Balita Hiligaynon

Capitol photoPagsira sang mga border ukon ports of entry sa non-essential travel sang Negros Occidental ang ginpanawagan sang infectious diseases doctors kay Negros Occidental Governor Eugenio Jose Lacson.Ang gobernador kaupod si Provincial Consultant Albee Benitez ang nagsapol kahapon kun sa diin ila nga ginpamatian ang mga ginaduso sang katapo sang medical community.Ginaduso man sang Philippine Society for Microbiology and Infectious Diseases ang temporaryo nga indi pagtugot sang dine-in sa mga kalan—an.Gusto man nila nga ipaiway ang social gatherings, magluwas na lamang sa haya kag lubong kag ang tugutan makatambong immediate family lamang.Ginaduso man nila ang temporaryo nga pagsira sang non-essential businesses.Gusto man nila nga gilayon ma manage ang mga wala ...

Salvador Benedicto LGU photoSa Don Salvador Benedicto, masobra sa isa ka gatos ka pumuluyo sa isa ka purok ang apektado sang granular lockdown.Matapos nga may nagpositibo nga pumuluyo sa Covid-19, ginmando ni Mayor Marxlen Dela Cruz sang Miyerkules, ang granular lockdown sa Purok Super l sa Barangay Pandanon.113 tanan ka mga residente ang apektado sa lockdown nga mahimo magalawig sang tatlo tubtob apat ka adlaw. Ginhatagan naman sang food packs ang mga apektado nga pumuluyo.Suno sa alkalde ginpatuman ang lockdown para sa contact tracing. Sa karon may napat-od na nga dose ka mga close contact nga igabutang sa quarantine facility sang banwa.Ang nagpositibo yara karon na admit sa ospital bangud sang mild pneumonia.

Siudad sang Cadiz naka record sang pinaka mataas nga new Covid-19 cases sa isa ka adlaw sang kahapon.Suno kay Mayor Salvador Escalante, Jr., may 26 ka bag-o nga kaso sang Covid-19 nga na record sa siudad sang kahapon. As of June 9, 102 ang active cases sa siudad.Ang sitwasyon suno sa alkalde, sa isa ka video message para sa mga Cadiznon, ang maka alarma na rason nga iya ginsulit panawagan sa pumuluyo ang maid-id nga pagsunod sang health protocols.Sa 26 ka bag-o nga kaso, laban diri, latnanay sa pamilya, suno sa alkalde.Nanguna sa panawagan sang alkalde ang pag paiway sa mga party celebration nga damlag pa ginmando na sang presidente. Dugang pa ni escalante nga ang iban nga mga hilikuton ilabi na ang mga ginakabig nga superspreader ang ipaiway man anay ukon hagan-haganon....

Malapit na sa kwarenta mil ka mga pumuluyo sang siudad sang Bacolod ang natagaan sang bakuna para sa Covid-19.Sa datus nga ginpagwa sang Bacolod City Public Information Office, 39, 232 na tanan ang na bakunahan sa siudad. 21,876 ang Astrazeneca nga bakuna kag 17,356 naman ang natagaan sang Sinovac vaccine as of June 8, 2021.Sa malapit kwarenta mil ka mga nabakunahan sa Bacolod, masobra treinta mil diri ang nagbaton sang ila mga first dose kag malapit sa nuebe mil naman ang nakabaton sang ila nga second dose.Ginsiling naman ni Malakanyang spokesperson Harry Roque nga ang Bacolod ang isa sa mga prayoridad nga matagaan sang bakuna bangud gina kabig sang Department of Health ang Bacolod bilang high risk area pero sa kun pila ka mga bakuna kag kun san-o ini maaabot ina ang wala niya...

Himamaylan PNP photoDetained na karon sa Himamaylan PNP sanday Kenneth Nabong kag Jayson Gazon nga gina alegar miyembro sang New People's Army nga kabahin sa naka enkwentro kahapon sang tropa sang 62nd Infantry Battalion sa Purok Galaupan, Barangay Carabalan sa Himamaylan.Ang enkwentro sa tunga sang army kag NPA ang nag resulta sa kamatayon sang soldado nga si Corporal Rodney Luces kag pilason man ang iya isa pa ka upod. Isa man ka miyembro sang NPA ang napatay sa encounter.Suno sa Himamaylan PNP, ang tropa sang army amo ang nag turn over kahapon sa duha ka NPA members matapos nila ini ma dakpan sa hot pursuit kag blocking operation.Kaso nga paglapas sa RA 10591 ang ipasaka nga kaso sa duha ka naaresto subong nga adlaw kag sunod man nga ipasaka batuk sa ila suno sa pulis am...

