Balita Hiligaynon

Siudad sang Bacolod natalana nga magabaton sang 5,850 doses sang Pfizer Covid-19 vaccines.Sa post ni Bacolod Emergency Operations Center executive director Em Ang, nag patigayon sang inspection kahapon ang Department of Health kag Food and Drug Administration sa ultra low freezers kag cold storage facility sang siudad sa kilid sang Bacolod City Government Center.Tuyo sang DOH nga mag-store sang 40,000 doses sang Pfizer vaccines nga nagakinahanglan sang negative 70°c asta negative 80°c nga temperature. Gin-usisa man sang ahensya ang cold storage facility.Ginalauman naman sang pamuno sang Bacolod City Emergency Operation Center nga kuntani madugangan pa ang vaccine allocation ilabi na karon nga may pagsaka sa kadamuon sang Covid-19 cases sang siudad.

PIMT photoSubong nga adlaw ang deadline sa mga local government unit sa pagsubmit sang ngalan sang mga magapabakuna para sa Pfizer.Suno kay Provincial Adminstrator Rayfrando Diaz, sa Lunes na magasugod sang pagbakuna sang Pfizer vaccine.300 ang iga accommodate sa Teresita Lopez Jalandoni Provincial Hospital kag 700 sa Negros Residences sa sulod sang lima ka adlaw.Tuyo naman sang probinsya nga malab-ot sa 100 utilization ang masobra sa 14,000 ka Sinovac vaccine nga naubos na deliver.Mas nangin maayo man ang sistema karon, pero suno kay Diaz, may mga lgu pa man gid nga may manubo nga utilization rate, ilabi na nga mahimo may mga pumuluyo nga wala nagapati sa gihapon sa bakuna. Pero, suno kay Diaz ang tutukan sa pagpanghatag sang bakuna amo yadtong may mga pumuluyo nga luy...

Mga district kag community hospitals sa Negros Oriental ang nag dugang na sang bed capacity.Ini matapos gin mando sang gobernador karon nga padayon ang pagsaka sang kaso sang Covid-19 sa probinsya.Ginpahayag ni provincial IATF commander Dr Liland Estacion nga gin mando ni Negros Oriental Governor Roel Degamo sa mga chiefs sang district kag community hospitals nga mag dugang sang isolation bed capacities para mag akumodar sang mild to moderate cases sang Covid-19.Ini para ang severe cases lang amo ang i refer sa mga ospital sa dumaguete nga nagakapuno naman bangud sang pagsaka sang kaso sang Covid-19 sa probinsya.Ang mga ospital sa Guihulngan, Bindoy, Canlaon, Bais, Mabinay, Siaton, Bayawan kag Negros Oriental provincial health amo ang nag increase na sang ila bed capacity.S...

Contributed photoPatay ang isa ka tuig nga bata samtang pilason naman ang iya himata matapos sila mabungguan sang motorsiklo sang Martes sang gab-i sa highway sa Barangay Mambaroto sa siudad sang Sipalay.Suno sa pulis, naga papuli na tani ang mag himata pasado alas diyes sang gab-i kag samtang naga panglakaton sa dalan, sang sila ang mabungguan sang motorsiklo.Naglabog ang mag himata pero natam-an suno sa pulis ang isa ka tuig nga bata nga napilasan sa ulo kabangdanan sang iya sini kamatayon.Nakainom suno sa pulis ang driver sang motor nga si Nixon Labandillo.Yara man sa ospital karon si Labandillo matapos matumba man sa iya nga motor dala sang pag bunggo.

Wala pa sa gihapon nag sungka sa PNP ang gwardiya sa hacienda pati na ang iya nga upod nga suspek sa pagpatay sa agrariam reform beneficiary nga si Julius Denagiba.Suno sa hepe sang Hinigaran PNP, Major Jake Barila, ila pa padayon gina pangita ang duha ka gwardiya nga sanday Roger Belonio kag Eric Soriano matapos gilayon mag palagyo sang ila gin tiro si Denagiba bangud sang binaisay sang nagpahalab sang sapat ang himata sang biktima sa duta nga gina bantayan sang mga gwardiya.Gina hulat na man lang sang PNP suno kay Barila ang post mortem examination sa bangkay sang biktima kag ila ipasaka ang kaso nga murder batuk sa duha ka mga gwardiya.

