Shadow

Satellite registration sang Comelec patigayunon sa mall

Tigaylo nga magpatigayon sang satellite registration sa mga barangay, ginalantaw sang Comelec Bacolod nga magpatigayon sang satellite registration sa mall na lamang.

Paathag ni Atty Kathrina Trinio-Cana, ang Comelec officer sang bacolod, isa sa mga rekisitos sang Comelec amo nga ang barangay kun sa diin ipatigayon ang satellite registration dapat may zero active Covid-19 cases sa nagligad nga katorse ka adlaw antes sa petsa nga gintalana para sa satellite registration.

Bulan pa sang Mayo sang gina hulat sang Comelec Bacolod gikan sa Bacolod Emergency Operations Center ang amo nga certificiation para sa barangay nga may zero active Covid case pero wala sila sang may nabaton.

Nagsulat liwat ang Comelec sa Bacolod EOC para matugutan na lamang sila makapatigayon sang registration sa mall.

Suno kay Trinio-Cana, ang tinutuyo sang mga satellite registration kuntani sa kada Sabado amo nga malikawan ang malawig nga pila sa mga ulihi nga inadlaw sang registration. Sa nagliligad nga mga satelite registration sa mga barangay, nagalab-ot sa 400 ang maka pa rehistro. Sa karon padayon ang registration sa Comelec Bacolod office lunes tubtob Biernes kag sila ang maka accommodate sang mga 250 sa isa ka adlaw.

“And then wala man kita nakabaton pa sang advise from the bacolod eoc nga may ara kita barangay nga zero Covid case. If that is the case indi gid kita maka conduct satellite registration. So amo na lang na siya. Instead of registration sa barangay, ang aton ginhimo na lang is registration sa malls on Saturdays,” suno kay Trinio-Cana.

Leave a Reply

Your email address will not be published. Required fields are marked *

Secured By miniOrangeSecured By miniOrange