Balita Hiligaynon

Suno kay Mayor Greg Gasataya, nagnubo na ang kadamuon sang mga online workers nga nagakadto sa Bacolod City Government Center agud mag-avail sang co-working space facility, rason nga indi na kinahanglan i-extend pa ini.Nobyembre 12 ginbuksan ang BCGC lobby bilang co-working space para sa mga online workers nga apektado sang problema sa internet connection kag power supply kasunod sang paglaslas ni Bagyo Tino.Bukas ang BCGC co-working space las 7 sang gab-i tubtob las 6:30 sang aga, kag maka-accomodate sang 40 ka voice workers kag 60 ka non-voice workers.Nagaserbe man ang BCGC lobby bilang extension sang co-working space sang siudad sa Ayala Capitol Central, nga nagasirado las 6:30 sang gab-i.*

Ginpa-amend ni Councilor Jason Villarosa ang schedule sang tuigan nga Festival of Lights matapos nga may gina atubang pa nga mga problema ang siudad sa pagplano kag preparasyon para diri.Ang Festival of Lights ginapatigayon kada una nga Sabado sang bulan sang Disyembre, apang subong, gin-propose nga idugon ini sa Disyembre 13, agud masiguro nga may nagakaigo nga preparasyon.Suno kay Councilor Villarosa, maga-hatag ang siudad sang subsidy nga kapin P1 milyon sa idalom sang ordinansa para sa pagpatigayon sang festival, lakip na ang mga dekorasyon, pasilidad, kag iban pa nga kinahanglanon.*

Naga-panglaba ang 57-anyos nga babaye sa pangpang sang suba sa Purok Paghimakas, Barangay Damsite sa banwa sang Murcia, Negros Occidental, sang siya ang gin-alegar nadanlog kag nahulog sa suba, kahapon sang hapon.Bangud sang mabaskog nga bulyada sang tubig sa suba, naanod ang biktima.Ang labador nga may mga nilabhan kag tsinelas na lamang sang biktima ang nabilin sa lugar kun diin ini ang ulihi nga nakit-an nga nagapanglaba.Nakit-an ang lawas sang babaye sa taytay sang Purok Villarosa nga sakop man sang Brgy. Damsite.Gindala sang personnel ka Murcia Municipal Disaster Risk Reduction and Management Office ang biktima sa health center sang banwa apang ini ang gindeklarar nga dead on arrival.Nag-request ang Murcia PNP sang post-mortem examination sa bangkay sang biktim...

Gindakup sang katapo sang Police Station 9 upod ang security guard sang subdivision ang isa ka anay pulis nga dismissed na sa serbisyo matapos gin-alegar nangawat sang motorsiklo sa DECA Homes, Barangay Cabug, Bacolod City, sang Miyerkules.Ang 46-anyos nga anay pulis ang nagkuha sang Suzuki Raider FU nga motorsiklo sang 19-anyos nga biktima.Naga park ang motorsiklo sang teenager sa atubang sang ila balay sa Brgy. Cabug sang ini ang ginkawat sang ex-police.Narekober sa dismissed nga pulis ang motor kag positibo nga ginkilala sang complainant ang iya nga motor.Detained karon ang suspek sa custodial facility sang Station 9 kag kaso nga pagsupak sa Republic Act 10883 ukon ang The New Anti-Carnapping Act of 2016 ang ipasaka batuk sa anay pulis, nga sadto anay may kaso man sa...

Dead on arrival sa Rural Health Unit ang 72-anyos nga babaye matapos siya ang mabungguan sang EMS ambulance nga iya sang Barangay San Teodoro Binalbagan sa Hacienda Najalinan, Barangay Robles sa banwa sang La Castellana, Negros Occidental, kahapon.Pareho nga padulong La Castellana proper ang ambulansya nga ginamaneho ni alyas “Ryan”, 47-anyos, taga Binalbagan, kag ang tricycle nga ginasakyan sang biktima nga si alyas “Maria,” residente sang Hacienda Malaga sa Brgy.Robles.Nag-gwa sa imbestigasyon sang La Castellana PNP nga nagsakay sa tricycle halin sa Buena Park ang biktima kag sang yara na sa Hacienda Najalinan, nasugata niya ang iya bata nga naka-motor.Ginpapundo sang babaye ang driver sang tricycle, ginpaypay sini ang iya bata, antes nanaug kag gulpi nagtabok sa dalan, r...

