Balita Hiligaynon

Kanselado ang biyahe sang mga fastcraft kag roro sa Negros Occidental kasunod sang pagpaidalom sa probinsya sa Tropical Cyclone Wind Signal number 1.Bangud sang suspension sang trips, may kapin sa 300 ka mga pasahero ang stranded sa puerto suno sa Philippine Coast Guard as of 11am kaina.May 169 ka mga rolling cargoes kag 16 ka mga vessel ang na stranded.Samtang ang probinsya napaidalom sa wind signal number one magapabilin nga suspended ang trips sang mga barko.*

Isa ka 22-anyos nga iloy ang nagbata samtang sakay sa tricycle sa atubang sang Bacolod City Fire Station sa San Juan Street, Bacolod City mga pasado las 10:00 sang aga sang Sabado.Baby girl ang ginbun-ag sang iloy, nga taga Barangay Singcang-Airport sa Bacolod.Nagpadulong ang babaye sa Brgy. Bata Biyernes sang gab-i kag sang aga, magapadulong na kuntani sa Corazon Locsin Montelibano Memorial Regional Hospital.Nagsakay siya sa tricycle kag sang yara na sila sa Brgy. Banago, nagka-problema ang tricycle kag indi na mag-andar.Gintulod na lamang ang tricycle padulong sa ospital apang wala makahingagaw tungod nag-labor ang babaye sa atubang sang fire station, kun diin sila nangayo sang bulig.Matapos ginbun-ag ang lapsag, gindala sang BFP ambulance ang iloy kag iya newborn...

Gindala sa Bacolod Adventist Medical Center ang isa ka pulis matapos madalasa sang pickup van samtang siya ang nagadumala sang lakat sang trapiko sa Alijis Road, sakup sang Barangay Singcang-Airport sa Bacolod City, sadtong Sabado sang gab-i.Antes sa pagkabunggo sa pulis, may nagluntad nga vehicular incident kun diin imbulbado ang isa ka tricycle.Nagbulig sa pagdumala sang traffic flow sang pulis nga si alyas “Mark” nga isa ka Corporal kag residente sang Pontevedra, Negros Occidental.Apang siya ang nadalasa sang pickup nga ginamaneho ni alyas “Gioliven”.Naggwa sa imbestigasyon nga wala makita sang driver sang pickup ang pulis bangud dulom kag naga-ulan sadto nga tion.Sa pagpang-usisa sang traffic investigator, nahibaluan nga expired ang driver’s license sang pickup ...

Aresadto ang isa ka ginkilala kay alias Michael, 33 anyos sa ginpatigayon nga buy-bust operation sa Purok Bougainvillea sa Barangay Candau-ay sa Dumaguete City sang Domingo nga adlaw.Nakuha sa iya ang masobra sa 300 grams sang suspected shabu nga may standard drug price nga P2.2M.Ginpangunahan sang Dumaguete City Police Station ang operation matapos makabaton sang tip halin sa isa ka confidential agent nga ang suspek ang nagapakigbahin sa transaksyon sa iligal nga droga.Ginkasuhan ang subject sang operation sang paghupot kag pagbaligya sang iligal nga droga.*

Pilason ang siyam sa 12 ka mga hacienda workers nga sakay sang canter truck matapos ini natumba sa kanal sa Barangay Matab-ang sa Talisay City, Biyernes sang gab-i.Ginsiling ni Police Lt. Ramon Juablar, deputy chief for operations sang Talisay PNP, naka-gwa na ang iban nga mga pilason sa ospital, samtang gin-release naman ang driver matapos ginkasugtan nga ang ila na lamang amo ang magasabat sang tanan nila nga medical expenses.Nag-gwa sa imbestigasyon sang kapulisan nga nag-overtake sa karo sang karabaw ang canter truck.Apang nadulaan sang kontrol ang driver gani nahulog sa kanal kag natumba.Antes sang insidente, nagkuha sang sweldo ang mga hacienda workers kag nag-inom-inom sang makadali.Papauli na sila kuntani sa Silay City sang magluntad ang insidente.*

Maka duha ka beses nga nag buga sang abo ang bulkan Kanlaon kaina sang aga. Samtang, PHIVOLCS ang nag pa gwa naman sang Lahar Advisory kasunod sang mabunok nga ulan sa Negros.Sa record sang Philippine Institute of Volcanology and Seismology, una nga nagbuga sang abo ang bulkan Kanlaon 5:54 sang aga kag naglawig tubtob 6am.Ika duha nga nagbuga sang abo ang bulkan las 6:54 sang aga nag lawig tubtob 7:28am.Suno kay Pearly Sianson, Science Research Specialist sang PHIVOLCS, wala sang may nag-report sang ash fall.Mahimo nga wala na gid man sang ma tup-an sang abo suno sa iya bangud nga 75 meters lang man ang kataason sang pag buga humalin sa crater sang bulkan kag laban nga maga tupa ini sa upper slope sang bulkan.Samtang, dala sang bagyo Verbena kag sang shearline nga m...

Sa Bacolod, ginpatigayon kaina sang aga ang pre-disaster risk assessment ukon PDRA bilang preparasyon sa Bagyo Verbena.Upod sa pagsinapul ang Disaster Risk Reduction and Management Council, mga punong barangay kag kagawad, kag iban pa nga mga ahensya sang lokal nga gobyerno.Ginpanguhanan ini ni Mayor Greg Gasataya, agud masiguro nga preparado ang tanan, labi na ang mga coastal communities nga delikado sa pagsaka sang tubig kag makusog nga hangin.May yara man kaina sang pre-emptive clearing kag declogging operations, kag nagapreparar man ang siudad para sa pre-emptive evacuations sa mga vulnerable nga lugar.Dugang ni Earl Edward Ramirez, Operation Chief sang Bacolod City DRRMO, naka standby na ang rescue vehicles, equipment, kag personnel sang emergency response team kon...

Governor Eugenio Jose Lacson ang nag mando sang pre-emptive evacuation sang mga persona kag pamilya nga yara sa high risk area bangud sang dala nga risgo sang bagyo.Na ka red alert status naman ang Emergency Operation Center.Sa Executive Order nga ginpapanaog ni Governor Lacson, ginmando ang pre-emptive evacuation sa mga flood prone, landslide prone kag storm surge prone area sa Negros Occidental sa pag pasiguro sang safety sang publiko.Suno kay Lacson ang tikang naga pasiguro nga malikawan ang kahalitan sa mga propiedad kag pag ka utas sang kabuhi bangud sang bagyo Verbena.Ang mga alkalde sang nag kalain-lain nga banwa kag siudad ang gina maduan nga gilayon mag patuman sang pre-emptive evacuation.Ang Provincial Disaster Risk Reduction and Management Council ang mag...

Pagsaka sa suspected leptospirosis cases sa Negros Occidental ang na-record kasunod sang nagluntad nga pagbaha dala sang Bagyo Tino.Apat naman ang suspected leptospirosis deaths.Sa datus sang Provincial Health Office, humalin sang November 4, sang mag-igo ang bagyo Tino, tubtob karon may yara sang 90 ka suspected cases ang na-record gikan sa mga ospital kag report sang LGU.72 diri ang na expose sa pagbaha suno sa PHO.Ginsiling ni Dr Girlie Pinongan, Provincial Health Officer, mahimo nga magasaka pa ang kadamuon bangud wala pa nagsulod ang report sang iban nga ospital kasubong man sang iban nga LGU.Ang 90 nagatumod sa mga na-ospital, wala pa diri suno kay Pinongan ang wala ma-ospital.Nagalawig sa 5 to 14 days ang incubation period sang leptospirosis, rason nga s...