Balita Hiligaynon

Brown Eagle photoKatapo sang Philippine Army magabulig sa Covid contact tracing team sang siudad sang Bacolod.Bangud sang padayon nga pagsaka sang kaso sang Covid-19, ang 303rd Infantry Brigade ang nagpadala sang 6-man team para magbulig sa contact tracers sang Bacolod City.Ini bilang suporta sa Inter-Agency Task Force sang Bacolod para sa ila kampanya para mapa hagan hagan ang malatnanan sang COVID-19.Ang team sang army ang maga monitor sang Covid-19 cases mag bulig kilala sa mga nakaupod sang mga nag positibo sa virus.Suno kay Colonel Inocencio Pasaporte, Commander sang 303rd Infantry Brigade, ang contact tracing team ang dugang nila nga bulig sa siudad sang Bacolod ini magluwas sa naga padayon nga pag libot sang ila loud speaker para ipahanumdom sa publiko ang minimu...

Sa Victorias City, gintugutan na ang pagbukas sang city resort kag Gawahon Eco-park.Pero limitado lamang ang mga customer nga sarang mabaton sini sumugod sang Martes.Ang mga mall naman, supermarket, retail store, restobar, restaurant kag fastfood chain sa siudad ang tugutan nga mag operate tubtob las dies sang gab-i.Ang pagbaligya naman sang makahulubog nga ilimnon sa Victorias City ang tubtob lamang sa las sais sang gab-i. 6pm tubtob 6am ang liquor ban sa siudad.Sang Lunes gnsapol sang siudad ang mga negosyante tuhoy sa pagpatuman kag pagsunod sa mga guidelines nga nagalakip sang minimum health protocols, paghatag sang alcohol, hand saniter ukon tubig kag habon, pagpatigayon sang regular nga disinfection kag pag limit bahin sa kapasidad sang mga establisimiento komersyal. ...

Portion sang naguba nga karsada nga malapit sa intersection sang Burgos kag Circumferential Road ang ginsuguran na kaayo sang Department of Public Works and Highways.Sang nagligad lang nga adlaw nakibot ang pila ka mga motorista sang matalupangdan ang dako nga buho gikan sa naguba nga sementado nga dalan malapit sa corner sang Burgos kag Circumferential Road.Pila ka mga netizens ang natingala kun ngaa masami may diperensya sa amo nga alagyan bisan pa makapila naman ka beses nga may ginapatuman nga road repair kag construction sa amo nga dalan.Kaina ginkadtuan na gilayon sang katapo sang department of public works and highways ang lugar kag ginsuguran ang pagkaayo sang dalan.Suno kay District Engineer Jaime Javellana, mahimo nag leak ang water pipeline malapit sa nagtuhaw ng...

Padayon karon nga gina bulong sa ospital ang amay nga si Joey Carlos Dela Cruz matapos ini tiruhon sang suspek nga si Mark Claveria kagab-i sa Purok BM, Barangay Taculing.Sa imbestigasyon sang PNP, nag sugod ang komosyon matapos kastiguhon ni Claveria ang anak ni Dela Cruz nga si Aljoe sa tiangge pasado las 9 kagab-i.Gin sulong sang mag amay upod sang isa pa ka lalaki si Claveria sa iya sini balay kag didto na nag sugod ang komosyon nga nag resulta sang pag tiro ni Claveria sa amay nga Dela Cruz. Ginbalusan buno sang upod sang mag amay nga si Mark Torreno so Claveria.Ginabulong man sa karon ang suspek sa ospital.

Bacolod Congressman Greg Gasataya naga paandam sa publiko nga indi basta basta magpati kun gina gamit ang iya ngalan sa pag order ukon pagpa reserve sa mga kalan-an.Ini kasunod sang natabo sang kahapon nga may nagpa reserve sa isa ka kalan-an sa Talisay City nga nagpakilala nga siya ang kongresista kag nagpa reserve sang tubtob 35 ka tawo para sa isa ka meeting.Maayo lang kay nagpamangkot ang staff sa kay Konsehal Israel Salanga kag didto natukiban nga gingamit lang ang ngalan ni Gasataya.May isa pa gid ka kalan-an sa Bacolod nga diutayan lang mabiktima pero maayo lang kay namangkot anay ang staff sa iya nga opisina.Panugyan niya sa mga negosyante i-confirm gid anay ang ano man nga reservation ukon order sa iya nga opisina ukon mismo sa iya.Suno sa kongresista indi na k...