Suno kay City Agriculturist Maricar Quiro, padayon pa ang pagtipon sang detalye halin sa mga barangay nga apektado. Pero, base sa inisyal nga report, ang mga lugar nga may apektado nga mga fisherfolks naghalin sa Brgy. Singcang-Airport, Banago, Brgy. 1, Punta Taytay, Sum-ag, Villamonte, kag Pahanocoy.Ginpahayag ni Quiro nga sa ila validation process, ginabuligan sila sang Bantay Dagat kag mga barangay sa pag-verify sang mga apektado nga mangingisda. Padayon man ang ila koordinasyon sa mga asosasyon.Samtang wala pa sang kumpirmado nga assistance nga mahatag sa subong, ginapreparar na sang City Agriculture Office ang masterlist sang mga apektado agud isumite sa City Government, Office of the Congressman, kag Bureau of Fisheries and Aquatic Resources.*

Sa banwa sang Moises Padilla may 362 ka mga pamilya nga nadulaan sang balay bangud sang Bagyo Tino ang indi na makabalik sa ila mga lugar bangud sakop sila sang no-build zone.Libre nga evacuation naman ang ginatanyag sang banwa sa ila.Sang Miyerkules nagsapol mismo si Mayor Ella Garcia - Yulo sa mga apektado nga pamilya upod ang mga barangay officials.Ginpaathag sa ila nga gindeklarar sang national government nga no build zone ang ila nga mga lugar bangud sang peligro nga dala sang amo nga location.May isa ka ektariya nga relocation site sa Barangay Inolingan nga iga donate sang tiyo sang alkalde nga si Eric Golez. Yara na sa mga natungdan kun gusto nila magsaylo diri.https://www.youtube.com/watch?v=AOpamKt6TloSuno kay Garcia-Yulo ang P10 million nga ginhatag gikan sa...

Matapos mabiktima sang serye sang bomb threats ang 21 ka mga eskwelahan sa isla sang Panay nga nag resulta sa class suspension may duha naman ka eskwelahan sa southern Negros nga biktima man sang bomb threat.Sa report sang Police Regional Office Negros Island Region biktima sang bomb threats ang Western Visayas State University Himamaylan Campus.Miyerkules sang udto sang makabaton sang mensahe ang eskwelahan nga naga siling nga may bomba sa eskwelahan kag ang ginatumod nga rason amo ang unfair nga pag trato sang faculty sa mga estudyante.Base sa PNP report, tigayon nga nakilala ang tag-iya sang account nga nagpadala sang pamahog kag iya ginsiing nga na hack ang iya account.https://www.youtube.com/watch?v=i3UDyrH9284Kagab-i sang makabaton sang bomb threat and Central P...

Tigayon naman gid nga nag-resume ang face to face classes sa mga banwa kag siudad nga labing na igo sang bagyo Tino.Pero may yara pa gid sang pila ka mga eskwelahan nga indi pa sa gihapon ma pat-od kun san-o maka balik ang face to face classes bangud sa kadaku nga kahalitan.Ang Don Benito Lopez Elementary School sa Tinongan, Isabela, sang Lunes base sa post sang eskwelahan, masobra sa 50 ka mga estudyante gikan sa 150 nila ka mga learners ang nag balik eskwela.Apesar sang kahalitan nga natuga sang bagyo Tino sa eskwelahan, natigayon ang liwat nga pagklase.Sa mga litrato, makit-an ang pag patigayon sang flag raising ceremony nga makit-an pa ang nagkalaguba nga infrastructure tuga sang bagyo.Ang pamuno sang eskwelahan mismo ang naghangkat sa komunidad nga mag hugpong kag ...

Sa iya ika 55 nga kaadlawan, gin siling ni Mayor Greg Gasataya nga wish niya ang madasig nga pagbalik sang kuryente, internet connection, kag 24/7 nga suplay sang tubig sa tanan nga panimalay sa Bacolod, kag ang padayon nga maayong lawas para sa tanan.Ginpahayag man ni Gasataya nga nag request na sa iya opisina ang PLDT agud maka-assign sang tawo sa Bacolod City Government Center para mag-accomodate sang tanan nga reklamo kag concerns may kaangtanan sa ila serbisyo.Dugang pa sang alkalde, bukas ang BCGC Lobby para sa tanan nga telco providers nga luyag magtukod sang ila help desk agud mas mapadasig ang komunikasyon kag pag-asikaso sa reklamo sang konsumedor.Suno sa alkalde, handa ang syudad nga maghatag sang lugar sa BCGC nga magaserbe bilang lugar para sa direkta nga pag a...