Balita Hiligaynon

Mga kabarangayan mas ginapabaskog ang pagpatuman sang tikang kontra Covid-19 ilabi na ang pagbantay batuk sa mga ginahiwat nga mass gatherings nga sarang halinan sang paglapta sang virus.Indi lang ang pag-rekorida kada adlaw kag gab-i ang ginahimu nga tikang sang mga tanod upod sa mga opisyales sang Barangay Montevista sa Bacolod kadungan sang pagpatuman sang curfew kag liqour ban sandig man sa panibag-o nga executive order sang alkalde.Hugot man karon nga ginapabaskog sang barangay ang coordination sa mga lideres sang purok agud nga mapunggan ang paghiwat sang mga mass gatherings nga sarang mangin super spreader event karon nga nagasaka ang kaso sang Covid 19 sa siudad.Suno kay Punong Barangay Glo-an Tambasen, isa ka dugang nga pagtilaw ang pagpabaskog sang ila monitoring sa k...

Mangin prayoridad sang nag-abot nga bag-o nga batch sang Sinovac vaccine sa probinsya sang Negros Occidental ang mga LGU nga may madasig nga vaccine utilization.Ginsiling ni Provincial Administrator Atty Rayfrando Diaz kahapon nga ang mga banwa kag siudad nga wala pa makapaubos sang bakuna nga damlag pa na-release sa ila, ukon may yara sang mahinay nga vaccine utilization ang indi makabatun sang bag-o nga supply sang bakuna.Paathag ni Diaz ang probinsya ang nahatagan man sang Department of Health sang timeline ukon schedule bahin sa pag gamit ukon pag dapat sang Covid-19 vaccines.Suno kay Diaz nakabaton sila sang feedback nga may mga indi pa kumbinsido sa bakuna. Gani na abisuhan na si Provincial Health Officer Dr Ernell Tumimbang nga manduan ang mga municipal kag city health o...

PIMT photo23,000 ka dose sang Sinovac vaccines ang nag abot sa Bacolod-Silay Airport kaina sang aga.Ang siyete mil diri para sa Bacolod City kag ang desi sais mil naman para sa Negros Occidental.Suno kay Dr. Chris Sorongon, ang deputy for medical data and analysis sang Bacolod Emergency Operations Center, ini ang gilayon nga ibakuna sa mga naka palista kag naka pa rehistro online.Kahapon gin suguran na liwat ang mass vaccination sa malls sang mag abot ang diyes mil ka mga dose sang Sinovac sang Sabado. Sa masunod nga mga inadlaw mahimo magsugod naman liwat ang vaccination sa mga barangay para ma roll out gilayon ang mga bakuna.Ginahaylo niya ang mga wala pa sa gihapon makapa rehistro nga magpa rehistro na online para mapatawag ukun makabaton na sang text message para sa...

La Carlota PNP photoPang idalom nga panapton sang bata nga naanod sa suba amo pa lang sa karon ang nakita sa padayon nga search and rescue sa menor de edad.Wala pa makita tubtob sa karon ang lima ka tuig nga bata nga babayi nga naanod sa suba sa makusog nga daludo sang tubig sa Barangay La Granja sa La Carlota City sang Dominggo.Padayon sa gihapon ang search and rescue operation sang nagkalain lain nga unit para makita ang bata.Suno sa kaingud kag abyan sang pamilya sang bata, shorts pa lang sang babayi amo ang ila nga nakita kahapon sa bahin sang suba kun sa diin siya gin libot libot sang tubig.Gin pahayag man snag provincial drrmo nga nag deploy na sang special team ang Bureau of Fire Protection sa area agud mag bulig sa pag pangita sa na missing nga menor de edad.

