Shadow

Visayas IATF chief implementer nag apela na sa DOH Secretary kag sa NIATF nga idowngrade ang community quarantine status sang Bacolod

Ginpahayag ni Presidente Rodrigo Duterte sa iya taped address nga ginpagwa sa telebisyon kag social media sini nga aga nga magapabilin sa general community quarantine ang Bacolod City tubtub sa Nobyembre 30.

Pero suno sa presidente mahimo sa gihapon maka appeal ang local government unit kun luyag nila nga bag-uhon ang ila quarantine status.

Gani si Visayas Inter-Agency Task Force Chief Implementer Major General Mel Feliciano ang nag apela sa DOH kag NIATF nga pwede na ma downgrade ang Bacolod sa modified general community quaratine bangud sang naga nubo nga kaso sang COVID-19 positive sa siudad.

Para naman sa executive director sang Emergency Operation Center sang Bacolod nga si Em Ang, ang duha ka mga nag positibo sa COVID-19 subong nga adlaw nga amo ang pinaka nubo nga na record humalin sang July 16 ang pamatuod nga naga nubo na ang COVID cases sa siudad.

Naka handa naman ang EOC nga padayunon ang ginsuguran nga mga sistema sang grupo ni Feliciano nga tubtob na lang sa katapusan sang Oktubre magapabilin sa Bacolod.

Ang team ni Feliciano ang ginpadala sa Bacolod sang nagsaka ang kaso sang COVID-19 sang bulan sang Setyembre.

Magluwas sa Bacolod, ginpahayag man sang presidente nga magapabilin man sa GCQ tubtub sa bulan sang Nobyembre ang Metro Manila, Batangas, Iloilo City, Tacloban city, Iligan City kag Lanao del Sur.

Secured By miniOrangeSecured By miniOrange