Balita Hiligaynon

Narekober sang kapulisan ang pila ka reams sang gin-alegar smuggled nga sigarilyo sa higad sang dalan sa Hacienda Casal-agan Dako, Barangay DSB sa banwa sang Pontevedra, Negros Occidental.Ginbilin sang wala pa makilal-an nga mga persona sa higad sang dalan ang mga reams sang sigarilyo nga nakasulod sa puti nga plastic.Lunes sang gab-i, nakabaton sang impormasyon ang Pontevedra PNP halin sa confidential agent nga may gin-abandona nga mga smuggled cigarettes sa nasambit nga lugar.Pila sa mga recoveries amo ang apat ka dalagko nga plastic sacks, ang kada isa may unod nga 40 ka reams sang sigarilyo kag isa ka master case sang isa pa ka klase sang sigarilyo nga wala sang dokumento.Ginabulubanta P100,000 ang presyo sang narekober nga mga sigarilyo.*

Mga katapo sang Association of Chief Executives ang ginapangayuan ni Governor Eugenio Jose Lacson sang ila nga position angut sa gina patuman karon nga One Hospital Command sa tunga sang mga reklamo nga gina padangat.Suno kay Cadiz City Mayor Salvador Escalante, Jr ang presidente sang ACE ini ang ginhinyo sang gobernador sa mga alkalde sang ginpatigayon ang Christmas Party sang grupo sini lamang.Ang One Hospital Command ang isa ka centralized system naga naga gamit sang referral system sa tuyo nga ma optimize ang healthcare delivery.Ginsiling ni Escalante nga may maayo man nga madulot ang One Hospital Command. Pero, may yara sang mga delay nga nasugata nga nagresulta sa pagtaliwan sang pasyente.Kinahanglan nga ma fine-tune ini.Paathag ni Provincial Administrator Ray...

Mga job order workers kag contract of service employees ang maga baton sang P7,000 nga gratuity pay.Ginsiling ni Provincial Administrator Rayfrando Diaz sa interview sang media nga sang Martes tigayon na aprobahan sang Sangguniang Panlalawigan ang P20 million para sa gratuity pay sang mga COS kag JO workers.Na aprobahan man ang P60 million para sa Service Recognition Incentive sang mga permanent kag casual employees nga igahatag sa tag P20,000.Suno kay Diaz gina process na ang releasing sang gratutity pay kasubong man sang SRI.Tigayon nga na release ang mga benepisyo sang mga empleyado nga wala sang delay suno sa iya.Kag sa masunod nga tuig gina lauman ang maayo nga performance nga nagatuyo sang dugang nga achievement nga maga balik man bilang benepisyo sang mga emp...

Ginpaathag sang Bacolod DSSD, nga wala sang may ginpangkakas nga ngalan gikan sa masterlist, sa pihak sang mga reklamo sang pila ka mga residente nga naapektuhan sang Bagyo Tino nga wala sila nalakip sa listahan sang mga makabaton sang ayuda.Suno kay Richelle Verdeprado-Mangga, head sang DSSD Bacolod, may mga kaso nga ang ngalan sang mga nahalitan sang bagyo ang yara sa masterlist, apang wala ini malakip sa payroll sang DSWD bangud sang pila ka mga rason.Suno kay Mangga, ang DSWD national amo ang nagapatigayon sang cross-matching sang mga record, kag may mga benepisyaryo nga gina-tag bangud sang duplication, pareho nga family name, sala nga detalye, sala nga format sang birthday, ukon gina-tag bilang “for compliance.”Bangud sini, ginapatigayon liwat ang verification sa bara...

Nagpanindugan si Atty. Sonya Verdeflor, chairperson sang Bacolod City Water District Board, nga wala siya nagtuga sang alarma sa publiko kasunod sang paglapta sang impormasyon nga posible nga mag-untat ang water supply sa Bacolod kon indi makabayad ang PrimeWater sa Bacolod Bulk Water, Inc. ukon BBWI.Sa pag-atubang sa Sangguniang Panlungsod session, ginpahayag ni Verdeflor nga ila ginpili nga mas maayo kun mapahibalo ang publiko sang water situation sa siudad.Sang Disyembre 12, nahibaluan nila sa emergency board meeting nga may ₱11 milyon nga utang ang PrimeWater halin Setyembre tubtob Nobyembre sa BBWI.Dugang pa niya, plano sang BBWI nga untaton ang pag supply sang tubig, apang ginpaathag sang BACIWA nga indi ini paghimuon nga wala sang abiso sa publiko, gani na-extend ang...