Tigaylo nga magpatigayon sang satellite registration sa mga barangay, ginalantaw sang Comelec Bacolod nga magpatigayon sang satellite registration sa mall na lamang.Paathag ni Atty Kathrina Trinio-Cana, ang Comelec officer sang bacolod, isa sa mga rekisitos sang Comelec amo nga ang barangay kun sa diin ipatigayon ang satellite registration dapat may zero active Covid-19 cases sa nagligad nga katorse ka adlaw antes sa petsa nga gintalana para sa satellite registration.Bulan pa sang Mayo sang gina hulat sang Comelec Bacolod gikan sa Bacolod Emergency Operations Center ang amo nga certificiation para sa barangay nga may zero active Covid case pero wala sila sang may nabaton.Nagsulat liwat ang Comelec sa Bacolod EOC para matugutan na lamang sila makapatigayon sang registration sa m...

Richard Malihan photoProvincial Integrated Water Security program ang ginlunsar sang pobinsya.Ini sa tinutuyo nga mapasanyog ang access sa water supply, mas mapaayo ang water resource management kasubong man mas mapabakod pa gid ang water sector governance.Ginsiling ni Negros Occidental Governor Eugenio Jose Lacson na nag pamuno sa programa kahapon, nga 25 porsiento sang mga negrense ang wala sang access sa water supply.Sa Pilipinas halos lima ka million ka mga Pinoy ang naga salig sa unsafe water resources.Ang ginlunsar nga programa, ang kabahin sang USAID Safe Water program.Ginpasalamatan sang gobernador ang USAID sa pagpili sang probinsya nga isa sa mga nagbaton sang ila nga expertise kag suporta.Damlag pa ang talatapan ni Third District Representative Franci...

Bacolod kag Dumaguete City nalakip sa areas of concern sang isa ka research group.Nalakip ang siudad sang Bacolod kag Dumaguete sa mga local government units sa pungsod nga gina kabig areas of concern base sa OCTA Research Group.Ang Dumaguete kag Bacolod upod sang iban pa nga mga LGU ang base sa OCTA Research, may Covid-19 growth rate nga mas mataas sa 50% ukon may pinakadamo nga kaso sang Covid-19 kada adlaw.Humalin sang Mayo 31 tubtob Hunyo 6, ang Dumaguete City amo ang may pinatakataas nga growth rate sa 206%.93 ang bag-o nga kaso kahapon sa Dumaguete kag 388 ang total active cases karon sa siudad.99 naman ang bag-o nga kaso sang kahapon sa Bacolod kag karon nag dangat na sa 1,505 ang active cases sa siudad.Indi na mag layo sa active cases sang bug-os nga Negros ...

Ang in patient admissions sa Department of Obstetrics and Gynecology kag Department of Pediatrics sa Corazon Locsin Montelibano Memorial Regional Hospital ang limitahan lang anay para sa extreme emergency cases until further notice.Suno kay Dr. Julius Drilon, medical chief sang clmmrh, ang ward sang sini nga mga department ang naka lab-ot na sa maximum capacity kag ipaidalom anay sa temporary closure bangud sang kakulang sa personnel kay na expose sila sa covid-19 kag gina quarantine sa karon.Dugang pa niya, 36 ka mga personnel sang CLMMRH ang nag positibo sa COVID-19 kag gina quarantine.Ang corona virus suno kay Drilon ang indi lang sa mga komunidad naka apekto kundi pati na aa operation sang ospital.Madamo kuno ang gina admit sa karon nga mga pasyente nga may Covid-19 sa ...

Napulo ang na-record nga Covid deaths sa Negros Occidental sa June 7 nga report sang Provincial Incident Management Team.49 ang bag-o nga kaso nga na-report kag 103 naman ang recoveries base man sa amo nga datus.1780 ang active cases sang Negros Occidental kag ang siudad sang kabankalan ang may pinaka madamo nga na-record nga active case sang Covid-19 - 159.Magluwas sang Kabankalan, may pito ka iban pa nga nga siudad ang may three digit active cases kag ini ang nagalakip sang Himamaylan, Bago, Cadiz, La Carlota, Sagay, Silay kag Talisay.Sa 1,780, 1738 diri ang mga local cases.Sa pahayag sang Department of Health Region 6 kahapon, ang probinsya sang Negros Occidental ang naga isahanon nga probinsya sa Western Visayas na na classify bilang low risk area.