Balita Hiligaynon

BCPO photoPNP indi pa mapat-od kun bala iligal nga droga ang motibo sa pag patay sa duha ka persona sa Barangay 2 bisan pa may nakuha nga shabu sa salakyan.Suno abi kay Police Station 2 commander, Captain Paul Vincent Pendon, wala man may naga gwa nga may previous cases ang mga napatay nga sanday Dexter Bryan Ursos kag Fernando Mahipos.Wala man sila sa drugs wathclist sang mga police stations. Gani suno kay pendon, wala pa gid tubtob karon sila makahibalo kun ano ang motibo sa pag patay sa mga biktima.Martes sang gab-i sang gin luthang sanday ursos kag mahipos samtang yara sila sa sulod sang salakyan sa bahin sang Bredco port sa Purok Lampirong, Barangay Dos.Ila pa upod ang menor de edad nga anak ni mahipos nga nakaluwas sa pag paniro. Nakuha sa crime scene ang isa ka s...

Police Station 6 photoPilason kag duguon sang maabtan sang otoridad sa sulod sang isa ka kwarto sa motel sa Barangay Taculing ang isa ka 37 anyos nga babayi matapos ini kastiguhon, bun-on kag bayaan sang iya nga upod nga lalaki sang kagab-i.Suno kay Police Major Leo Estopa, sang kagab-i lang nag kilalahay ang duha kag gin pasakay lang sang lalaki ang babayi sa iya nga motor kag nag padulong sa motel.Dugang ni Estopa, matapos sang pag pakighilwas, nag ayu pa sang isa pa ka round ang lalaki gani didto na nag baisay bangud sa nag pangindi na ang babayi kag nag pabayad kabangdanan nga gin kastigo siya kag gin buno sang suspek.Gilayon na nga nagpalagyo ang suspek nga tubtob karon gina kilala pa sang kapulisan.Padayon man nga gina bulong sa ospital ang babayi.

Moises Padilla PNP photoDumot ginapatihan motibo sa pagpaniro sa mag-amay kag sa ila kaupod nga caretaker sang kampo sa banwa sang Moises Padilla. Suspek gin alegar naka away sang amay nga biktima.Luwas na sa katalagman ang amay nga si Norman Saldo kag ang iya onse anyos nga bata nga lalaki matapos sila ang mag angkon sang pilas sa hawak, alatrasan kag tiil sa nagluntad nga pagpaniro sa Barangay Inolingan Martes sang gab-i.Nagapabilin man nga nagapabulong sa ospital ang upod nila nga caretaker sang kampo nga si Joel Escaner nga may pilas man sa tiil tuga sang igo sang bala sang wala pa mahibaluan nga kalibre sang pusil.Sa pagpangusisa sang Moises Padilla PNP nagakatulog ang mga biktima sa payag sang ginsulong sang gunman.Suspek sa pagpangluthang ang wala anay ginhingadl...

Radyo Alagad photoBagyo Dante ang nagtuga sang pagbaha sa pila ka bahin sang Negros Occidental.Duha naman ang padayon nga gina pangita sa banwa sang Hinoba-an.Matapos magtabok sa highway sakop sang Barangay Bulwangan kagab-I, na-anod sa iya nga pick-up ang retired pulis nga si Master Sergeant Dacoscos bangud sang mataas nga tubig sa highway.Suno kay Mayor Ernesto Estrao, upod ni Dacoscos ang iya nga asawa. Suno sa Provincial Disaster Management Program Division may sightings sa anay pulis. Na rescue naman kaina sang aga sang mga mangingisda ang asawa suno kay Estrao sa bahin sang Barangay Asya.Suno kay Zeaphard Caelian ang pamuno sang PDMPD, pito tanan sa separado nga mga insidente ang ginreport na missing sa Hinoba-an, pero nakit-an na ang anum.Nalakip man sa gin-r...

Iloilo City Mayor Jerry Trenas nagpagwa sang panibag-o nga executive order nga liwat nga naga suspend sang biyahe sang mga barko gikan negros pa Iloilo kag vice versa.Sa bag-o nga EO ni Mayor Trenas nalakip diri ang travel moratorium gikan Negros padulong Iloilo City kag halin naman Iloilo City pakadto Negros.Las onse sang aga lifted na ang travel suspension sa mga biyahe sang barko pa iloilo kag bangud wala pa approval sang national inter agency task force ang pangabay ni trenas naga padayon lang anay ang biyahe pending ang decision sang NIATF.Samtang may 159 naman ka mga pasahero gikan sa Mindoro kag Cagayan nga padulong sa Manila ang stranded karon sa Bredco port sa Bacolod bangud sa suspendido naman ang biyahe pa Manila.