Regional Trial Court nag papanaog na sang warrant of arrest sa persona sa likod sang gina alegar lechon scam.Nag gwa na ang warrant of arrest batuk kay Gerald Lariosa nga damlag pa ginreklamo sang iya mga customer mga wala mag abot ang ila gin order nga lechon bisan pa bayad na. Ginpapanaog sang RTC ang arrest warrant batuk kay lariosa sa kaso nga swindling.Suno kay Police Executive Master Sargeant Ramiro Gocotano, pamuno sang CIDG Bacolod. Gin tinghuaan kahapon sang kapulisan sa San Carlos City arestuhon si Lariosa sa iya sini nga gina tineran sa siudad pero suno kay Gocotano wala na ang suspek.Dugang pa ni Gocotano, may pito tubtob walo pa ka mga reklamo nga inug pasaka ang CIDG batuk kay lariosa gikan sa iya mga na biktima nga kuno nag pati kag nag kwa sang lechon package ni...

Capitol photo800,000 pesos nga balor sang insurance claims kag benefits ang gin-release sa mga himata sang napatay nga mga opisyal, empelyado kag tanod sa mga barangay sang Negros Occidental.Ini sa idalom sang Barangay Insurance Program.Kinse tanan ka mga punong barangay, kagawad, tanod, health worker kag iban pa gid nga barangay worker nga nagtaliwan ayhan bangud sang natural ukon accidental death, nga ang ila himata ang nagbatun sang benepisyo.Tuyo man sang programa nga mahatagan bulig kag makilala ang serbisyo nga ginhatag sang mga opisyal kag empleyado sang barangay.

Bacolod City Mayor Evelio Lenardia nagpagwa sang panibag-o nga executive order nga naga palip-ot sang curfew hours kag naga pa untat sang pag inum sa pampubliko nga mga lugar.Sa Executive Order number 31 sang alkalde ginhimo nga 10pm-4am ang curfew sa Bacolod gikan sa 11pm-4am.Pwede maka bakal sang maka hulubog mga ilimnon humalin las 12 sang udto tubtob las 6 sang gab-i pero indi pwede maka konsumo sang maka hulubog nga ilimnon sa mga pampubliko nga mga lugar. Indi naka serve sang alcoholoc drinks sa mga restaurants kag bars.Ang mga naga edad desi otso anyos panubo kag 65 anyos pasaka ang indi anay pwede maka gwa.Ini ang resulta sang pag sinapol sang alkalde sa medical kag business sector bangud sang pagsaka na naman sang kaso sang Covid-19 sa Bacolod.

Tatlo sa bente ka specimen sample nga gina test sa molecular laboratory sa Teresita Lopez Jalandoni Provincial Hospital ang positibo sa Covid-19.Ini sandig sa datus humalin Hunyo uno tubtob 7 sang amo nga molecular lab.668 ang Covid-19 positive sa 4,790 ka specimen nga gin test sa June 1 to 7, ukon 13.95 percent nga positivity rate.Suno kay OIC chief of hospital Dr Mary Ann Maestral mataas na ini nga positivity rate.Pero kun ipaanggid sa datus sang iban nga molecular lab, manubo ang iya sang TLJPH. Suno kay Dr Maestral ini natungod naga patigayon sang border control ang probinsya kag massive contact tracing.Ang iya sang mga molecular lab sa mga ospital ang mga gina swab mga symptomatic na nga daan.Samtang, may 160 ka bag-o nga Covid-19 cases nga na-record ang probinsya ...

Nagbalik na bukas ang talatapan sang Mayor’s Office sang banwa sang Moises Padilla subong nga adlaw.Temporaryo nga ginpasira ang talatapan sang nagligad nga semana matapos magpositibo sa Covid-19 si Mayor Ella Garcia-Yulo.Sandig sa nangin resulta sang swab test nga ginpatigayon sa pila ka mga empleyado sang lokal ngapanguluhan, gin-recommend sang Municipal Health Office ang liwat nga pagbukas sang talatapan.Wala labot sa Mayor’s Office, bukas naman ang Kalahi-CIDSS Office, Local Civil Registrar, Municipal Engineering Office, Accounting Office, Treasurer’s Office, MPDO, MSWDO, Comelec office kag Office of the Vice Mayor.