Balita Hiligaynon

Police Station 4 photoPatay ang 26 anyos nga si Maria Ann Tamonan matapos gin buno sang iya live in partner nga si Lendon Dinawanan kagab-i sa Purok Hervias Dos sa Barangay Villamonte sa Bacolod.Suno kay Police Major Jun Ray Batadlan, hepe sang Police Station 4, nag away ang mag live in partner bangud sa alas dose sang gab-i na nag pauli sang kagab-i si Tamonan.Amo ini ang nag tulod nga gin buno ni Dinawanan ang iya live in partner. Dugang pa ni Batadlan, gin buno man sang suspek ang iya kaugalingon matapos ang naubra nga krimen.Patay sa pag pamuno si Tamonan samtang padayon naman nga gina bulong sa ospital ang suspek.Pag panghimon ang gina lantaw sang PNP nga motibo nga nahimo sang suspek ang pag patay sa iya nga partner.Padayon pa ang imbestigasyon sang PNP sa kar...

Victorias PNP photoTatlo tubtob apat ka persona gina tan-aw sang PNP nga dugang nga persons of interest sa tiruhanay sang duha ka pamilya sa Victorias.Duha ka persona ang napatay samtang duha naman ang pilason matapos mag luntad ang pagtiruhanay bangud sang away sang duha ka pamilya sa Barangay 10 sa Victorias City sang Sabado.Ang napatay amo sanday Regie Loquinario kag Jony Solatorio. Pilason naman ang menor de edad nga utod ni Solatorio kag himata ni Loquinario nga si Ryan Certicio nga amo gina tudlo nga suspek.Suno sa hepe sang Victorias PNP nga si Lt Col Eduardo Corpuz, naga ininom lang ang mag utod nga Solatorio kag mag himata nga Loquinario kag Certicio upod sang iban pa nga mga persona sang mag pabatianay ang duha ka grupo bangud sang away sa trabaho kabangdanan nga ...

Jenard Britanico photoAng lungon nga may unod nga patay ang ginkarga sa improvised zipline sa may Hacienda Pulo, Malisbog 1 sa Barangay Hawaiian sa Silay City para maka lab-ot sa balay kun sa diin ini ihaya.Sa mga litrato nga kuha ni Jenard Britanico makita nga gin buligan lang para mapatabok sa zipline ang lungon pati na ang mga suga kag carpet nga gamiton sa haya.Nabugto ang taytay sa amo nga lugar bangud sang pagbaha sadtong Enero 8, 2021. Ang zipline amo ang temporaryo lang anay nga gina gamit sang mga pumuluyo sa pagtabok samtang natalana pa ang major repair sa amo nga taytay.

Mayor Jaojoco photoSa mando nga ginpapanaog ni Isabela Mayor Irene Montilla ang pagpaidalom sa lockdown sang munisipyo sa tatlo ka adlaw ang bangud sang pagsaka sang covid 19 cases sang banwa.Suspendido ang trabaho sa munisipyo Mayo 31 tubtob Hunyo 2, tigaylo, ginpatuman ang work from home arrangement sa mga apektado nga talatapan.May apat ka bag-o nga kaso sang Covid-19 ang Isabela kun sa diin duha diri empleyado sang LGU, isa ang gikan sa DepEd kag isa ang gikan sa COMELEC.Samtang, padayon naman nga bukas ang pila ka mga talatapan nga naga lakip sa Municipal Health, LDRRM kag BFP.Suno sa covid coordinator sang banwa nga si Lorenzo Gil Montilla 16 ang gin swab, dose diri ang mga close contact. Bwas gina paabot ang resulta sang ila swab test.Sa banwa naman sang Tobo...

Napatay kahapon ang 53 anyos nga Bise Alkalde sang Dumaguete City nga si Alan Gel Cordova matapos mag collapse samtang naga bisekleta sa atubang SANG isa ka Unibersidad sa siudad.Suno kay Councilor Joe Kenneth Arbas, abyan kag partymate sang bise alkalde, nagtambong sa isa ka bike for a cause nga activity si Cordova kag sang naga bike pabalik na sa Dumaguete City proper,siya ang nag collapse kag nag batyag sang chest pain.Gindala pa siya sa ospital pero wala na matabangan pa ang bise alkalde.Nag positibo sa COVID-19 si Cordova pero suno kay Arbas, nag negatibo na ini sa virus sang nagligad nga Martes kag siya ang naka balik na sa trabaho sa city hall sang nagligad nga Huwebes.Gin kasubo man ni Dumaguete City Mayor Felipe Remollo ang pagtaliwan ni Cordova. Si Remollo nga nag...

