Balita Hiligaynon

Wala na sang kabuhi ang isa ka lalaki nga manugpataya sang Small Town Lottery sang masapwan sa kalog sa Purok Mahidaeton, Barangay Paraiso sa Sagay City, Domingo sang aga.Ginkilala ang biktima kay alyas “Otay”, 68-anyos, residente sang nasambit nga barangay.Wala sang may nakita nga pilas ang mga kapulisan kag wala nasira ang zipper sang delargo ka biktima sang siya ang masapwan.Ulihi nga nakit-an ang biktima nga yara sa impluwensya sang makahulubog nga ilimnon kag nagahigda sa waiting shed.Nag-gwa sa imbestigasyon sang Sagay PNP nga wala sang foul play ukon sign of struggle sa lawas sang biktima.*

Isa ka High Value Individual nga ginkilala kay alyas “Paul”, 37-anyos, ang gindakup sang katapo sang Police Station 8 kag City Drug Enforcement Unit.Nakuha kay alyas “Paul” ang 15 ka pakete sang ginasuspetsuhan shabu.Ginpadala sa Provincial Crime Laboratory ang narekober nga iligal nga droga.Ang suspek, yara sa listahan sang Barangay Anti-Drug Abuse Council.Detained karon si alyas “Paul” sa custodial facility sang Station 8 kag kaso nga pagsupak sa Republic Act 9165 ukon Comprehensive Dangerous Drugs Act of 2002 ang ipasaka batuk sa iya.*

Nagakatulog ang 14-anyos nga lalaki sang siya ang ginkulata kag ginbuno sang iya man lang kaugalingon nga tiyo sa ila balay sa Laurel Street, Don Juan Subdivision sa Barangay 2, San Carlos City sang Domingo.Matapos nga patyon ang iya hinablos, ang suspek nga ginkilala kay alyas “Ray”, 34-anyos, ang nagtutod man sang iya kaugalingon sa sulod sang ila balay.Nasunog ang suspek, pati ang ila puluy-an.Na-abtan sang kapulisan ang biktima nga duguon kag madamo sang buno sa lawas.Samtang, nasapwan sang mga fire fighters ang sunog nga lawas sang suspek, nga nagakulob sa sulod sang balay.Gindala ang bangkay sang magtiyo sa St. Peter Funeral Homes sa Brgy. 2, San Carlos City kag pareho nga igapaidalum sa post-mortem examination ang biktima kag ang suspek.*

Sa report sang Negros Oriental PNP, 8 ang patay kag 4 ang pilason sang nawad-an sang preno ang isa ka Suzuki 4x4 Easy Ride pasado las nuebe Sabado sang aga sa may Sitio Tumampon, Barangay Tiguib, Ayungon, Negros Oriental.Iban sa mga napatay mga senior citizens pa.Base man sa report sang PNP, nakaluwas ang driver nga naka panugid sa ila nga yara sila sa dulhugon nga parte sang dalan sang mawad-an sang preno ang salakyan gani nag rekta ini kag nagbaliskad sa batuhon nga bakante nga lote.https://www.youtube.com/watch?v=TPKvGg84V6oSa drone shots ni Vinzdrone, makita nga yara lang sa higad sang highway ang natup-an sang salakyan pero madamo sang dalagko nga bato.Mapapatyo kuntani ang mga biktima para sa isa ka service para sa death anniversary sang ila minatay.Ginabulo...

Tigayon na nga naka decamp ang mga pumuluyo nga apektado sang Bagyo Tino sa Moises Padilla.Suno kay Office of the Civil Defense Regional Director, Donato Sermeno, III, wala na sang may nabilin pa sa mga evacuation center.Sa interview sang media sang Domingo kay Moises Padilla Mayor, Ella Garcia-Yulo, may yara sang 362 ka mga pamilya ang nawad-an sang balay. Ang iban sa ila suno sa iya ang nakakita na sang lote nga ma sayluhan.Gina amat-amatan man sila buligan sang LGU kaangay sang pag hatag sang sin para sa ila nga mga atop. May iban man nga naga hatag sa ila.Ang relocation site sa Inolignan nga gin-donate gikan sa estate ni Cecilia Montilla Garcia-Golez ang iga process pa lakip na ang pag subdivide.Ang maayo nga balita suno sa iya kay sa iya nga pag-istorya kay Eri...