PIA file photo23.1 milyones pesos nga grant ang nabaton sang Carlos Hilado Memorial State College para sa pag paayo sang network infrastructure sini.Ang CHMSC ang isa sa 19 ka mga state colleges and universities sa pungsod nga naka fully comply rason nga nagbaton ini sang financial assistance sa idalom sang Smart Campus Project.Suno kay Commission on Higher Education chairman Prospero De Vera sa idalom sang Bayanihan 2 funding, may 3 bilyones nga pondon kun sa diin ang isa ka bilyon ang gintalana para sa pagbakal sang mga laptop para sa mga manunudlo sang mga SUC. Ang 2 billion pesos naman ginpain para sa Smart Campus project nga nagatuyo sa pagsabat sa mga pagpanghangkat nga ginaatubang bahin sa connectivity kag iban pa. 89 tanan ka suc ang eligible para diri.Suno sa presi...

Sa Bago City napulo ka mga empleyado sang siudad ang nag positibo sa Covid-19 kag dugang nga anum ka empleyado sang Sangguniang Panlungsod sa Sipalay City ang nagpositibo man sa virus.Ini kasunod sa ginpatigayon nga contact tracing matapos may isa ka legislative assistant sa amo nga talatapan ang nagpositibo sa virus.Suno kay executive assistant kag pamuno sang SEARS nga si Dionilo Bogtae padayon ang contact tracing sa mga nangin close contact naman sang anum.Padayon nga sirado ang talatapan sang SP.Samtang Bago City Hall ang serado subong nga adlaw tubtob sa Biernes.Suno kay bago city mayor nicholas yulo ini agud to mahatagan sang ligwa ang contact tracing karon nga may mga nagpositibo nga empleyadoSa nagkalain lain nga mga departamento. Suno sa information officer...

Nagapadayon sa karon sa ila nga regular duty ang lima ka mga pulis nga sadto anay na assign sa Moises Padilla matapos nga gindagdagan sila sang National Police Commission sang dismissal order may angut sa ila pag aresto sadto sa kay Vice Mayor Ella Garcia-Yulo kag iya mister nga si Felix Yulo III sang Disyembre 2017.Grave misconduct and grave irregularities in the performance of duty ang kabangdanan sa dismissal sang anum ka pulis nga nagdakop sa mag asawa nga Yulo sa checkpoint sadto kun sa diin nakuha sa ila ang mga pusil, mga granada kag shabu sa checkpoint. Pero nagreklamo ang mag asawa kay planted ang isa ka pusil, mga granada kag shabu kag gin nag pabor sa ila ang nangin desisyon sang NAPOLCOM.Pero suno kay Lt Abegael Donasco, spokesperson sang NOCPPO, ila pa karon gina hulat...

CAAP Bacolod photoDugang nga Sinovac vaccine para sa Bacolod kag Negros Occidental ang nag-abot kaina sang aga.15,000 ka vial ukon doses ang nag-abot para sa Bacolod kag 10,000 naman para Negros Occidental.Suno kay Dr. Ernell Tumimbang, Provincial Health Officer, ang 10,000 ka dose sang Sinovac ang gintalana na para sa second dose sang mga damlag pa nabakunahan na.Naga abiso si Tumimbang sa mga naka schedule para sa ila nga second dose nga dapat magpabakuna gid bangud sa sulod sang 28 tubtob 32 diyas ang pinaka maayo nga tion nga maka angkon sang maximum anitbody generation.Pero kun mapaslawan man makapadulong sa amo nga mga tion bangud ayhan sang indi malikawan nga mga hitabo, sila ang iga accommodate sa gihapon.Naubos naman pang dul-ong sa mga banwa kag siudad ang...