Shadow

Masobra na 600 ang na isyuhan sang violation ticket sa Bacolod bangud ang health protocol violations

Task Force Disiplina photo

May masobra na sa sais shentos ka mga pumuluyo ang na-isyuhan sang citation ticket sa siudad sang Bacolod bangud sang wala pagsuksuk sang face mask kag wala pagsunod sa social distancing sa mga pampubliko nga lugar.

Suno sa pamuno sang Task Force Disiplina nga si Wilfredo Geolingo, bulan sang Agosto sang nagsugod sila sa pag-isyu sang mga citation ticket sa mga pumuluyo nga ila malabyan sa kilid sang dalan, sa mga kapehan kag iban nga mga pampubliko nga lugar nga wala nagasunod sa ordinansa sang siudad nga nagamando sa pagsuksuk sang face mask kag pagsunod sa social distancing.

May kapin 40 mil pesos na nga multa nga nakolekta ang task force pero kalabanan sa mga gin isyuhan sang citation ticket ang direcho na nga nagbayad sa Bacolod City Government Center.

Magluwas sa task force nga nagalibot sa siudad kada adlaw ang pnp ang sarang man nga magpatuman sang ordinansa.

Sa karon indi pa mapatuman ang mandatory nga pagsuksuk sang face shield sa pila ka mga pampubliko nga lugar bangud wala pa matapos ang publication sang ordinansa.

Secured By miniOrangeSecured By miniOrange