyos nga trisikad driver nga si Dennis Panigue matapos siya nga gin buno buno sang iya man kaupod nga trisikad driver.Suno kay Police Captain Leo Estopa, commander sang Police Station 2, updanay inom Domingo sang hapon ang biktima kag ang suspek nga si Judy Enopia.Ginpapuli na suno sa pulis sang suspek si Panigue bangud tuman na ini ka hubog kag gin manduan nga indi na magbalik.Naakig suno kay Estopa si Panigue gani nagpauli ini kag nagkuha sang kutsilyo kag ginbalikan si Enopia.Pag abot ni Panigue dala ang kutsilyo, nagpalagyo si Enopia kag nag kuha man sang kutsilyo suno sa pulis kag nag lautay ang duha.Sa bahin sang Purok Nangka sa Barangay 3 suno sa pulis na corner ni Enopia ang biktima kag iya na ini ginbuno buno.Dir...

Dionilo Bogtae photoGin-rescue sang SEARS Rescue kag BFP personnel ang isa ka boom truck operator matapos nga makuryente sa Sipalay City.Suno sa pamuno sang SEARS Rescue, nga si Dionilo Bogtae, sa ila inisyal nga impormasyon, na-igo sang boom truck nga gina operate sang natungdan nga lalaki ang linya sang kuryente sa Sitio Camp Valdez, Brgy. Mambaroto, mga 3:30 sini nga Lunes sang hapon.Yara ang natungdan sa lugar angut man sa ila nga pagpahamtang sang fiber optics para sa telecommunication lines suno kay Bogtae.Gindala na sa Bacolod ang boom truck operator nga taga Silay City, para matatapan sa na agum nga mga paso sa lawas.

Task Force Disiplina photoMay masobra na sa sais shentos ka mga pumuluyo ang na-isyuhan sang citation ticket sa siudad sang Bacolod bangud sang wala pagsuksuk sang face mask kag wala pagsunod sa social distancing sa mga pampubliko nga lugar.Suno sa pamuno sang Task Force Disiplina nga si Wilfredo Geolingo, bulan sang Agosto sang nagsugod sila sa pag-isyu sang mga citation ticket sa mga pumuluyo nga ila malabyan sa kilid sang dalan, sa mga kapehan kag iban nga mga pampubliko nga lugar nga wala nagasunod sa ordinansa sang siudad nga nagamando sa pagsuksuk sang face mask kag pagsunod sa social distancing.May kapin 40 mil pesos na nga multa nga nakolekta ang task force pero kalabanan sa mga gin isyuhan sang citation ticket ang direcho na nga nagbayad sa Bacolod City Government Cent...

Talisay PNPPatay ang hardinero nga si Rogelio Ducay matapos sang gin luthang Domingo sang gab-i sa sulod sang compound sang resort sa Barangay Cabatangan sa Talisay City.Ang suspek amo ang mag tiyo nga iya man upod nga empleyado sang resort.Suno sa imbestigador nga si Police Corporal Aljon Bautista, may watchman nga nakakita nga gintiro sang apat ka beses si Ducay sa sulod sang isa ka kubo.Away sa trabaho ang motibo sang pagpaniro suno sa pulis.Suno kay Bautista ang suspek ang isa ka gwardya sang nasambit nga resort. Iya kaupod ang iya tiyo nga gwardiya man sa pagpatay kay Ducay.Padayon pa ang follow up operation sang kapulisan agud madakop ang mga suspetsado.

Sipalay PNP photoPatay na kag nagalutaw sa suba sang masapwan Dominggo sang hapon ang bangkay sang 40 anyos nga si Saturnino Tihuk.Siya ang nasapwan sa Sipalay River sa Purok 2, Barangay 3 sa siudad.Sandig sa imbestigasyon sang PNP, gikan sa iya abyan si Tihuk kun sa diin sila ang nag inom.Naglisensya ini nga magkadto sa Sipalay City proper suno sa pulis, pero pagkahapon, sa suba na sya nasapwan nga naga lutaw.Nag gwa sa post mortem examination nga siya ang napatay bangud sang pagkalumos.