PNP photoNegros Occidental Police Provincial Office may malapit sa 200 na ka mga body cams nga paga usaron sa mga police operations.Tanan nga city police stations sa Negros Occidental ang may yara na sang mga body worn cameras nga paga usaron sa mga police operations, ini ang gin kumpirma ni police Lt Col Abegael Donasco, spokesperson sang Negros Occidental Police Provincial Office.Suno kay Donasco, tag 16 ka mga body cams ang nabaton sang 12 ka city police stations sa probinsya. Pero suno kay Donasco, indi pa ini mausar sa karon sang mga pulis bangud sa kinahanglan pa sila nga ma train sa pag usar sini.Gina ayu naman sa karon sang NOCPPO suno kay Donasco nga masuguran na ang training sang mga police sa pag usar sang mga body worn cameras agud ila naman ini gilayon nga maus...

Radyo Alagad photoHalos 18 milyones pesos ang halit nga nadala ni Bagyo Dante sa pananum kag kasapatan sa probinsya.Sa final report sang Office of the Provincial Agriculturist, 16.7 million pesos ang balor sang halit sa pananum.971 ka mga mangunguma ang apektado.Indi lamang palay ang nahalitan, may mga high value crops man kag mais.Masobra naman sa 500,000 pesos ang halit sa kasapatan sa report sang Office of the Provincial Veterinarian.Bahin naman sa infrastructure, masobra man sa 500,000 pesos ang balor sang halit nga ginreport sang banwa sang Hinoba-an.

NOCPPO photoAng Negros Occidental Police Provincial Office ang isa sa mga nag upod sa Earthquake Drill sa Camp Alfredo M Montelibano Sr., sa Barangay Estefania sa Bacolod City kaina sang aga.Ang ini nga nationwide activity ang gina patigayon sa kada quarter sang tuig para himuon nga handa ang tanan nga mga personnel kun may magluntad gid man nga linog.Naga duck, cover and hold and mga personnel. Amat amat man sila nga gina pagwa sa building kag nag saylo sa mas safe nga lugar.May scenario man nga may napilalasan para makahibalo ang mga pnp personnel mga yara sa building sang ila mangin responsibilidad engkaso nga may matabo nga linog.

Isa ka suldado kag isa ka katapo sang NPA patay, samtang isa pa ka suldado ang pilason sa nag luntad nga duha ka enkwentro kaina sa Himamaylan.Sa initial report sang 303rd Brigade, una nga nag luntad ang una nga enkwentro sa tunga sang tropa sang 62nd Infantry Battalion kag ginabulubanta 9 ka mga miyembro sang npa sa purok galaupan sa Barangay Carabalan sa Himamaylan. Duha ka suldado ang pilason sa enkwentro pero ang isa ang napatay sa ospital.Sa pursuit operation sang army, liwat nga nag luntad ang enkwentro batuk sa mga rebelde nga nag resulta naman sa pag kapatay sang isa ka NPA member.

Rica Capillan photoLas sais kaina sang aga sang makit-an sang mga pumuluyo nga naga lutaw sa suba sa bahin sang Barangay RSB sa La Carlota City ang 5 ka tuig nga bata nga babayi.Gilayon man siya nga gin kuha sang rescuers ang iya nga bangkay kag gindala sa punerarya.Dominggo sang gin tabok sang iya nga iloy sa suba ang menor de edad kag ginpatindog sa bato bangud sa gin balik pa sang iloy ang isa pa ka utod sang babayi.Gulpi lang nag kusog ang daludo sang tubig kag gin anod ang bata nga nag resulta sang iya pagkalumos.Humalin pa sang Domingo ang pangit-anay sa bata kag may special team na ang Bureau of Fire Protection nga ginpadala sa la carlota para makita ang menor de edad kag kaina lang sang aga natigayon nga nakit-an ang iya sino nga bangkay.