Balita Hiligaynon

Nagakay-o sang motorsiklo ang 54-anyos nga livestock buyer sang siya ang ginpalapitan sang duha ka mga lalaki kag gintiro sa Sitio Makilo, Barangay Camansi sa Kabankalan City.Nakaangkon sang igo sang bala ang biktima nga si alyas “Alberto” sa iya ulo kag likod. Ang obra sang biktima amo ang pagpamakal sang kasapatan kag isa man siya ka mekaniko.Duha ka mga fired cartridges sang .45 caliber pistol ang narekober sa crime scene.Antes sang insidente, nakabaton na ang biktima sang pagpamahog, suno sa iya bata.Suno kay Police Lt. Col. Roberto Indiape Jr., hepe sang Kabankalan PNP, napatay sa engkwentro ang gin-alegar rebelde nga magulang sang biktima sa Barangay Camansi, sadtong 2022.Samtang, gin-ako sang New People’s Army ang pagpatay kay alyas “Alberto” nga suno sa ila,...

Tuman pa kalayo sang 2028, gani wala pa sa karon na-istoryahan ang pulitika.Ini suno kay Cadiz City Mayor Salvador Escalante, Jr., bilang reaksyon nga isa ang iya nga ngalan sa gina float mangin gubernatorial bet sa 2028.Para kay Escalante, sa United Negros Alliance wala pa ini matalakay. Sa personal nga bahin, indi pa man siya kapat-od kun ano ang mangin sitwasyon sa 2028.64 anyos siya sa amo nga tion nga mahimo man mag retire na.Pero, indi man siya lubos nga makasiling nga maga retiro na siya. Ginahatagan niya man sang konsiderasyon ang partido.*

Pag pamuno sang Regional Task Force Kanlaon sa karon ang ginsaylo na sa pamuno sang Office of the Civil Defense Negros Island Region.Kay na establish na ang OCD NIR, tigayon na nga ginsaylo sa idalom sang liderato sini ang pag pamuno sang Regional TF Kanlaon gikan sa OCD Western Visayas.Angut sa amo nga transition, ang Regional Disaster Risk Reduction and Management Council VI kag VII ang nag downgrade na sa White Alert ukon Normal Alert gikan sa Blue Alert.Nagakasayuran karon nga ang naga panguna nga katungdanan angut sa coordination, monitoring, kag response operation angut sa bulkan Kanlaon ang yara na sa OCD - NIR sa idalom ni Regional Director, Donato Sermeno, III.Suno kay Sermeno ang RDRRMC NIR ang naga pabilin sa red alert status. Wala sang pag bag-o sa alert lev...

May tubig sa gihapon bisan brownout ang tuyo sang gina duso nga ordinansa sa Bacolod.Sa tuyo nga indi madula ang supply sang tubig kun mag brownout, isa ka public hearing ang ginpatigayon sang Sangguniang Panlungsod kahapon angut sa proposed ordinance nga maga-require sa water distributors sa Bacolod parehos sang BACIWA-PrimeWater nga magbutang sang generator set sa tanan nila nga deepwells kag pumping stations.Suno kay Councilor Caesar Distrito, kun maaprubahan ang proposed ordinance, sa sulod sang sisenta ka adlaw dapat magbutang ang water distributor sang gen set sa ila deepwells kag pumping stations nga dapat mangin operational sa sulod sang anum ka bulan.https://youtu.be/-hUqJRKxpQsMay multa nga P5,000 sa kada adlaw ang water distributor kun indi ini matuman.Sa k...

Nag gwa man ang balita nga nabaligya na sang pamilya Villar ang PrimeWater, Cadiz City Mayor Salvador Escalante, Jr. ang nagalaum nga matigayon ini, kay indi nangin maayo ang serbisyo sini.May yara sang joint venture agreement ukon JVA sa tunga sang PrimeWater kag sang Cadiz City Water District nga naporma mga pito ka tuig ang nagligad.Sadto nga tion suno kay Escalante mga 8,000 pa lamang ang konsumedor. 70-30 ang JVA pabor sa PrimeWater.Karon 14,000 na ang konsumedor. Suno kay Escalante, sang mga 9,000 pa lamang ang consumers maayo ang nangin serbisyo.Ugaling sang nagtaas na ang demand, indi na maka cope ang PrimeWater, rason nga nag paandam sadto si Escalante nga dala sang sitwasyon basi magdeklarar siya sang state of calamity.Gani nag expand ang PrimeWater sang i...