The CLMMRH COVID-19 Critical Care Unit*Yara na sa full capacity ang mga hospital beds para sa Covid-19 sa Corazon Locsin Montelibano Memorial Regional Hospital.Suno sa kay Dr. Julius Drilon, medical center chief sang CLMMRH, ang emergency room sang ospital ang indi na anay magbaton sang Covid-19 patients magluwas na lamang sa extreme emergency cases.Gina abisuhan man ang mga pasyente nga magkadto lang anay sa iban pa nga ospital sa probinsya.Sa tiun nga may bakante na nga hospital beds, liwat sila nga maga baton sang mga pasyente. Sa karon may 26 tanan ka mga staff sang ospital nga nag positibo sa covid-19 nga naga okupar sa tatlo nila ka mga wards.Suno pa kay Drilon nga sa CLMMRH nga molecular laboratory, ang ila datus naga pakita nga sang Mayo 15-21 ang positivity rat...

Sumugod bwas nga adlaw, Hunyo 1, liwat na nga maga resume ukon maga balik ang biyahe sang mga fastcraft kag roro vessels humalin Negros padulong Iloilo City kag Dumangas, kag vice versa.Ang Western Visayas Regional Inter-Agency Task Force kag ang Regional Task Force for the Management of Emerging Infectious Diseases ang nagpagwa sang joint advisory nga naga lift sang temporary suspension sang trips.Las dose uno sang kaagahon sa bwas maga balik ang biyahe. Gina abisuhan ang mga pasahero nga mag sunod sa minimum public health standards kag mag coordinate sa tagasa ka local government unit para sa travel requirements.Gin suspend damlag pa ang biyahe sumugod May 23 kag nagtakop subong nga adlaw.

Curfew hours sa probinsya sang Negros Occidental ang gin palip-ot.Sini lamang nga hapon nag pa gwa sang executive order si Gobernador Eugenio Jose Lacson nga naga palawig sang pagpaidalom sa probinsya sa modified general community quaratine sumugod Hunyo uno tubtob 30.Nalakip sa amo nga executive order ang pag palip-ot sang curfew hours.Gikan sa las otso sang gab-i tubtob las 4 sang kaagahon, sumugod hunyo uno, mangin las nuebe sang gab-i tubtub las 4 sang kaagahon ang curfew hours.Damlag pa may panawagan sa mga magagmay nga negosyante sang pagpalip-ot sang curfew hours.Ginsiling naman sang gobernador nga maga pabilin ang four day work week and one day work from home sa Kapitolyo. Ini ang nabase sa abiso sang mga duktor sa probinsya suno sa gobernador.As of May 30, ...

Police Station 2 photoNa recover sang Biyernes sang kapulisan ang Mitsubushi Mirage nga salakyan ni Bago City Councilor Cleo Gaudite nga nag alegar gin kastigo kag gin hold up sang duha ka persona sang nagligad nga Miyerkules sa sulod sang isa ka motel sa Bacolod.Suno kay Police Captain Paul Vincent Pendon, hepe sang Police Station 2, ang salakyan sang konsehal ang nakit-an nga naga park lang sa kilid sang dalan sa Circumferential Road.Wala man sang may nakuha sa sulod sang salakyan suno sa pulis.Damlag pa ginpahayag sang Police Station 2 base sa statement ni Gaudite nga siya ang ginparahan sang duha ka lalaki sa Lacson Street kag ginpa drive padulong sa isa ka motel.Didto na gin hold up sang duha ka suspek ang konsehal kag ginkuha ang iya cellphone kag cash pati na ang...

Binalbagan PNP photoPatay ang 21 anyos nga si Miller Delavida samtang pilason naman ang iya 17 anyos nga live in partner matapos sila bun-on sang wala pa makilal-an nga persona sang Sabado sa Barangay Bagroy, banwa sang Binalbagan.Sa imbestigasyon sang Binalbagan PNP, naga katulog lang ang duha sa sulod sang ila balay sang gulpi nga mag sulod ang suspek kag gin buno si Delavida.Ang biktima ang may igu sang buno sa iya dughan, likod, abaga kag ulo nga gin tunaan sang iya kamatayon. Pilason naman ang iya menor de edad nga live in partner nga may igu sang buno sa abaga.Daan nga pag dumtanay ang gina tan-aw sang PNP nga motibo sa pag patay sa kay Delavida.