Balita Hiligaynon

Base sa Tropical Cyclone Advisory nga ginpagwa sang PAGASA kahapon, ang tropical depression ang nagadala sang maximum sustained winds nga 45 km/h malapit sa sentro kag may pagmadlos nga tubtub sa 55 km/h.Ini ang nagapadulong sa Northwest nga direksyon nga may kadasigon nga 15 km/Ginapaabot sang PAGASA nga magasulod ang bagyo sa Philippine Area of Responsibility karon sa gab-i ukon bwas sa aga kag pagatawgon nga “Rolly”.Base man sa forecast, ini ang magalabay sa Bicol Region-Eastern Visayas area.

Nag amat amat naman gid damo ang naga binakal sang bulak karon nga duha na lang ka adlaw ang nabilin kag temporaryo na nga sirad-an ang mga patyo.Suno kay Nene Alibutdan mga tatlo ka adlaw na nga nangin maayo ang baligyaanay sang bulak.200 pesos ang round kag flat spray nga floral arrangement, 500 pesos naman ang one sided. Suno kay Nene kun luyag sang customer nga mas damo pa gid ang bulak pwede sa gihapon ini, may dugang lang sa balayran.“Sa subong nami naman ang baklanay kay damo naman ang customer nga nagakadto. Nagapili man lang sila sang ila nga magustuhan. Nag mahal ang bulak subong. Halin sa puno nga daan mahal na siya. Diri sa amon amo man na,” suno kay Alibutdan.Sa Burgos Public Market masako na ang galingan.Madamo na ang naga pagaling sang pilit para sa natal...

Sa Oktubre 31 kag Nobyembre 2, wala sang opisina ang talatapan sang Commission on Elections bangud sang All Souls’ Day kag All Saints’ Day.Gina abisuhan ang mga nagaplano nga magpadulong sa talatapan sang COMELEC nga ipaiway anay ang pagpadulong sa talatapan bangud nga sirado. Sa Martes na liwat nga maga bukas ang COMELEC.Suno kay City Elections Officer Atty. Kathrina Trinio-Cana padayon ang voter’s registration pero apektado man ini sang pandemic.Sadto naga average sa isa ka gatos ang naga padulong sa COMELEC para sa registration pero karon yara na lamang sa mga kwarenta ang nagapadulong sa talatapan.Samtang, nakabaton naman sang memorandum ang COMELEC nga sumugod sa Nobyembre, Lunes tubtob Hwebes na maga bukas ang COMELEC kag kada Biyernes naman magapatigaton sang disinfe...

Dionilo Bogtae photoSa report sang Provincial Veterinary Office, naglab-ot sa P1,051,258.16 ang halit sa kasapatan sang mabunok nga ulan kag baha nga epekto ni bagyo Quinta sang Domingo.Suno kay Dr. Renante Decena, sa nabaton nila nga report, may walo ka mga banwa kag siudad ang nagreport sang kahalitan sa ila nga mga kasapatan kag ini ang nagalakip sang banwa sang Hinoba-an, Isabela, Moises Padilla, Binalbagan, Valladolid, San Enrique, Bago City kag La Carlota City.Nalakip sa mga kasapatan nga nagkalamatay amo ang free range chicken, pato, idik, inugbulang nga manok, kanding kag carabao kag ini tanan gikan sa backyard farm.Sa partial report naman sang Office of the Provincial Agriculturist, may apat ka mga banwa ang nag-report sang kahalitan sa mga pananum.Ang siudad s...

Ginpahayag ni Presidente Rodrigo Duterte sa iya taped address nga ginpagwa sa telebisyon kag social media sini nga aga nga magapabilin sa general community quarantine ang Bacolod City tubtub sa Nobyembre 30.Pero suno sa presidente mahimo sa gihapon maka appeal ang local government unit kun luyag nila nga bag-uhon ang ila quarantine status.Gani si Visayas Inter-Agency Task Force Chief Implementer Major General Mel Feliciano ang nag apela sa DOH kag NIATF nga pwede na ma downgrade ang Bacolod sa modified general community quaratine bangud sang naga nubo nga kaso sang COVID-19 positive sa siudad.Para naman sa executive director sang Emergency Operation Center sang Bacolod nga si Em Ang, ang duha ka mga nag positibo sa COVID-19 subong nga adlaw nga amo ang pinaka nubo nga na record...

