Shadow

Dismissal order para sa mga pulis wala pa mabaton sang NOCPPO

Nagapadayon sa karon sa ila nga regular duty ang lima ka mga pulis nga sadto anay na assign sa Moises Padilla matapos nga gindagdagan sila sang National Police Commission sang dismissal order may angut sa ila pag aresto sadto sa kay Vice Mayor Ella Garcia-Yulo kag iya mister nga si Felix Yulo III sang Disyembre 2017.

Grave misconduct and grave irregularities in the performance of duty ang kabangdanan sa dismissal sang anum ka pulis nga nagdakop sa mag asawa nga Yulo sa checkpoint sadto kun sa diin nakuha sa ila ang mga pusil, mga granada kag shabu sa checkpoint. Pero nagreklamo ang mag asawa kay planted ang isa ka pusil, mga granada kag shabu kag gin nag pabor sa ila ang nangin desisyon sang NAPOLCOM.

Pero suno kay Lt Abegael Donasco, spokesperson sang NOCPPO, ila pa karon gina hulat ang dismissal order nga mismo gikan sa national headquarters kag amo ini ang ipapanaog nila sa Moises Padilla PNP nga amo naman ang maga execute sa dismissal sang mga pulis.

Matapos mapatuman ang order, suno kay Donasco sarang pa mag file sang appeal ang mga pulis kag kung indi ma overturn tigayon na sila nga i dismiss sa serbisyo.

Kabahin sa anum ka pulis ang anay hepe sang Moises Padilla nga si Major Allan Reloj. Pero suno kay Donasco nag retiro na si Reloj gani indi na ma serve sa iya ang dismissal order. Na assign naman sa nagkalain lain nga mga police stations ang lima pa ka mga pulis.

Leave a Reply

Your email address will not be published. Required fields are marked *

Secured By miniOrangeSecured By miniOrange