Shadow

Hospital bed capacity sang mga ospital sa Negros Oriental ginpa dugangan

Mga district kag community hospitals sa Negros Oriental ang nag dugang na sang bed capacity.

Ini matapos gin mando sang gobernador karon nga padayon ang pagsaka sang kaso sang Covid-19 sa probinsya.

Ginpahayag ni provincial IATF commander Dr Liland Estacion nga gin mando ni Negros Oriental Governor Roel Degamo sa mga chiefs sang district kag community hospitals nga mag dugang sang isolation bed capacities para mag akumodar sang mild to moderate cases sang Covid-19.Ini para ang severe cases lang amo ang i refer sa mga ospital sa dumaguete nga nagakapuno naman bangud sang pagsaka sang kaso sang Covid-19 sa probinsya.

Ang mga ospital sa Guihulngan, Bindoy, Canlaon, Bais, Mabinay, Siaton, Bayawan kag Negros Oriental provincial health amo ang nag increase na sang ila bed capacity.

Samtang, nag abot man kahapon sa Negros Oriental ang dugang nga 10,000 vaccines gikan sa National Vaccine Operation Center.

Ang mga nag abot nga bakuna ang ila allocate naman sang probinsya sa tagsa ka mga LGU magluwas sa Dumaguete City nga damlag naka baton na sang 10,000 doses.

Leave a Reply

Your email address will not be published. Required fields are marked *

Secured By miniOrangeSecured By miniOrange