Ginpahayag ni Bacolod Emergency Operations Center Executive Director kag City Administrator Em Ang sa iya nga social media account nga isa ang bag-o nga kaso kag ang isa naman ang repeat ukon confirmatory swab test.Ini ang pinakanubo nga bag-o nga kaso sang COVID-19 sa Bacolod sa isa lamang ka adlaw humalin sang nagligad nga Hulyo 16.Nagalaum si Ang nga magapadayon na ang pagnubo sang mga kaso sa Bacolod City tubtub sa masunod nga mga binulan.

Ginpahayag ni Presidente Rodrigo Duterte sa iya taped address nga ginpagwa sa telebisyon kag social media sini nga aga nga magapabilin sa General Community Quarantine ang Bacolod City tubtub sa Nobyembre 30.Magluwas sa Bacolod, ginpahayag man sang presidente nga magapabilin man sa GCQ tubtub sa bulan sang Nobyembre ang Metro Manila, Batangas, Iloilo City, Tacloban City, Iligan City kag Lanao del Sur.Pero suno sa presidente mahimo sa gihapon maka appeal ang local government unit kun luyag nila nga bag- uhon ang ila quarantine status.Kagabi gintawgan ni Bacolod Mayor Evelio Leonardia si DILG Regional Director Jovi Ingeniero nga amo ang chairman sang Regional IATF para ipahanumdum ang hinyo sang siudad nga pag de-escalate sang quarantine status sini gikan sa GCQ pakadto sa Modifie...

Bangud wala pa man sang pasyente nga taga Toboso nga ma admit sa Corazon Locsin Montelibano Memorial Regional Hospital, gina tun-an ni Mayor Richard Jaojoco ang posibilidad nga patiniron sa iya gin rentahan nga lugar bisan indi residente sang Toboso nga may pasyente sa CLMMRH.Isa ka pre school building sa may 6th Street sa Bacolod ang iya ginrentahan kun sa diin ang mga kwarto ang may mga double deck nga katre mag may separado nga banyo ang mga lalaki kag babaye.Wala ginatugtan sa karon ang watchers sa sulod sang CLMMRH bangud may mga kaso na nga ang watchers nalatnan sang COVID-19.Pati pagkaon sang mga magatulog sa gin rentahan niya nga lugar, si Jaojoco man ang maga hatag.Ini tanan gikan sa iya personal nga kwarta.

Courtesy of Chris Torreda41 ka mga residente sang Basay, Negros Oriental ang nagpaligad gab-i sa evacuation center matapos nga ginbaha banwa dala sang Bagyo Quinta nga nagdala sang makusog nga ulan sa pila ka bahin sang Negros Oriental.Sa Barangay Nagbualao kahapon sang udto naglab ot sa hawak ang kadalumon sang baha.11 ka mga residente ang gin rescue sa barangay. Pagka gabi nag luntad naman ang flashflood sa barangay bal-os.Sa siudad sang Bayawan, madamo man nga pamilya ang apektado sang baha matapos magsaka ang tubig sa halos tanan nga mga barangay sa siudad suno sa DRRMO sang Bayawan.Gina consolidate pa sang siudad kun pila tanan ang mga nag evacuate sa ila mga barangay bangud sang baha. suspendido man ang klase sa bayawan subong nga adlaw bangud sang bagyo.Sa Si...

Dionilo Bogtae photoSa video nga kuha ni Claudine Santiso nga pamuluyo sang Brgy. Amin sa banwa sang Isabela, mabaskog ang daludo sang tubig sa overflow Domingo sang hapon.Rason nga pila man ka oras nga na stranded ang mga pumuluyo nga maga tabok.Sa report sang Isabela Disaster Risk Reduction Mananagment Office, 131 ka mga pamilya ang gin paidalom sa pre-emptive evacuation sang domingo gikan sa Barangay Maytubig, Rumirang, Bulad kag Brgy. 5.Sa kaiping nga banwa sang Moises Padilla, 42 naman ka mga pamilya base sa report sang DSWD ang gin evacuate kahapon sang hapon bangud sang flashflood sa stockyard sakop sang Brgy. 1.Sa banwa sang Hinobaan suno sa report sa PDMPD, 50 ka pamilya ang gin evacuatee gikan sa Barangay Poblacion, Bulwangan kag Talacagay.May gin report m...