Ginbaligya na sang Villar Group ang 100% sang Primewater Infastructure Corporation sa Crystal Bridges Holding Corporation sang Lucio Co Group, ang tag iya man sang Pure Gold kag S&R.Ini ang gin anunsyo sang Villar Group sang kahapon.Sa Negros Occidental magluwas sa Bacolod City, may joint venture agreement ang PrimeWater sa mga water districts sa Bago, Cadiz kag Himamaylan City.Ang pila ka mga opsiyales sang sini nga mga LGU ang nangin vocal sa nangin problema sa idalom sang PrimeWater, kalabanan sa reklamo amo nga wala nag abot ang ginpasalig nga pagpaayo sang serbisyo.Si Bacolod City Mayor Greg Gasataya damlag pa nagsiling na nga luyag niya makig sugilanon sa bag-o nga naga panag-iya sang PrimeWater para masolbar ang problema sa tubig sa Bacolod.Para naman sa ...

Ginpatigayon sa Bacolod City ang simultaneous oath-taking, donning kag pinning of ranks sa 323 ka mga na-promote nga police personnel sang Negros Island Region.Nalakip sa na-promote amo ang isa ka Police Lieutenant Colonel, 19 ka Police Captains, apat ka Police Lieutenants, tatlo ka Police Executive Master Sergeants, 46 ka Police Chief Master Sergeants, 10 ka Police Senior Master Sergeants, 58 ka Police Master Sergeants, 65 ka Police Staff Sergeants kag 117 ka Police Corporals.Sa pihak nga bahin, gin-abi-abi sang Police Regional Office-Negros Island ang 244 ka mga bag-ong recruit nga patrolmen and women.Sila ang kabahin sang Calendar Year 2025 Attrition Recruitment Program sang Philippine National Police para sa NIR.Samtang, ginturn-over sang PRO-NIR ang pila ka mga sal...

Nakabaton sang bronze medal si Bernalyn Bejoy, isa ka atleta nga taga Bacolod, sa Women’s 800m run sang 33rd Southeast Asian Games 2025 nga ginhiwat sa Bangkok, Thailand.Sa kompetisyon, nagtindog si Bejoy sa podium upod kay Naomi Cesar, isa man ka Filipina nga nakakuha sang gold medal.Si Bejoy naghalin sa Romanito P. Maravilla Sr. National High School sa Barangay Estefania, Bacolod, kun sa diin nagsugod sa paghanas sang iya abilid sa track and field antes siya nakalab-ot sa national level.Gin kalipay man ni Bacolod City Mayor Greg Gasataya nga ang iya kadalag-an nagahatag sang dungog indi lamang sa syudad sang Bacolod kundi sa Pilipinas.Dugang pa ni Gasataya nga isa lamang ini sa mga rason nga dapat paayuhon pa ang sports program sang siudad.*

Maganubo sang 19 sentimos sa kada kilowatt hour ang balayran sa kuryente para sa bulan sang Disyembre.Buot silingon, halin sa P12.23 kada kWh mangin P12.04 kada kWh na lang ini.Ini ang gin anunsyo sang Negros Power sang kahapon.Suno sa utility firm, ang price adjustment bangud sang pagnubo man sa presyo sang Wholesale Electricity Spot Market ukon WESM.Kag bangud man ini sa nagnubo nga demand sang kuryente tungod sa pila ka bagyo nga nag labay sa dako nga porsyon sang Visayas nga nagresulta sa pagnubo sang 43 sentimos kada kWh sa overall generation charges.Dugang pa sang Negros Power nga may pagtaas sa Ancillary Service Charges pero wala ini naka apekto sa overall impact sa balayran sang mga konsumedor.*

Nagpatigayon sang random drug testing kahapon para sa 232 ka mga regular, job order kag contractual personnel sang banwa ka Pontevedra.Gintipon ang mga empleyado sang gobyerno sa gym sang banwa kag ginpa-submit sang ila urine sample agud nga i-test kun nagagamit sila sang iligal nga droga.Base sa resulta, 100 porsyento sang mga gin-drug test, ang nag-negatibo sa pag-usar sang ginadumilian nga droga.Kabahin ang random drug testing sa pagpabilin sang drug-free workplace sa banwa.Nagbulig ang katapo sang Philippine Drug Enforcement Agency-Negros Occidental Provincial Office sa pagpatigayon sang nasambit nga drug testing.*