Balita Hiligaynon

Yara na sa 67 ang active cases sang COVID-19 sa Negros Oriental sa karon matapos mag dugang ang anum ka bag-o nga kaso kahapon (October 28).Kabahin bag-o nga kaso sang COVID-19 sa probinsya ang isa ka army nga katapo sang 302nd Infantry Brigade kag isa ka pulis nga assigned naman sa Ayungon PNP.Suno kay Dr Liland Estacion, ground commander sang provincial IATF, ang 35 anyos nga suldado ang gikan Antique kag nag tiner lang sa isolation facility asta nag abot ang iya resulta. Siya ang padayon nga naka quarantine.Ang 31 anyos nga pulis naman suno sa kay Estacion ang isa ka frontliner apang wala pa mahibaluan kun sa diin niya nakuha ang virus bangud sa madamo man siya sang ginkadtuan lakip na sa Guihulngan, Bacong kag Dumaguete.Ang apat pa nga bag-o nga kaso ang local transmis...

BCPO photoPatay na sang maabtan sang iya pamilya ang 53 antos nga si Gaudioso Empase, sakay sa iya tricycle sa dalan sa Purok Fatima sa Barangay Sum-ag.Sa imbestigasyon sang PNP, papauli na kun tani si Empase upod ang iya paka isa sang hinali na lang siya nga gintiro sang riding in tandem nga wala pa makilal-an.May igu sang bala sa ulo kag abaga si Empase.Suno kay Police Lieutenant Colonel Ariel Pico, spokesperson sang BCPO, indi man ma locate tubtob karon ang paka-isa sang biktima nga iya kaupod sa pag biyahe.Indi pa matumod sang PNP kun ano ang motibo sa pag patay kay Empase kag ila lang karun ginatutukan ang anggulo nga personal nga dumot.

As of October 28, wala na sang active COVID case ang banwa sang Don Salvador Benedicto.Ang pinaka ulihi nga kaso nga na-record sang banwa ang nag negatibo na sa virus sandig sa iya nga swab test result.Suno kay Mayor Marxlen Dela Cruz, sa karon may yara na lamang sang tatlo ka persona nga gina-monitor ukon gina kabig nga PUM sa DSB.Sila ang yara sa quarantine facility sang banwa.“The most number namon was three. One at a time. Anyway we cannot be complacent about it. Bantay gyapon. Steady kami gyapon sa pagbantay,” suno kay Dela Cruz.Sumugod Oktubre 16, nangin bukas na ang borders sang Salvador Benedicto.Suno sa alkalde makita ang liwat nga pagbalik sang mga bisita sa banwa ilabi na sa mga kapehan. Wala labot nga gina sayo naman gid nga daan ang DSB nadugangan pa gi...

Ginpasar na sa third and final reading ang ordinansa nga nagamando sa publiko sa pagsuksuk sang face shield sa pila ka mga pampubliko nga lugar sa Bacolod City.Ini ang nag-amend sa ordinansa nga damlag pa ginpasar man sang Sangguniag Panlungsod nga nagamando sa pagsuksuk sang face mask kag pagsunod sa physical distancing sa pampubliko nga mga lugar.Base sa bag-o nga ordinansa, mandatory naman ang pagsuksuk sang face shield sa sulod sang mga “supermarket, public markets, malls, venues for meetings (private or government service initiated), venues where private or government services are provided, all enclosed offices or establishments doing business, public transportation or public utility vehicles and enclosed work places.Ang magasupak sini ang may nagakaigo man nga multa.

Antes mag sira ang patyo sa bwas may gina hingagaw pa lubong kaina sang aga sa Rolling Hills Memorial Park sa Bacolod.Halos kadam-an sa mga pantyon may mga bulak na, patimaan nga may naka bisita na diri.Sanday Fe Villaquatro kag ang iya sini nga utod ang tatlo na ka dekada nga naga paninlo sang mga pantyon.May tag stenta sila ka mga kliyente kag gina tatap nga mga pantyon pero subong ahaw ahaw pa lang ang naka pakita.Suno sa ila, sa kalawig nga pagpangabuhi nila sa patyo, subong lang sila naka batyag sang amo sini nga puraot nga tigkalalag.May naka standby nga ambulansya sa sulod sang memorial park.Ililisipon ang mga pamilya nga yara sa patyo kaina sang aga bangud suno sa mga naga paninlo sang weekend kalabanan nag kinadto.Sa public cemetery naman sa Barangay Gr...

