Balita Hiligaynon

Capitol file photoMay anum ka mga sakada nga nag-abot sa probinsya gikan sa Antique ang nagpositibo sa COVID-19.Ini suno kay Zeaphard Caelian ang Incident Commander sang Provincial Incident Management Team.May masobra sa 600 ka mga sakada ang nag-abot sa Negros Occidental para mag-trabaho sa mga kampo sang tubo.Pero, antes pa man sila gintugutan nga magtrabaho, ini sila ang ginpaidalom sa swab test kag naka quarantine.Ang mga nag negatibo naman sa virus, base sa ila nga swab test ang paga tugutan na nga mag trabaho.Ang mga nagpositibo naman ang paga dal-on sa quarantine facility sang probinsya.“Gin-quarantine na sila then gin kwa sila, then gin-isolate. Ang taga Kabankalan gin-transport na namon sa EB Magalona (healing facility). Ang isa. Lain lain na sila nga q...

BFP photoAng Administrative Office sa sulod sang City Mayor's Office sa Bacolod Government Center ang nasunog pasado alas 6 kaina sang aga suno sa Bureau of Fire Protection.Suno kay Fire Chief Inspector Publio Plotena, Bacolod City Fire Marshall, ang mga computers kag CPU sa opisina ang nasunog.May mga dokumento man nga nagkalabasa suno sa iya bangud sang pag andar sang sprinkler sang nagkalayo sa sulod sang opisina.Ginahibalo pa sang BFP kun ano ang ginhalinan sang kalayo pero posible nga electrical in nature ang rason suno kay Plotena.Ginabulubanta nagabalor 50 mil pesos ang halit sang sunog sa 20 square meter nga opisina sa BGC suno sa BFP.

La Castellana PNP photoGinabulong karon sa ospital ang 25 anyos nga si Marco Paller matapos bun-on sa dughan sang iya sini hinablos kaina sang kaagahon sa Barangay Robles sa La Castellana.Suno sa PNP, pasado alas 12 kaina sang kaagahon, nagapamilit pa si Paller nga magsulod sa balay nanday Jemryl Pacumba, 19 anyos nga iya man lang nga hinablos bangud may birthday party diri sang kagab-i.Hubog na suno sa pulis si Paller gani gina punggan siya ni Pacumba sa pagsulod.Bangud sang pag pugong sang iya hinablos, suno sa pulis gintampa sang tiyo si Pacumba kag gintiklod rason nga nagkuha ini sang gunting kag iya nabuno sa dughan si Paller.Nadakop kaina sang aga si Pacumba kag siya ang detained sa subong sa La Castellana PNP.

Pilason ang 45 anyos nga iloy kag iya 9 anyos nga anak matapos sila labuon sang 69 anyos nga lolo sa Dumaguete City sa Negros Oriental.Sa imbestigasyon sang Dumaguete PNP, nag abot alas 8 sang aga ang lolo sang Dominggo kag nag diretso sa ila kalan-an para kun tani mamahaw.Sang iya makita nga wala pa sang kalan-on, suno sa pulis, tuman ka akig ang lolo gani iya gin kuha ang binangon kag ginpanglabo ang mga biktima.Iya una nga gin labo ang iya anak nga babaye. Naigo ang duha sini ka butkon. Iya ginsunod labo sa abaga ang iya apo nga 9 anyos.Nakita ini sang isa pa ka apo nga lalaki sang suspek gani iya ginkuha ang binangon kag siya ang nagpangayo sang bulig sa ila mga kaingod.Naaresto sang kapulisan ang suspek kag siya ang detained na sa Dumaguete PNP.Gina bulong nama...

Banwa sang Hinoba-an ang COVID free na sa karon.Sa page ni Sangguniang Bayan member Jason Tembrevilla Tupas, nasaad nga sandig sa kumpirmasyon sang Rural Health Unit sang banwa ang 39 ka confirmed COVID-19 cases sini ang naka recover na.Wala man sang local transmission ang banwa.Ang sakripisyo sang mga frontliners, ang pagpatuman sang border control, pagbuylog sang komunidad, ilakip na ang maayo nga policy making kag pagpatuman sini ang gintudlo rason kun ngaa nangin madinalag-on ang banwa.