Bacolod LGU nagaplano makigsugilanon sa bag-o nga tag-iya sang PrimeWater para sa pagpaayo sang ila serbisyo sa siudad.Sa interview sang media kaina sang aga kay Bacolod City Mayor Greg Gasataya iya ginsiling nga ang pinaka importante karon amo kun paano mas mapaayo ang serbisyo sang PrimeWater sa mga konsumedor.Kun tigayon naman gid ma finalize ang gin-report nga pagbaligya sang pamilya Villar sang PrimeWater kag ang nagapabilin nga kasugtanan sa Bacolod City Water District, luyag sang alcalde nga maka pungko upod sa bag-o nga management.Klaro niya ang siudad indi man party sa tunga sang JVA sang BACIWA kag sang PrimeWater.https://youtu.be/tGUU7lRAT5QKun may yara sang kapaslawan sa bahin sang compliance sang PrimeWater sa ila nga kasugtanan sa BACIWA kuntani lookout ...

Sa video nga kuha ni Rhean Gonzaga, makita ang isa ka lalaki nga may bitbit nga botelya samtang gina punggan sang tatlo ka person sa Barangay Ma-ao sa Bago City.Nahibaluan nga sa amo nga tion, gina saulog sang barangay ang ila kapistahan, rason nga madamo sang tawo sa lugar.Gilayon nga nagresponde ang mga kapulisan kag barangay tanod agud mapunggan ang kinagamo.Isa ke menor de edad ang gin-report nga nag angkon sang minor injury bangud sang insidente.*

Pilason ang isa ka lalaki matapos gina-alegar nakuryente samtang naga install sang signage sa ibabaw sang building sa 13th Lacson Street sa Bacolod, pasado las-11 sang aga kaina.Suno sa gwardiya sang building, upod sang biktima ang duha ka iban pa nga naga-install sang signage, sang hinali lang sila nakabati sang lupok kag nadulaan na sang kuryente ang buidling.Gilayon nagpatigayon sang rescue operation ang Bureau of Fire Protection-Bacolod, Chamber Fire Volunteer Brigade, Amity Fire Volunteer Fire Brigade, kag Bacolod City Disaster Risk Reduction Management Office agud makuha ang biktima sa ibabaw sang building.Sa inisyal nga impormasyon, nakaagom sang paso sa lawas ang biktima nga gilayon gindala sa ospital.*

P100 million nga Center for Emerging and Re-emerging Infectious Diseases ukon CEMREID sa Teresita Lopez Jaladoni Provincial Hospital sa Silay City ang gin-inagurahan sini lamang.Ang amo nga facility na-develop upod sa collaboration sang Provincial Government of Negros Occidental, Department of Health, kag World Bank.Gintukod ini para masabat ang infrastructural gaps nga nakit-an sang COVID-19 pandemic.Ang facility ang may yara sang emergency room, operating room, delivery room, kag Intensive Care Unit (ICU).Ini ang na disensyo sa pag pasiguro sang efficient kag safe patient management.Ang ground floor may yara sang Infectious Emergency Room nga may duha ka ambulance drop-off points.Nagagamit ini sang pinaka una nga Variable Refrigerant Flow (VRF) negative pressu...

Gin kasugtanan sang Bacolod Housing Authority, City Legal Office kag 20 ka mga tag-iya sang balay nga apektado sang proyekto nga ipaiway anay ang demolition.Sa ginpatigayon nga pre-demolition conference nga ginpangunahan sang BHA, ginpahayag ni City Legal Officer Karol Joseph Chiu ang pagpaiway sang demolisyon sang mga balay sa Purok Balinday, Barangay 2.Suno kay BHA Head Ma. Victoria Parrenas, ginpaisol ang demolisyon sa Enero agud matagaan sang kahigayunan ang mga residente nga makasaulog sang Paskwa sa ila balay.Nagsugot man ang mga pumuluyo nga boluntaryo nga i-demolish ang ila mga balay nga nagasablag sa ilig sang tubig sang Mambuloc Creek.Kabahin ini sang tikang sang Bacolod City Government sa clearing operation sa sapa kag iban pa nga waterways agud mapahagan-hag...