Kun may yara man sang variance ukon wala nagasanto ang gina report nga statistics sa kaso sang COVID-19 sa probinsya, ini natungod nga may delay sa releasing sa report.Paathag ni Atty. Rayfrando Diaz II, ang provincial administrator sang Negros Occidental, sumugod sang Setyembre uno may bag o nga MIS program para sa reporting sang COVID-19 cases.Ini ang mas madasig, kag nagatuyo nga malikawan ang ano man nga human error. Wala labot diri ini ang para sa gilayon nga pag pat-od sa nag positibo kag mapatuman ang gilayon nga aksyon sang tagsa ka LGU.Suno kay Diaz ang figures nga gina release sang DOH ang may delay sang tatlo tubtob lima ka adlaw bangud nga ini ang naga agi sa pila ka proseso kasubong sang counter checking kag mag pila pa ka mga signatories antes gina release.Sun...

Wala nagapanukot ang Barangay tangub sa Bacolod sa ano man nga bulig nga gina hatag sini sa pumuluyo nga naga hinyo sang assistance sa pag pa register sa BaCTrac.Suno kay OIC Punong Barangay Luz Atienza, ang nag gwa sa report nga may isa ka pumuluyo nga ginpabayad sang 35 pesos para sa BaCTrac registration ang indi matuod.Paathag niya sang nagligad pa nga semana nagpadulong sa barangay ang natungdan. Ugaling wala pa nagsugod sa paghatag assistance ang barangay rason nga gin refer siya sang isa ka barangay staff sa isa ka pribado nga indibidual sa isa man ka purok nga nagsukot sa iya sang printing kag lamination sang ID.Suno kay Atienza, Martes na nagsugod ang help desk para sa BaCTrac sa Barangay Tangub kay Lunes na naka seminar ang in charge. Bukas ini sa pumuluyo kag libre su...

Sa Visayas, ang San Carlos City kag Iloilo City ang nalakip sa 18 ka mga local government unit nga gin report sang OCTA sandig sa ginpatigayon sini nga research nga makabig high risk areas.Nangin basehan ang bag-o nga mga kaso sang COVID-19 nga gina report sa lugar, ang attack rate sini kag hospital occupancy.Gina recommend man sang grupo nga ang ini nga high-risk areas dapat mas magpabaskog sang ila nga testing, tracing kag isolation.Suno kay Mayor Renato Gustilo nga nag abi abi man sang amo report nga mahimo nga indi updated ang datus nga nangin basehan sang grupo.Duno sa alkalde madamo na sa mga nag positibo nga gina kabig nag graduate ukon naka gwa na sa healing facility sang siudad. Ang mga symptomatic naman ang na admit sa mga ospital ayhan sa Bacolod ukon Cebu.“E...

CIDG-Bacolod photoGin aresto sang mga katapo sang Criminal Investigation and Detection Group - Bacolod kahapon sa banwa sang La Castellana ang duha ka mga lalaki nga gina alegar miyembro sang Tonggo Group nga imbolbado sa mga gunrunning activities sa Bacolod kag sa Negros Occidental.Una nga gin aresto ang 46 anyos nga si Jovel Sumugat sa entrapment kag buybust operation may angut sa mga illegally possessed firearms.Si Sumugat nga nagpakilala pa nga intelligence officer sang Negros Island Region Anti-Crime Group, kag pila pa gid ka mga grupo.Nakuhaan siya sang kapulisan sang isa ka KG-9 calibre 9mm, duha ka magazine sini kag lima ka mga bala, pati na silencer para sa KG-9.Sunod naman nga gin aresto ang iya upod nga si Renon Taclobos nga nakuhaan naman sang isa ka submach...

Ginpapanaugan sang korte sang temporary restraining order ang pagpatuman sang joint venture agreement sang Bacolod City Water District kag PrimeWater Infrastructure Corporation bangud sang reklamo nga disbentaha ini sa konsumedor kag may iregularidad sa transaksyon.Bente ka adlaw nga TRO ang ginpapanaug ni Regional Trial Court Branch 45 Judge Phoebe Gargantiel-Balbin para ipaiway anay ang pagpatuman sang joint venture agreement nga ginlagdaan sang BACIWA kag PrimeWater.Ini ang ginmando sang korte sa gin-file nga complaint with declaratory relief and declaration of nullity ni Bacolod Councilor Wilson Gamboa Jr. kag pila ka mga konsumedor nga may pangabay sang preliminary injunction kag TRO sa korte.Gina-alegar sang grupo ni Gamboa nga wala nag-agi sa nagakaigo nga proseso ang pa...