Shadow

Dugang nga mga Sinovac vaccines para sa Bacolod kag Negros Occidental nag abot sa probinsya

CAAP Bacolod photo

Dugang nga Sinovac vaccine para sa Bacolod kag Negros Occidental ang nag-abot kaina sang aga.

15,000 ka vial ukon doses ang nag-abot para sa Bacolod kag 10,000 naman para Negros Occidental.

Suno kay Dr. Ernell Tumimbang, Provincial Health Officer, ang 10,000 ka dose sang Sinovac ang gintalana na para sa second dose sang mga damlag pa nabakunahan na.

Naga abiso si Tumimbang sa mga naka schedule para sa ila nga second dose nga dapat magpabakuna gid bangud sa sulod sang 28 tubtob 32 diyas ang pinaka maayo nga tion nga maka angkon sang maximum anitbody generation.

Pero kun mapaslawan man makapadulong sa amo nga mga tion bangud ayhan sang indi malikawan nga mga hitabo, sila ang iga accommodate sa gihapon.

Naubos naman pang dul-ong sa mga banwa kag siudad ang damlag pa 13,000 ka dose sang Sinovac vaccine suno kay Tumimbang kag masobra na sa 90 percent ang na utilize ukon nagamit diri.

Sa Hunyo 28 naman paga sugdan ang roll out para sa Pfizer vaccine kag ini tubtob Hulyo 2.

Leave a Reply

Your email address will not be published. Required fields are marked *

Secured By miniOrangeSecured By miniOrange