PrimeWater ang nabaligya na sang Pamilya Villar.Ini ang ginpahayag ni Bacolod Representative Albee Benitez sa interview sang DYHB RMN sa programa nga Straight to the Point, Lunes sang aga.Sa interview ginsiling ni Benitez nga iya na lamang i-announce agudto mahibaluan na man lang gid sang pumuluyo nga nabaligya na sang mga Villar kag may maga sulod na nga bag-o nga tag-iya.Madamo sang interesado damlag pa nga mag takeover sa PrimeWater, pero suno kay Benitez sang Hwebes ukon Biyernes lamang na conclude ang amo nga tikang.May duha ka issue ang PrimeWater suno kay Benitez.Una ang supply sang tubig yara lamang sadto sa 60 tubtob 70 million liters a day.Ang target yara sa 100 MLD ukon sobra diri. Karon yara na sa 100 MLD gani na solusyonan na ini. Ika duha ang systema m...

Sa advisory nga ginpagwa sang Bureau of Fisheries and Aquatic Resources ukon BFAR sang Miyerklues ginsiling sang ahensya nga may ban sa gihapon sa pagpanguha kag pagkaon sang shellfish sa North Bais Bay sa Negros Oriental bangud ang latest nga laboratory results nagapakita nga may yara pa sang Paralytic Shellfish Poison ukon PSP sa area.Suno sa BFAR Region VII ang tanan nga shellfish kag Acetes species ukon kilala nga alamang nga halin sa North Bais Bay ang indi pa safe kan-on.Ang Shellfish samples nga nakuha sa amo nga bay ang positive sa PSP.Magluwas diri wala naman sang may nakita pa nga iban nga problema ang BFAR.Magapabilin ang shellfish ban tubtob ang toxin levels ang manaog na.Bulan sang Oktubre sang nagkadto sa Bais Bay nga parte sang Bais City kag Manjuyod ...

Ginpangunahan ni Bacolod City Mayor Greg Gasataya ang ceremonial turnover sang financial assistance sa pito ka non government organization nga aktibo sa paghatag serbisyo sa kabataan, kababainhan kag komunidad.Ang mga organisasyon nga nakabaton sang bulig amo ang Kalipay Negrense Foundation, Bacolod Girls’ Home Foundation, Negros Occidental Rehabilitation Foundation, Inc. (NORFI), Holy Family Home Bacolod, Saint Vincent’s Home, Holy Infant Nursery Foundation, kag Fray Luis Amigo Health Center.Ang pondo ang para sa operational needs kag pag pa bakod sang mga programa sang kada organisasyon.*

Ginhatagan sang posthumous Philippine National Police Heroism Medal ukon Medalya ng Kadakilaan si Police Senior Master Sgt. Rommel Aguilar, nga ginpatay sang katapo sang New People’s Army sa banwa sang Calatrava, sadtong Disyembre 7.Ang Medalya ng Kadakilaan amo ang pinakamataas nga award nga sarang mahatag sang police regional director sa isa ka pulis.Si Police Brigadier General Arnold Thomas Ibay, pamuno sang Police Regional Office-Negros Island Region ang naghatag sang medalya sa iya pagbisita sa haya ni Aguilar sa iya puluy-an sa Toboso sang Miyerkules.Ginkilala sang PRO-NIR ang pag-serbisyo, kaisog kag debosyon sa duty sang 45-anyos nga si Aguilar.Naghatag man sang bulig pinansyal si Ibay sa nalisdan nga pamilya ni Aguilar.Nasapwan nga patay si Aguilar sa Baran...

Nakakumpiskar ang mga operatiba sang City Drug Enforcement Unit sang P714,000 nga balor sang iligal nga droga sa ginpatigayon nga buy-bust sa Purok Lampirong, Barangay 2 sa Bacolod City, kagab-i.Sa nasambit nga operation, nadakpan ang subject nga si alyas “Inday”, 52-anyos.Nakuha sa iya ang 10 ka pakete sang ginasuspetsuhan shabu, P1,000 nga marked money, kag pila pa ka non-drug items.Suno sa pulis, si alyas “Inday” ang wala sa listahan sang Barangay Anti-Drug Abuse Council apang makabig siya nga High Value Individual bangud sa bulto sang droga nga narekober sa iya.*