Natalana bwas nga magsapol ang MARINA, Philippine Coast Guard, Philippine Ports Authority, mga shipping kag fast craft operators kag tiglawas gikan sa lokal nga pangulohan sang Bacolod kag Iloilo.Ini agud isturyahan ang mga health protocol kag guidelines nga dapat ipatuman sa pagbalik sang commercial trips sa pwerto sang duha ka mga siudad agud mapangapinan ang ikaayong lawas sang mga pasahero kag crew.Nagpagwa na si Iloilo City Mayor Jerry Trenas sang executive order nga nagapahanugot sa pagbaton sang mga pasahero gikan sa Bacolod City.Ginpahayag man ni Bacolod City Mayor Evelio Leonardia nga naga-upod siya sa pagpanumbalik sang mga trips sa pwerto pakadto sa Iloilo kag Bacolod basta estrikto lang nga sundon ang mga health protocols.Suno sa fast craft operator nga si Frank...

Photo from HRMO -Victorias pageDuha ka adlaw nga temporaryo nga sirado ang City Hall sang Victorias para sa disinfection sandig sa Executive Order nga ginpapanaog ni Mayor Francis Frederick Palanca.Ang temporaryo nga closure sang city hall ang nagsugod kahapon kag tubtob karon nga adlaw kag nagalakip man sang mga annex building kag mga talatapan.Sini lamang may empleyado ang siudad nga nagpositibo sa COVID-19.Nasaad sa Executive Order No. 44 nga wala labot sang disinfection patigayunon man contact tracing kasubong man ang RT-PCR test sa mga empleyado sang gobyerno nga may close contact sa empleyado nga COVID-19 positive.Ginmanduan man ang tanan nga mga opisyal kag empleyado nga istriko nga mag tenir sa balay sa sini nga mga tion kag magpatuman sang work-from-home work a...

Gin-abisuhan ang tanan nga City kag Municipal Disaster Risk Reduction Management Council sa probinsya nga magpatuman sang tikang bilang pagpanghanda sa ginapaabot nga bagyo Ofel.Gina paabot naman ang advisory kun ini ang maga sulod na sa Philippine Area of Responsibility.Ang low pressure area, las 10 Martes sang aga, ang gin-estimate 230km East Northeast sang Borongan City, Eastern Samar. Ang LPA ang ginaforecast nga mag padulong sa northwestward sa Bicol-Region-Eastern Visayas Area.Ginapaabot nga ini ang mag develop sa Tropical Depression Ofel sa sulod sang 24 oras.Ang ginapaabot nga bagyo posible maga apekto sa Negros Occidental kag magadala sang manipis tubtob kasarangan nga ulan, kag kun kaisa mangin mabunok kag may pagpangilat kag panaguob.Sa ginpagwa nga memorandum ni...

Sa isa ka Executive Order, liwat nga ginpalawig ni Mayor Maria Gina Lizares ang moratorium sa tourism-related kag non-essential travel padulong sa Sipalay City tubtob Oktubre 31, 2020.Sa isa ka special meeting, ginkasugtan sang Sipalay City Tourism Council nga iga-suspend anay ang pagbaton sang mga turista gikan sagwa sang Sipalay City sa bilog nga bulan sang Oktubre.As of October 6, may duha ka mga barangay sa Sipalay City ang may mga kaso sang local transmission rason nga nagapati ang local IATF nga ang pagbukas sang siudad sa mga turista kasubong man non-essential travel ang maga padugang lamang sa kadamuon sang COVID-19 cases sa lugar.

File photoGinpahayag ni Bacolod Mayor Evelio Leonardia nga sa 1,665 ka mga market vendors sa siudad nga ginpaidalum sa surveillance testing sang nagligad nga weekend, 25 lamang sa ila ang nagpositibo sa virus.Suno sa alkalde, karon nga nahibaluan na sang Bacolod Emergency Operations Center nga kadama-an sa mga vendors sa tatlo ka mga dalagko nga merkado sa siudad ang negatibo sa virus, mas mapabaskug pa gid ang pagpatuman sang minimum health protocols sa mga merkado agud masiguro nga mapangapinan sila kag ang mga bumalakal sa virus.Ang mga vendor nga wala nagpasakop sa mandatory surveillance testing ang wala ginhatagan sang permission ticket ukon market pass para makasulod kag makabaligya sa ila tagsa ka mga stall sa merkado.