Kun may yara man sang variance ukon wala nagasanto ang gina report nga statistics sa kaso sang COVID-19 sa probinsya, ini natungod nga may delay sa releasing sa report.
Paathag ni Atty. Rayfrando Diaz II, ang provincial administrator sang Negros Occidental, sumugod sang Setyembre uno may bag o nga MIS program para sa reporting sang COVID-19 cases.
Ini ang mas madasig, kag nagatuyo nga malikawan ang ano man nga human error. Wala labot diri ini ang para sa gilayon nga pag pat-od sa nag positibo kag mapatuman ang gilayon nga aksyon sang tagsa ka LGU.
Suno kay Diaz ang figures nga gina release sang DOH ang may delay sang tatlo tubtob lima ka adlaw bangud nga ini ang naga agi sa pila ka proseso kasubong sang counter checking kag mag pila pa ka mga signatories antes gina release.
Suno kay Diaz ang DOH lamang ang sarang maka release sang COVID figures. Ang datus naman bahin sa mga nagkalamatay, suno kay Diaz ang naga gikan sa Provincial Health Office.
“Supposedly ang aton nga positive patients ang aton negative patients updated ta ya. We know kun pila ang aton nga real time nga data. Ang region ang central may delay pa ta nga 3 to 5 days kis-a kag mag reflect na sa ila nga mga reports. So ang naga gwa subong nga report sa region that was submitted by the PESU, may delay na sya, 5 days ago pa na sya na report. It takes time kay may tawo pa na na ma pirma mo,” suno kay Diaz.