Sa Barangay Bata sa Bacolod aga pa ginpang isa isa sang mga opisyal sang Barangay ang mga baligyaan kag mga tiangge sa higad sang dalan.
Ginpahanumdom sila nga wala pwede maglaksam sa dalan.
Ang ini nga manug baligya nag promisa nga kakson ang iya nga lamesa.
Ang ini nga tiangge nag isol na para indi maglaksacm sa gutter ugaling ang ila atop naglapaw naman. Gani ginpangabay na lang sila nga kakson ang ila nga atop.
Ang ini nga naga parking nga guba nga tricycle ginpakuha sa tag-iya.
Pati ang paradahan sang tricycle ginpa isol man.
Ginpatawag ang mga drayber sang sini nga mga truck kag ginpahanumdom nga indi pwede mag parking sa higad sang dalan.
Suno kay Punong Barangay Angelito Abaring nahawanan na nila sadto ang mga establisimento sa kilid sang highway pero nagbalik liwat.
Ginwarningan sila kaina sang aga kag kun mag balik liwat irefer na sila sa city legal office.
Sa Barangay Banago naman ang ini nga bahin sang dalan ang sadto anay gina tindugan sang mga baligyaan sa may Puno Banago. Kaina nag haw-as na ang mga baligyaan sa dalan.
Isa sa ila ang manugbaligya nga si Freddie Banas. Nagmato mato na lang siya guba sang iya nga baligyaan. Nahangpan niya man kun ngaa gina pahalin sila.
Ang Barangay Bata kag Banago ang pila lamang sa mga barangay nga may malapad nga area nga dapat hawanan sa higad sang dalan.
Nasuguran na sadto ang clearing operation sadto anay kag liwat ini nga gin padayon sumugod subong nga adlaw. Gintagaan sang DILG sang tag sisenta dias ang kada barangay para hawanan ang mga illegal structure sa kada barangay. Ang indi maka comply mahimo pasakaan sang kaso sang DILG.