Overflow nga naga angut sang Barangay Vista Alegre kag Abada Escay sa Barangay Granada sa Bacolod narumpag bangud sang baha.Sadto anay ang mga motor kag tricycle ang pwede pa maka tabok sa overflow diri sa may Barangay Vista Alegre sa Bacolod bangud katunga pa lang sini ang naguba bangud man sang makusog mga current sang tubig.Subong, pati tricycle kag motorsiklo ang indi naman maka tabok kay narusdak na gid ang bilog nga overflow. Gani ang mga pasahero sang tricycle gikan abada ang naga mato mato na lang lakat amo man ang mga halin Vista Alegre padulong sa Abada Escay.Suno sa mga residente mga kaagahon narumpag ang overflow kay pagka aga nakibot na lang ang mga residente nga amo na sini ang sitwasyon tuga sang makusog nga daludo sang tubig sa sapa.Magpabilin sa gihapon sa ...

BCPO photoPadayona ng imbestigasyon sang Police Station 2 may angut sa shooting incident nga nag luntad sang kagab-i sa bahin sang BREDCO port sa Purok Lampirong sa Barangay 2.Patay sa pag paniro ang duha ka sakay sa salakyan nga sanday Dexter Bryan Ursos, isa ka real estate broker kag Fernando Mahipos nga naga baligya sang manok.Duguon na sa sulod sang salakyan ang duha ka biktima sang maabtan sang otoridad kag ang apat ka tuig nga bata nga babayi nga ila upod ang yara naman sa kilid sang salakyan kag nakaluwas sa pag paniro.Suno sa pulis, indi pa nila mahibaluan kun paano natabo ang pag paniro bangud sa wala sang nakakita sa area kag madulom man ang lugar.Ginahibalo pa sang PNP ang motibo sang krimen.Ang menor de edad nga nakaluwas sa pag paniro ang karon gin turn...

Pontevedra PNP photoPatay ang duha ka lalaki nga sakay sa motorsiklo matapos nga malapakan sila sang dump truck kahapon sang kaagahon sa highway sa Barangay Antipolo sa Pontevedra.Ang napatay amo sanday Rene Montaño nga nagadala sang motor kag iya angkas nga si Omar Domingo.Sa imbestigasyon sang Pontevedra PNP, natumba sa dalan ang motorsiklo bangud sang kadanlog sang dalan dala sang ulan gani natumba man ang duha ka angkas.Bangud sang gulpi nga pag katumba, sila ang nalapakan sang naga sunod nga dump truck nga gin tunaan sang ila kamatayon.Detained sa karon sa PNP ang driver sang dump truck.

Talisay PNP photoPatay na sang masapwan sang mga residente sang Lunes ang 33 anyos nga mananagat nga si Sergio Barabat matapos ini malumos sa baybay sa bahin sang Barangay Bubog sa Talisay.Sandig sa report sang Talisay PNP, sang Dominggo pa ulihi nga nakita si Barabat matapos ini nag salom sa tubig agud utdon ang nylon sang ila nga fishing net nga na sambod.Suno sa pulis Wala na nakabutwa si Barabat kag sang Lunes sang hapon na siya nasapwan nga na trap sa kawayan sa Idalum sang tubig kag wala na sang kabuhi.

Chamber Volunteer Fire Brigade photoMahamuok na kuntani ang tulog sang mga residente sang Barangay 32 samtang nagawaswas ang hangin kag ulan dala sang Bagyo Dante sang nagluntad ang sunog sa Purok Tunay sa kilid sang Lacson kag San Sebastian street kaina la una sang kaagahon.Suno kay Bacolod City Fire Marshall Rodel Legaspi posible ang nagasag-id nga linya sang kuryente sa atop sang puluy-an ni Jean Gonzales ang ginhalinan sang kalayo.Ini ang madasig nga naglapta sa mga kaiping nga puluy-an antes pa man napunggan sang mga nagrespondi nga bombero ang kalayo.Tatlo tanan ang totally destroyed kag isa ang partially damaged nga balay. lima ka pamilya ang temporaryo nga nawad-an sang ilistaran,nalakip diri duha ka mga boarders.Wala sang nasamaran sa insidente pero naglab ot s...